Mukaanda kuri bari Efeso 2:11 - Musamu Wamubwete 2013

¹¹ Hango-nkuumbu, baambukeenu mwooyo ti, beenu mu ntaangu yayikulu, lwaba bangooyi mu muswinyi, bahele kuteende bubakala, mu mwiinunu ya babo bateende bubakala, mu nteendulu ya myooko mya baatu.

Mukaanda kuri bari Efeso 2:11 ပူးပေါင်းရင်းမြစ်များ

Musamu wamubwete watina Matayi 20:7

Bo baleele kuri nde ti: "Bukuri kwahele muutu wutuhoriryee mu kisalu." Nde waleele kuri bo ti: "Beenu se yendeenu ku nseke bviinya."

Mukaanda kuri bari Loma 11:17

Ngo mbuti mu muti wu bakunini, bimpaala byabimosi byatabulu, na ye wuri muti wa ku musitu, bakukwiikiri mu muti wunde, mu kuba kintwaari na bimpaala byasaala, na kutaambula maampa mafumuna mu myaansi,

Mukaanda kuri bari Loma 2:26

Ngo mbuti muutu wahele kuteende bubakala, wubvuminaa mangisi, buri lo mpelulu nteendulu bubakala bwa nde, yahele kumonokono bunu nteendulu bubakala?

Mukaanda kuri bari Loma 2:27

Muutu wahele kuteende bubakala mu muswinyi, ngo wusalilaa mangisi, sa katsuundisa ye wuri na mukaanda mangisi, na wateende bubakala, ngo wuri musinini mangisi.

1 Kol 12:2

Ha lwaba lwakiri bangooyi, beenu luyaari dyaburi lwaba luri lwatwaalusu, mu kweyende kuri biteki, byahele na mbeembu.

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

Mukaanda kuri bari Ngalatya 2:15

Beetuneenu twabutuka Bayudayo, twahele kufumuna mu kaanda dya bahele kuba Bayudayo, bangaa-masumu.

Mukaanda kuri bari Ngalatya 6:12

Bobanso bari na nzala-kubila mu muswinyi, batiiri kulukwiikisa kuteende bubakala, mpisi heki bahele kuba bakwaamusu mu ntoono ya kuruwa dya Kiristo.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Efeso 5:8

Mu ntaangu yayikulu beenu lwaba mampimbisi; mu lumalu beenu lweki buungi mu Mfumu. Yendee lwedyaatila bunu baala ba buungi.

Mukaanda kuri bari Filipo 3:3

Mukwongo, bateende bubakala ngo beetuneenu, tusaambilaa mu Mpeeve ya Nzaambi, tumonaa kimweese mu Kiristo Yesu, na tuhelaa kusiila nsiitu mu muswinyi,

Mukaanda kuri bari Kolosayi 1:21

Beenu se mu ntaangu yaluta, lwaba banzeense na bataatu mu bitsimi, mu ntoono biyiriki byabibi.

Mukaanda kuri bari Kolosayi 2:11

Mu nde se, beenu bari baluteende bubakala, mu nteendulu yahele kuba ya myooko mya baatu, ya nyubukulu nyutu ya muswinyi, ngo mu nteendulu ya Kiristo.

Mukaanda kuri bari Kolosayi 2:13

Beenu lwaba lwafwa mu ntoono lumvuki lweenu, na bukuri lwaba lwahele bateende bubakala mu muswinyi weenu, ngo Nzaambi walusa bamwooyo kintwaari na Kiristo, mu kuluhemesene lumvuki lweenu lwolunso.

Mukaanda kuri bari Kolosayi 3:11

Mu didyo, kwasaala Muhelene na Muyudayo ko, wateendu bubakala na wahele kuteende bubakala ko, munzeense, Musikite, nkutu, muutu wuri bunsaalisi ko; ngo Kiristo wuri byobinso na wuri mu bobanso.