Mukaanda kuri bari Efeso 1:20 - Musamu Wamubwete 2013

²⁰ dzi kari kamonokoso mu Kiristo, bu kamufulukisi ha kakati dya bafwa, na bu kamudzakisa ha lubakala lwaandi kunu kinsongi-yulu.

Mukaanda kuri bari Efeso 1:20 ပူးပေါင်းရင်းမြစ်များ

Musamu wamubwete watina Matayi 26:64

Yesu waleele kuri nde ti: «Ye leeriri. Ngo me nyileele kuri beenu ti: Kuholosono lumalu, beenu sa lumono Mwaana muutu wadzakala ha lubakala lwa mpinu, na wuri mu kwiisa mu matuti ma yulu.»

Musamu wamubwete watina Matayi 28:18

Yesu bu kokosolo, waleele kuri bo ti: «Lutumu lwolunso baheeri kuri me, ku mayulu na ha butoto.

Musamu wamubwete watina Malako 14:62

Yesu wabvutula ti: «Me nyiri; na sa lwamono Mwaana muutu wadzakala ha Lubakala lwa Mpinu na wuri mu kwiisa mu matuti ma yulu.»

Musamu wamubwete watina Malako 16:19

Mfumu Yesu, kamanaa kudzoonso kuri bo, wanaangunu mu mayulu na wadzakala ha lubakala lwa Nzaambi.

Musamu wamubwete watina Yowane 10:18

Kuri muutu ti mosi ko wuholo me kyo, ngo kasi me-meene nyikiha. Me nyiri na lutumu mu kukiha, na nyiri na lutuma mu kubweese kukiholo. Lutumu lulwo, me nyataambula lwo kuri Taayi dyaami.»

Musamu wamubwete watina Yowane 10:30

Me na Taata, turi mosi.»

Biyiriki bya Bantumu 10:40

Ngo Nzaambi wamufulukisa [mu] kiluumbu kyabitatu na wamuha miswa mu kwemonokono,

Biyiriki bya Bantumu 26:8

Bukuri ki luri mu kutsima, ti Nzaambi kari mfulukisa bafwa ko?

Biyiriki bya Bantumu 4:10

diba dyayabakana kuri beenu-banso na kuri kaanda dyodinso dya Isaheli ti: mu nkuumbu Yesu Kiristo wa ku Nadzareti, wu lwabee komono beenu, wuri Nzaambi wamufulukisi mu bafwa, mu nde, wumawu kari kateleme nangwii ha busu bwa beenu.

Biyiriki bya Bantumu 5:31

Nzaambi, wamudzaangisiri mu koko kwaandi kwa lubakala, mu kuba Mfumu na Mubvuukisi, [mpisi] kaha kuri Isaheli nyiingulu madyeele na mpemusunu masumu.

Mukaanda kuri bari Loma 1:4

wu kari kasa Mwaana Nzaambi, mu mpinu, bunu buri Mpeeve ya bungisi, mu mfulukulu ya bafwa, ngo Yesu Kiristo Mfumu yeetu.

Mukaanda kuri bari Loma 8:34

Na wubakesele mukanu? Kiristo Yesu wafwiiri, ha yulu haho se wafulukiri, wuri ha lubakala lwa Nzaambi, na wuri mu kutunwaanikinaa mu lusaambulu.

Mukaanda kuri bari Efeso 1:3

Kaba wasakumunu, Nzaambi wuri Taayi dya Mfumu yeetu Yesu Kiristo, nde watusakumuna mu nsakumunu dzodzinso dza kimpeeve, kunu kinsongi-yulu mu Kiristo.

Mukaanda kuri bari Filipo 3:10

Me ntii kuyaaba nde, na kuyaaba mpinu dza mfulukulu yaandi, na kuba kintwaari mu mpasi dzaandi, mu kunama kifwaani kya nde mu lufwa lwaandi,

Mukaanda kuri bari Kolosayi 1:16

bukuri mu nde, bitotolo byobinso bari babiyirikila, mu mayulu na ha butoto, bi bamonaa na biri bamonaa ko, ti mamboloko, ti bumbyaasi, ti bimfumu, ti lutumu. Bitotolo byobinso mu nde, na mu ntoono nde, bari babiyirikila.

Mukaanda kuri bari Kolosayi 3:1

Mbuti beenu lwafulukusu na Kiristo, lo sakeenu bya ku yulu, kukwo kwadzakala Kiristo ha lubakala lwa Nzaambi.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Mukaanda kuri Bahebeleho 10:12

Ngo kasi, nde bu kaheeri kikabu kya kudzusa mu ntoono masumu, wadzakala ha lubakala lwa Nzaambi kwakinkulu.

Mukaanda kuri Bahebeleho 13:20

Hemese Nzaambi ya kiyeengi, wafulukisi mu bafwa Mfumu yeetu Yesu, mutari wamunene, mu ntoono makila ma lulelusunu lwa na mu mantaangu momanso,

Mukaanda kuri Bahebeleho 2:9

ngo kasi tumono kuri ti, Yesu, wunde wubakuriri mu mwaa-kiteesu kibvuriri buntele, ti na kya bambasi, mu ntoono mpasi dza lufwa, nde bamulwiika lukoongolo lwa nkeembu na lwa lukiinsu, mpisi heki mu bweese bwa Nzaambi, nde kabiimba lufwa mu ntoono baatu bobanso.

1 Pet 1:3

Nzaambi, Taayi dya Mfumu yeetu Yesu Kiristo kaba wasakumunu! Nde wuri, bunu buri bunene bwa ngebe dzaandi, watubuta mu mbutukulu yamoono, mu nsiitu dzamwooyo, mu mfulukulu ya Yesu Kiristo mu bafwa,

Nyabusulu ya Yowane 1:17

Me bu nyamumono, nyabwa ha miilu myaandi, bunu muutu wafwa, na nde wateeteke kooko kwaandi kwa lubakala ha yulu me, waleele: «Yaa ba na boomo ko, me nyiri watete na wampotulu,