Mukaanda kuri bari Efeso 2:18 - Musamu Wamubwete 2013

¹⁸ Bukuri mu nde, beetu turi na miswa, bamosi na bakaka, mu Mpeeve yomosi, mu kuba hari Taata.

Mukaanda kuri bari Efeso 2:18 ပူးပေါင်းရင်းမြစ်များ

Musamu wamubwete watina Matayi 28:19

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,

Musamu wamubwete watina Yowane 10:7

Yesu wabweese kuleele ti: «Ngwanwa mu ngwanwa, me ngo mweelu bimeeme.

Musamu wamubwete watina Yowane 10:9

Me ngo mweelu: mbuti muutu kotiri mu me, lo sa kabvuuka, sa kakoto, sa kapala, na sa kabaka mbyandya.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Mukaanda kuri bari Loma 5:2

mu nde se turi twabaka miswa, mya kutaambula mu kanyi mu bweese bubwo, bu turi twatelemene, na turi twasiila kimweese kyeetu, mu nsiitu ya nkeembu Nzaambi.

Mukaanda kuri bari Loma 8:15

Bukuri beenu lwahele kutaambula mpeeve ya bunkutu, mu kuri ti lubweese kuba na boomo: ngo kasi beenu lwataambula Mpeeve, yisa kuri ti luba baala ba Nzaambi, mu yo beetu tukoobikisaa ti: «Aba, Taata!»

1 Kol 12:13

Bukuri beetu-banso batubotoko mu Mpeeve yomosi, mu nyutu yomosi, ti Bayudayo, ti Bahelene, ti bankutu, ti baatu bari na bunsaalisi, na beetu-banso batunwiisa mu Mpeeve yomosi.

1 Kol 8:6

Ngo kasi, mu beetu lo Nzaambi yomosi yiri, Taayi, mu nde byobinso biri byafumuna, na beetu turi ba nde; Mfumu se yomosi yiri, Yesu Kiristo, byobinso byayirimina mu nde, na beetu turi mwooyo mu nde.

Mukaanda kuri bari Ngalatya 4:6

Ngo bukuri beenu luri baala, Nzaambi waheeke Mpeeve ya Mwaana waandi, munsa mitima myeetu, yiri mu kubikisa ti: «Aba, ho Taata!»

Mukaanda kuri bari Efeso 3:12

Mu kanyi mu nde, beetu turi na bunsaalisi bwa kudzoonso na kukokosolo kuri Nzaambi mu nsiitu dzodzinso.

Mukaanda kuri bari Efeso 3:14

Mu didyo, me nyitsukuma ha busu bwa Taata,

Mukaanda kuri bari Efeso 4:4

Nyutu mosi yiri, na Mpeeve se mosi, bunubwo se bari baluteele mu nsiitu mosi, ya mbila yeenu.

Mukaanda kuri bari Efeso 6:18

Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,

Mukaanda kuri bari Kolosayi 1:12

bvutuleenu matoondo kuri Taata, wasa kuri ti luba bakuka mu kutaambula kikuuku kya saala dya bangisi kunsa buungi.

Mukaanda kuri Bahebeleho 7:19

Bukuri mangisi mahele kunata kitotolo ti kimosi, ku nyirimunu yakuka, ngo beetu twakoto mu nsiitu yibvuriri bubwete, mu yo beetu tukokisilaa kuri Nzaambi.

Mukaanda wa Yakobo 3:9

Mu lwo, tusakumunaa Mfumu wuri Taata; na mu lwo se tubulilaa baatu mampopi, bari mu kifwaani kya Nzaambi.

1 Pet 1:17

Na mbuti beenu luteelaa mu lusaambulu ti Taata, wunde wahele na kimpengeki, wutsuundisa muutu-muutu bunu buri biyiriki byaandi, lo dyaatileenu mu kibvumi, mu ntaangu ya kidziingu kyeenu mu nsi ya bunzeense yi,

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

Mukaanda Yuda 1:20

Ngo beenu, banduku ba mutima, tuungumeenu beenu-mee ha yulu kanyi dyeenu dyangisi na ngisi, na saambileenu mu Mpeeve Yangisi.