Mukaanda kuri bari Efeso 2:12 - Musamu Wamubwete 2013

¹² Baambukeenu mwooyo ti lwaba, mu ntaangu yiyo kwahele Kiristo, bahele kuba na miswa mu kudzakala mu nsi ya Isaheli, banzeense mu ndelusunu dza lusiilulu, bahele na nsiitu na bahele na Nzaambi mu nsi.

Mukaanda kuri bari Efeso 2:12 ပူးပေါင်းရင်းမြစ်များ

Musamu wamubwete watina Luka 1:72

mu kusiila bataayi beetu ngebe, na kubambukila mwooyo mu lulelusunu lwaandi lwangisi,

Musamu wamubwete watina Yowane 10:16

Me nyiri na bimeeme bikimi biri byahele mu lupaangu lumalu. Bibyo se me nyelemini kubitwaala, sa byayuka mbeembu yaami, byobinso sa byaba mpuumbu mosi na mutari se mosi.

Musamu wamubwete watina Yowane 15:5

Me ngo mudzi bviinya, beenu ngo midzi myantele. Wunde wunamitina kuba mu me, na me mu nde, sa kabuta bimbutu byalaka, bukuri kwahele me, lo lubangusina kusa kitotolo ko.

Musamu wamubwete watina Yowane 4:22

Beenu, lusaambilaana kiri lwahele kuyaaba; ngo beetu tusaambilaana kiri tuyaari, bukuri mvuukulu yafumuna kuri Bayudayo.

Biyiriki bya Bantumu 2:39

Mukwongo, lusiilulu basa lwo kuri beenu, kuri baala beenu, na kuri bobanso bari la, bobanso bari Mfumu Nzaambi yeetu wabateele mbila."

Biyiriki bya Bantumu 28:20

Mu ntoono yiyo me ndoombiryee mu kulumono, na mu kuyolo na beenu. Mu ntoono nsiitu ya Isaheli, me nyiri mu bikonyi bi nyiri na byo bi.

Biyiriki bya Bantumu 3:25

Beenu luri baala ba babikiri, na ba lulelusunu lwasiiri Nzaambi na bataayi beenu, ha kabaleele kuri Abalaami ti: "Mu babutuka mu ye, makaanda momanso ma ha butoto, sa maba masakumunu."

Mukaanda kuri bari Loma 9:8

Mbangukulu ti: kari baala ba muswinyi ko, bari baala ba Nzaambi, kasi baala bansiilulu bari mu lutaangu lwa bapalila mu nde.

Mukaanda kuri bari Ngalatya 4:8

Kasi mu ntaangu yayikulu, bu lwaba lwahele kuyaaba Nzaambi, beenu lwaba bankutu, kuri bibyo biri byahele kuba Nzaambi mu ngwanwa.

Mukaanda kuri bari Efeso 2:19

Mu didyo, beenu lusii banzeense, na minzakikiri ko, kasi lweki bangaa-nsi kintwaari na bangisi, baatu bari mu kaanda dya Nzaambi.

Mukaanda kuri bari Efeso 4:18

Madyeele ma bo mayeki mamabi, bo banzeense mu mwooyo wa kinzaambi, mu ntoono kuhele kwa nyaabulu, na mu ntoono nkubusulu mutima yi bari na yo.

Mukaanda kuri bari Kolosayi 1:21

Beenu se mu ntaangu yaluta, lwaba banzeense na bataatu mu bitsimi, mu ntoono biyiriki byabibi.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Kolosayi 1:5

mu ntoono nsiitu yibari balusweekele mu mayulu, yi luri lwatekesele kuyuka, mu maampu mangwanwa ma Musamu Wamubwete.

1 Tes 4:13

Bampaangi, beetu tutii ko ti beenu luba kunsa lubu, mu mitariri babo ba mwaafwa, mpisi luhele kwenyoongo bunu bakaka bahele na nsiitu.

1 Tes 4:5

kwahele kuba mu lutumu lwa mantiilu mamabi, bunu bangooyi bari bahele kuyaaba Nzaambi.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

1 Tim 1:1

Pawulo, ntumu Yesu Kiristo, bunu buri lutumu lwa Nzaambi mubvuukisi weetu, na lwa Yesu Kiristo, nsiitu yeetu.

Mukaanda kuri Bahebeleho 11:34

badzimisa mambaawu mamakwa, babvuuka mu lufwa lwa mu saabala, babweese kubaka makwa ha mambisa ma buyonsi, basoongo bunkanyi mu mudziingu, bayitikisa mikaangu mya bayongolo mya banzeense.

Mukaanda kuri Bahebeleho 6:18

mpisi heki mu misamu myoolo miri myayiingaa ko, miri lo Nzaambi wahele kusa mpya, tutaambuleenu nsyamusunu dzalaka, mu kukwaata na keketee nsiitu dzi bari batutaasila;

Mukaanda kuri Bahebeleho 8:6

Kasi mu lumalu, nde wabaka kisalu kyasoboko, kibvuriri mufunu, bukuri nde wuri munkabu-kati wa lulelusunu lubvuriri bubwete, lu basiiriri nsiilulu dzibvuriri bubwete.

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

1 Pet 1:3

Nzaambi, Taayi dya Mfumu yeetu Yesu Kiristo kaba wasakumunu! Nde wuri, bunu buri bunene bwa ngebe dzaandi, watubuta mu mbutukulu yamoono, mu nsiitu dzamwooyo, mu mfulukulu ya Yesu Kiristo mu bafwa,

1 Pet 3:15

Dumusee Kiristo Mfumu kunsa mitima myeenu. Beene bayirima mu mantaangu momanso, mu kukalila buungu, kuri mpisi wunde wulufuula, nsiitu dziri mu beenu,

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.