Mukaanda kuri bari Efeso 1:21 - Musamu Wamubwete 2013

²¹ Kiristo wuri ha yulu kikuutu kyokinso, lutumu lwolunso, mpinu dzodzinso, kimfumu kyokinso, na mpisi nkuumbu yibatsiitsa kutaanguna; kari munu mu ntaangu yimayi ko, ngo se na mu ntaangu yikwiisa.

Mukaanda kuri bari Efeso 1:21 ပူးပေါင်းရင်းမြစ်များ

Musamu wamubwete watina Matayi 12:32

Mpisi wunde wuleele ntoono yayibi mu Mwaana muutu, lo sa bamuhemesene; ngo kasi wunde wudzoonsolo bwabubi mu Mpeeve Yangisi, lo bamuhemesene ko, ti mu ntaangu yimayi, ti mu ntaangu yikwiisa.»

Biyiriki bya Bantumu 4:12

Mvuukulu yahele mu mukimi; bukuri kwahele nkuumbu yikimi ha butoto, yi bari baha kuri baatu, yiri lo mu yo, beetu tubvuukiri.»

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Efeso 3:10

Mu lumalu, mu nzila ya dibuundu, batumi na bamfumu ba kinsongi-yulu bamwaayaaba madyeele ma Nzaambi ma bitsuumbu-bitsuumbu,

Mukaanda kuri bari Efeso 6:12

Bukuri kikiindu ki turi na kyo, kari kya kunwaanisa muswinyi na makila ko, ngo kasi kya kunwaanisa bakuutu, batumi, na bamfumu ba nsi ya mampimbisi yimayi, kya kunwaanisa mampeeve mamabi mari ku kinsongi-yulu.

Mukaanda kuri bari Kolosayi 2:10

na mu nde beenu lwayeki lwaluula mu byobinso, nde wuri Mfumu ha yulu bobanso bari na kimfumu na bari na lutumu.

Mukaanda kuri bari Kolosayi 2:15

Bu kasyoonono kimfumu kya bakuutu na batumi, wabayanika mu kuba basaana ha busu bwa baatu, wabakoko bunu maboroko kunsa ndulukulu yaandi.

Mukaanda kuri Bahebeleho 1:4

Mwaana wayeki nkati bvuriri na bambasi, ngo kari kakondolo nkuumbu yibvuriri bubwete na bo.

Mukaanda kuri Bahebeleho 2:5

Mukwongo, kari kuri bambasi ko, nde kari kaha lutumu lwa nsi yikwiisa, yi turi mu kudzoonsolo.

Mukaanda kuri Bahebeleho 4:14

Hango, bu turi na mukuutu bangaanga-nzaambi wataba mayulu, Yesu, Mwaana Nzaambi, tukwaatee na keketee kimbaangi kya kanyi.

1 Pet 3:22

nde wuri bu kayende ku yulu, wuri ha lubakala lwa Nzaambi. Bambasi, na baatu bari na lutumu na bari na mpinu, bari kunsa lutumu lwaandi.