Mukaanda kuri bari Efeso 2:19 - Musamu Wamubwete 2013

¹⁹ Mu didyo, beenu lusii banzeense, na minzakikiri ko, kasi lweki bangaa-nsi kintwaari na bangisi, baatu bari mu kaanda dya Nzaambi.

Mukaanda kuri bari Efeso 2:19 ပူးပေါင်းရင်းမြစ်များ

Musamu wamubwete watina Matayi 10:25

Bwayelemene mu muyiki kuri nde se kaba bunu muyikisi, na mu kisari nde se kaba bunu mfumu. Mbuti ngaa-nzo bamuleele ti Beledzebule, lo nkya myo bahele kuleele mu badzakala mu nzo nde?»

Mukaanda kuri bari Ngalatya 6:10

Mu didyo, ha twakiri na ntaangu, tuyirikeenu mamabwe kuri baatu bobanso, ngo bvula-bvula kuri baturi kintwaari mu kanyi.

Mukaanda kuri bari Efeso 2:12

Baambukeenu mwooyo ti lwaba, mu ntaangu yiyo kwahele Kiristo, bahele kuba na miswa mu kudzakala mu nsi ya Isaheli, banzeense mu ndelusunu dza lusiilulu, bahele na nsiitu na bahele na Nzaambi mu nsi.

Mukaanda kuri bari Efeso 3:15

kuri nde, mpisi kaanda ku mayulu na ha butoto, diri dyataambula nkuumbu.

Mukaanda kuri bari Efeso 3:6

Mu nzila ya Musamu Wamubwete, makaanda se meki bakondiri ba saala mu kintwaari, bari mu nyutu mosi, na bataambula ha kimosi na Bayudayo, lusiilulu luri mu Yesu Kiristo.

Mukaanda kuri bari Filipo 3:20

Mukwongo, bula bweetu ngo mayulu, kukwo kuri Mubvuukisi wu turi mu kwekiinga, Mfumu Yesu Kiristo.

Mukaanda kuri Bahebeleho 11:13

Bobanso babo bafwiila mu kanyi, kwahele kutaambula bitotolo bya nsiilulu, ngo kasi, babitariri ku la na bamono kiminu mu byo, bo babakuri ti banzeense bari, na bidyeengi ha butoto.

Mukaanda kuri Bahebeleho 13:14

Bukuri ka turi na bula bwakinkulu ko, ngo turi mu kwesaka bula bwa ntaangu yikwiisa.

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

1 Yow 3:1

Monee nkya ntiilu Taata kari katutiila, mpisi heki batuteele baala ba Nzaambi, na turi se bo. Hango-nkuumbu, nsi yahele kutuyaaba, bukuri yahele kuyaaba nde.