Mukaanda kuri bari Efeso 2:17 - Musamu Wamubwete 2013

¹⁷ Bu kayisa, nde wayaabisa Musamu wa kiyeengi kuri beenu lwaba la, na kuri baba bebele.

Mukaanda kuri bari Efeso 2:17 ပူးပေါင်းရင်းမြစ်များ

Musamu wamubwete watina Matayi 10:13

Mbuti nzo yiyo yayelemene, lo hemese kiyeengi kyeenu kiba mu yo. Ngo mbuti yahele kuyelemene, lo hemese kiyeengi kyeenu kibvutuka kuri beenu-meene.

Musamu wamubwete watina Luka 15:8

«Bunu pe nkya mukyeetu wuri habaanaa wuri na mipata kuumi, ngo kadziimbisiri mupata mosi, lo wahele kunamuka mwiinda, na kukoombolo nzo mu kusaka nde mu bunkete, natee ku kamudzuukiri?

Musamu wamubwete watina Luka 2:14

«Nkeembu kuri Nzaambi kunu kinsongi-yulu, na kiyeengi ha butoto, kuri baatu ba katiiri.»

Biyiriki bya Bantumu 10:36

Nde waheeke maampu maandi kuri baala ba Isaheli, mu kuyaabisa Musamu Wamubwete wa kiyeengi mu Yesu Kiristo, nde wuri Mfumu ya bobanso.

Biyiriki bya Bantumu 2:39

Mukwongo, lusiilulu basa lwo kuri beenu, kuri baala beenu, na kuri bobanso bari la, bobanso bari Mfumu Nzaambi yeetu wabateele mbila."

Mukaanda kuri bari Loma 10:14

Ngo dyaburi bateelele wunde wuri bahele kumusiila kanyi? Dyaburi basiila kanyi mu wunde wuri bahele kuyuka badzoonsolo mu nde? Dyaburi bayukila, mbuti kwahele wuyaabisa?

Mukaanda kuri bari Loma 5:1

Ngo twayeki twaluulukusu mu kanyi, turi kiyeengi na Nzaambi, mu Mfumu yeetu Yesu Kiristo;

2 Kol 5:20

Beetuneenu ngo turi bamonikisi ba Kiristo, buni ti Nzaambi wuri mu kulusyaamisa mu beetu; beetu tuluyiingikila mu nkuumbu ya Kiristo, taambulee kubweese kuyukusuna na Nzaambi.

Mukaanda kuri bari Efeso 4:21

Mbuti heki beenu lwayuka mi kari kaleele nde-meene, na mu nde, beenu baluyikisa, bunu buri ngwanwa yiri mu Yesu,