Mukaanda kuri bari Efeso 1:7 - Musamu Wamubwete 2013

⁷ Mu nde, beetu turi na nkuululu mu makila maandi, na mpemusunu ya lumvuki, bunu buri busina bwa bweese bwaandi,

Mukaanda kuri bari Efeso 1:7 ပူးပေါင်းရင်းမြစ်များ

Musamu wamubwete watina Matayi 20:28

Bwobumosi mu Mwaana muutu wahele kwiisa mu kuri ti bamusalila, ngo mu kusalila na kuha kidziingu kyaandi, bunu kikori mu balaka.»

Musamu wamubwete watina Matayi 26:28

Bukuri mamama ngo makila maami, ma lulelusunu matsaamuka mu balaka, mu ntoono mpemusunu ya masumu.

Musamu wamubwete watina Matayi 6:12

Tuhemesene bubi bweetu, bunu bu twahemisini beetu se babee tuyirikila mamabi.

Musamu wamubwete watina Malako 14:24

Nde wabaleele ti: «Mamama ngo makila maami ma lulelusunu, matsaamuka mu ntoono balaka.

Musamu wamubwete watina Luka 1:77

mu kuha kuri kaanda dyaandi, nyaabulu ya mvuukulu mu mpemusunu ya masumu ma bo,

Musamu wamubwete watina Luka 24:47

na nyiingulu madyeele, mu mpemusunu ya masumu, sa yaba yayaabisa mu nkuumbu yaandi, kuri makaanda momanso, kubandikila ku Yerusalemi.

Musamu wamubwete watina Yowane 20:23

Kuri babo baluhemesene beenu masumu ma bo, sa maba mabahemusunu; mbuti kuri babamosi lubakebiri mo, sa maba makebu.»

Biyiriki bya Bantumu 10:43

Babikiri bobanso bateele nde kimbaangi, mpisi wusa kanyi mu nde, sa kataambula mpemisi ya masumu mu nkuumbu yaandi."

Biyiriki bya Bantumu 2:38

Petelo waleele kuri bo ti: "Yiingeenu madyeele [bubwo kaleeriri] na mosi-mosi mu beenu kataambula mbotokulu mu nkuumbu ya Yesu Kiristo, mu mpemusunu ya masumu ma beenu, tumi lutaambula kikabu kya Mpeeve Yangisi.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Biyiriki bya Bantumu 3:19

Hango, yiingeenu madyeele na seenee kanyi, mpisi heki masumu ma beenu maba mayaalu,

Mukaanda kuri bari Loma 2:4

Hoti busina bwa mbweeyulu-mutima waandi, nkuundulu na nkindusulu-mutima waandi, ye wuri mu kunyaafuna, mu kuhele kuyaaba ti mbweeyulu-mutima ya Nzaambi, yinataa ye ku nyiingulu madyeele?

Mukaanda kuri bari Loma 3:24

ngo nde wabalulukisa kwa mungengi mu bweese, mu nzila ya nkuululu yiyo yiri mu Kiristo Yesu.

Mukaanda kuri bari Loma 3:25

Nde, Nzaambi kari kayakisa bunu kikori mu makila maandi mu nzila ya kanyi, mu kusoongo nsungumunu yaandi bu kahemisini masumu matekisiri,

Mukaanda kuri bari Loma 9:23

Nde watiiri se kuyaabisa busina bwa nkeembu yaandi, kuri bisa bikari kabakila ngebe, bi katekisiri kuyirika mu ntoono nkeembu yaandi.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

2 Kol 8:9

Mukwongo, beenu luyaari bweese bwa Mfumu yeetu Yesu Kiristo: nde waba kisina, kasi mu ntoono beenu, walwaata buwelu, mpisi heki mu buwelu bwaandi, beenu luba bisina.

Mukaanda kuri bari Efeso 1:14

Mpeeve yiyo, yitukebelaa saala dyeetu, natee mu nkuululu yi tubaka mu ntoono ndumusu ya nkeembu yaandi.

Mukaanda kuri bari Efeso 1:18

Hemese Nzaambi katsyeemese mwiinunu yeenu mu mitima, mpisi lubakula nkya nsiitu yiri mu mbila yikari kaluteele, nkya busina bwa nkeembu yiri mu saala dyaandi, ha kakati dya bangisi,

Mukaanda kuri bari Efeso 1:6

mu kuha ndumusu ya nkeembu ya bweese bwaandi, bu kari katuha kwa mungengi mu mwaana waandi wa mutima.

Mukaanda kuri bari Efeso 1:8

bu kari kabwookoso mu beetu, kunsa nyaabulu yoyinso na madyeele.

Mukaanda kuri bari Efeso 2:4

Ngo Nzaambi waluula mu ngebe, mu ntoono ntiilu yaandi yayinene, yikari katutiila,

Mukaanda kuri bari Efeso 2:7

mu kusoongo mu mantaangu makwiisa, busina bwabuukula bwa bweese bwaandi, mu mbweeyulu-mutima waandi kuri beetu mu Kiristo Yesu.

Mukaanda kuri bari Efeso 3:16

Nde, mu Mpeeve yaandi, kaluha makwa mu muutu wa kunsa-kati, bunu buri busina bwa nkeembu yaandi mu mpinu.

Mukaanda kuri bari Efeso 3:8

Kuri me wu bvuriri buntele mu bangisi bobanso, bari baha bweese bumabu, bwa kuyaabisa kuri makaanda busina bwa Kiristo bwahele mbangukulu,

Mukaanda kuri bari Filipo 4:19

Nzaambi yaami sa kayukitisa manzala meenu momanso, bunu buri busina bwaandi kunsa nkeembu mu Kiristo Yesu.

Mukaanda kuri bari Kolosayi 1:14

Mu nde, beetu turi na nkuululu na mpemisi ya masumu.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Kolosayi 2:13

Beenu lwaba lwafwa mu ntoono lumvuki lweenu, na bukuri lwaba lwahele bateende bubakala mu muswinyi weenu, ngo Nzaambi walusa bamwooyo kintwaari na Kiristo, mu kuluhemesene lumvuki lweenu lwolunso.

Mukaanda kuri bari Kolosayi 2:2

Me ntiiri ti mitima mya bo miba myasyaamusu, baba babvuutuna mu kintwaari kunsa ntiilu, na mu kubaka busina bwobunso bwa nduululu ya madyeele, mu nyaabulu mpaanu dza Nzaambi, ngo Kiristo,

1 Tim 2:6

Nde waheeri kikori ngo nyutu yaandi, mu kukuula baatu bobanso, kikyo ngo kimbaangi mu ntaangu yayelemene.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Tito 3:6

Mpeeve yiyo nde kari katsyaamuna ha yulu beetu, kwa mansaalisi mu Yesu Kiristo Mubvuukisi weetu,

Mukaanda kuri Bahebeleho 9:22

Byobinso mpaangi-pe biri byatsyeemusu mu makila, bunu bu loombolo mangisi, na ka kuri mpemisi ko, kwahele nsyamukunu makila.

1 Pet 2:24

Mu nyutu yaandi, nde wanata masumu meetu ha yulu muti, mpisi heki bu tufwiiri mu masumu, tuba mwooyo mu ntoono nsungumunu. Mu biwa byaandi beenu luri lwatsinukusu.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

1 Yow 2:12

Me nyitinina kuri beenu mwaa-baala, bukuri masumu ma beenu mayeki mahemusunu, mu ntoono nkuumbu yaandi.

1 Yow 2:2

Nde ngo kikori mu ntoono masumu meetu, kari munu mu masumu ma beetu ko, ngo se mu masumu ma nsi yansiina.

1 Yow 4:10

Ntiilu yiri bumabu: ka kuri ko ti beetu twatiiri Nzaambi, ngo kasi nde watutya, na waheeke Mwaana waandi, bunu kikori mu masumu meetu.

Nyabusulu ya Yowane 14:4

Bamaba ngo babo bari basii kusumuka mu bakyeetu ko, bukuri baba bakiri banswaasa, bamaba ngo bari mu kwenama Mwaana kimeeme kwokunso ku ka kweyende. Bamaba ngo ba bari bakuula ha kakati dya baatu, mintekesele mya Nzaambi na mya Mwaana kimeeme.

Nyabusulu ya Yowane 5:9

Baba yimbilaana mukuunga wamoono ti: «Ye wayelemene kuholo mukaanda, na kudzibula binyemu byaandi, bukuri ye bakukekiri, na mu makila maaku, ye wakuula baatu mu ntoono Nzaambi, ba bitsuumbu byobinso, mandiinga momanso, baatu bobanso, na makaanda momanso.