Mukaanda kuri bari Efeso 2:2 - Musamu Wamubwete 2013

² mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Efeso 2:2 ပူးပေါင်းရင်းမြစ်များ

Musamu wamubwete watina Matayi 11:19

Mwaana muutu wayisa, wukwedya na wukwenwa, baatu kuleele ti: "Monee ngaa-mante ma kudya, yaa-kinwi, nduku batori ba mpaku na bangaa-masumu!" Madyeele mabaka buungu mu biyiriki byaandi.»

Musamu wamubwete watina Matayi 13:22

Wuri bunu butoto buri na manseende, bu bwiiri nsaangi, ngo muutu wuri kayukaa Maampu, ngo minyoongi mya nsi, na mawunu ma busina biswetikisi Maampu, na mo mahele kubuta bimbutu.

Musamu wamubwete watina Matayi 13:38

nseke ngo nsi; nsaangi dzadzibwete ngo baala ba Kimfumu, lukengisi ngo baala ba Ngaa-bubi,

Musamu wamubwete watina Malako 4:19

kasi minyoongi mya nsi yi, mawunu ma busina, na nyiimunu dza bitsuumbu-bitsuumbu, bu bikotiri mu bo, biswetikise Maampu, na meki bimbutu kubuta pe.

Musamu wamubwete watina Luka 16:8

Mfumu wasiika mukebi wunde wuri na bubayi, bukuri waba walubuka mu kusalila bubwo. Mukwongo, baala ba ntaangu yimayi, babvuriri kulubuka, mu mitariri kiseendu kya bo-meene, ti na baala ba buungi.»

Musamu wamubwete watina Luka 22:31

«Simoni, Simoni, mono, Satana waluloombiri mu kuluyengese, bunu bu basaanaa mankono.

Musamu wamubwete watina Yowane 12:31

Mu lumalu, nsundusulu ya nsi yeki; mu lumalu, mfumu ya nsi yimayi sa bamutuba ku mbasi;

Musamu wamubwete watina Yowane 13:2

Kilookolo ki baba dya mu nsinsika, dyabulu waba mwaasuusa, mu mutima Yuda, mwaana Simoni Iskaryote, kitsimi kya kuyekele Yesu.

Musamu wamubwete watina Yowane 13:27

Kamanaa kudya kitsuri kya mpa, Satana wakoto mu nde. Haho Yesu wamuleele ti: «Ma wuri mu kuyirika, yirika mo mu mawasu.»

Musamu wamubwete watina Yowane 14:30

Me ka nyibweese kudzoonso kwalaka na beenu ko, bukuri mutumi nsi wiisiri, ngo nde wahele na lutumu ti lumosi mu me,

Musamu wamubwete watina Yowane 15:19

Mbuti beenu lwaba ba nsi, nkani nsi yaketi kulutya, bukuri beenu lwaketi kuba ba yo. Ngo bukuri, me nyalusooriri na nyalupalisiri mu nsi, na beenu lwahele kubweese kuba baatu ba nsi, mu ntoono yiyo, nsi yiri mu kulubele.

Musamu wamubwete watina Yowane 16:11

mu mitariri mutsuundu, bukuri Mfumu ya nsi yimayi weki watsuundusu.»

Musamu wamubwete watina Yowane 7:7

Nsi lo, yibele beenu ko, ngo kasi me lo yimbele, bukuri me nyiri mu kuta kimbaangi ti, biyiriki byaandi byabibi.

Musamu wamubwete watina Yowane 8:23

Nde waleele kuri bo ti: «Beenu luri ba ku nsuku, me nyiri wa ku yulu. Beenu luri ba nsi, me nyiri wa nsi yi ko.

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Biyiriki bya Bantumu 19:35

Mutini wa bvula wadzuunisa mpuumbu waleele ti: "Baatu ba ku Efeso, nani mu baatu dziimbiri ti bvula dya Efeso ngo mukebi nzo nzaambi ya wadzaangama Aretemi na kiteki kwafumini ku yulu?

Biyiriki bya Bantumu 5:3

Petelo waleele ti: «Ananya, mu nkya ntoono Satana kaluulusiri mutima ye, mu kuwuna Mpeeve Yangisi, na ye sweekiri ndaambu mipata mi bakiryee mu lumpaangu?

Mukaanda kuri bari Loma 12:2

Yaa lunama bifu bya ntaangu yimayi ko, ngo kasi beenee bakituka mu nkitukulu ya kiluunsi, mpisi lufyongokono bunu buri kutya kwa Nzaambi, kwakubwete, kwatya na kuri na nyirimunu yakuka.

1 Kol 5:10

Me nyahele kudzoonsolo nkati mu biyala bya nsi yimayi, bunu pe bangaa-nsoki-mboongo, bakwedzika bya baatu, bunu pe mu minsaambiri mya biteki, haho ngo hari lo luyelemini kupala mu nsi.

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

Mukaanda kuri bari Efeso 1:21

Kiristo wuri ha yulu kikuutu kyokinso, lutumu lwolunso, mpinu dzodzinso, kimfumu kyokinso, na mpisi nkuumbu yibatsiitsa kutaanguna; kari munu mu ntaangu yimayi ko, ngo se na mu ntaangu yikwiisa.

Mukaanda kuri bari Efeso 2:11

Hango-nkuumbu, baambukeenu mwooyo ti, beenu mu ntaangu yayikulu, lwaba bangooyi mu muswinyi, bahele kuteende bubakala, mu mwiinunu ya babo bateende bubakala, mu nteendulu ya myooko mya baatu.

Mukaanda kuri bari Efeso 2:13

Kasi mu lumalu, mu Kiristo Yesu, beenu bari mu ntaangu yayikulu lwaba la, lweki bebele mu makila ma Kiristo.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

Mukaanda kuri bari Efeso 4:17

Mu didyo, me nyileele na nyitswiikisa mu Mfumu ti, yaa lubweese kwedyaatila bunu bangooyi ko bakwedyaatila mu madyeele ma bo-meene mahele mufunu.

Mukaanda kuri bari Efeso 4:22

lo luyelemini kuyisila ndyaatulu yatekesele ya mu muutu wamukulu, wukwesumuka mu nyiimunu dza mawunu.

Mukaanda kuri bari Efeso 5:6

Yaa kuba muutu wuluwuna mu misamu myahele mufunu ko, bukuri mu mimyo nkesi dza Nzaambi dzikwiisaana ha yulu baala ba nko.

Mukaanda kuri bari Efeso 5:8

Mu ntaangu yayikulu beenu lwaba mampimbisi; mu lumalu beenu lweki buungi mu Mfumu. Yendee lwedyaatila bunu baala ba buungi.

Mukaanda kuri bari Efeso 6:12

Bukuri kikiindu ki turi na kyo, kari kya kunwaanisa muswinyi na makila ko, ngo kasi kya kunwaanisa bakuutu, batumi, na bamfumu ba nsi ya mampimbisi yimayi, kya kunwaanisa mampeeve mamabi mari ku kinsongi-yulu.

Mukaanda kuri bari Kolosayi 1:21

Beenu se mu ntaangu yaluta, lwaba banzeense na bataatu mu bitsimi, mu ntoono biyiriki byabibi.

2 Tim 4:10

Mukwongo, Dema wanyekele, mu lumalu nde weki kutya kwaandi misamu mya ntaangu yimayi, na wayensi ku Tesalonika; Kereseke ngo wuri wayensi ku Ngalatya, na Tito ku Dalamatya.

Mukaanda wa Yakobo 1:27

Nsambukulu ya ngwanwa, na yahele nsumukunu ha busu bwa Taayi Nzaambi, ngo yimayi: kweyilimina bisaani na bafwiilila balumi, kunsa mpasi dzaaku, na kukebe nyutu yaandi mu nsumukunu dza nsi.

Mukaanda wa Yakobo 1:7

Mukwongo, muutu wa bubwo, lo yaa katsima kwaandi ko ti, lo taamburi kitotolo kuri Mfumu.

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

1 Pet 1:14

Bunu baala bari na bintambukulu, yaa lunama kifwaani kya nyiimunu dza ntaangu yayikulu ko, yi lwaba lwakiri kunsa lubu.

1 Pet 4:3

Bukukiri! Bukuri mu ntaangu yaluta beenu lwayirikiri mi tiiri bangooyi, bu lwabee kwedyaatila kunsa buyala, nyiimunu, nkolulu malu, ndiilu na nwiinu bya mawaamba, na nsaambukulu-biteki yiri ntoono yayibi.

2 Pet 2:14

Miisu mya bo myaluula mu kimpala, na banamitina mu kweyirika masumu. Bakwekoondo baatu bahele kukwiikama, mitima mya bo myayuku mu ntiki-mboongo, bo ngo baala ba mpopi.

1 Yow 3:10

Mu didyo, bayaabulaa baala ba Nzaambi, na baala ba dyabulu. Mpisi wunde wuhelaa kusalila nsungumunu kari wa Nzaambi ko; bunubwo se kuri wuhelaa kutya mpaangi yaandi.

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.

1 Yow 4:4

Mwaa-baala, beenu luri ba Nzaambi, na beenu lwabwiisiri babikiri bampya; bukuri wunde wuri mu beenu, bvuriri makwa na wunde wuri mu nsi.

1 Yow 5:19

Tuyaari ti beetu turi baatu ba Nzaambi, na nsi yoyinso yiri kunsa bubi.

1 Yow 5:4

bukuri mpisi wabutuka kuri Nzaambi, lo waluuluka mu nsi, na ndulukulu ya kuluuluka mu nsi, ngo kanyi dyeetu.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:14

Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Nyabusulu ya Yowane 16:17

Mbasi yansaamu yatsaamuna mbasa yaandi mu maheembele; mbeembu yayinene yafumuna ku mboloko ya mu Nzo-nzaambi yayukukuna na yileele ti: «Ma mwaayirima.»

Nyabusulu ya Yowane 20:2

Yo yakwaata maŋataŋo, nyoko yayikulu, yiri dyabulu na Satana, na yamukaanga mu syeene mu fuunda dya mibvu.