Mukaanda kuri bari Efeso 2:20 - Musamu Wamubwete 2013

²⁰ Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.

Mukaanda kuri bari Efeso 2:20 ပူးပေါင်းရင်းမြစ်များ

Musamu wamubwete watina Matayi 16:18

Na me ndeeriri ku wuri yeenu: Ye ngo Petelo, mbangukulu ti tari; na ha yulu tari didyo me sa nyatuunga dibuundu dyaami. Mpinu dza lufwa ka dzibvula makwa na dyo ko.

Musamu wamubwete watina Matayi 21:42

Yesu waleele kuri bo ti: «Buri beenu lwasii taanga mu Matinu ko? "Tari dyaloosiri batuungi, didyo ngo dyeki dyanguri ha kuumbu; mimyo kuri Mfumu miri myafumuna, na mya nkimukunu ha miisu mya beetu."»

1 Kol 12:28

Mu dibuundu, Nzaambi bakasuusiri, dyatete bantumu, dyamoolo babikiri, dyamatatu bayikisi, tumi bangaa-bimaangu, bari na bikabu bya kutsinikisa babeeru, bya kubakisa baatu, bya kutwaalisa, bya mandiinga ma bitsuumbu-bitsuumbu.

Mukaanda kuri bari Ngalatya 2:9

Yakobo, Kefa na Yowane, bari kubahololo bunu makuunsi, bamanaa kubakula ti me bampeeri bweese, batuha mamboto, beetu na Barnaba mu kusoongo kidiimbu kya nyukusunu, mpisi heki beetu tweende kuri makaanda, na bo beende kuri bateende bubakala.

Mukaanda kuri bari Efeso 3:5

dziri mu biseendu byalabuka, basii yaabisa dzo kuri baala ba baatu ko, ngo mu lumalu, Mpeeve mwaayaabisa dzo kuri bantumu baandi bangisi, na kuri babikiri.

Mukaanda kuri bari Kolosayi 2:7

bu lwayeki lwamene myaansi, lwatuungu mu nde, na lwasyaamusu mu kanyi, bunu bu bari baluyikisa, bvutuleenu matoondo ha yulu matoondo.

1 Pet 2:6

Hango-nkuumbu, mu Matinu muri ti: «Monee, me nyisuusa mu Syoni tari dya ha kuumbu dyasoolu na dyantalu, na mpisi wusiila kanyi mu dyo, lo kafwa nsoni ko.»

Nyabusulu ya Yowane 21:14

Kibaka kya bvula, kyaba kyatuunga ha yulu matari kuumi na moolo ma lufulu, na mu matari, mwatina mankuumbu kuumi na moolo, ma bantumu kuumi na boolo, ba Mwaana kimeeme.