Mukaanda kuri bari Efeso 1:14 - Musamu Wamubwete 2013

¹⁴ Mpeeve yiyo, yitukebelaa saala dyeetu, natee mu nkuululu yi tubaka mu ntoono ndumusu ya nkeembu yaandi.

Mukaanda kuri bari Efeso 1:14 ပူးပေါင်းရင်းမြစ်များ

Musamu wamubwete watina Luka 21:28

Misamu mimyo, mibaanaa myeki baandika kumonoko, lo suungumeenu na siimbileenu mitu myeenu, bukuri nkuululu yeenu yikokisiri.»

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Biyiriki bya Bantumu 20:32

Mu lumalu, me nyiluyekele beenu-banso kuri Nzaambi na kuri maampu ma bweese bwaandi, nde wuri na mpinu dza kutuunga nzo na dza kuha saala kuri bobanso basakumunu.

Mukaanda kuri bari Loma 8:23

Kari yini nsi yo yikaka ko, ngo na beetu se tumwaabaka mintekesele mya Mpeeve; beetu se mu beetu-meene, tukwekuuma mu kwekiingila ntaangu ya kuba baala ba Nzaambi, na ya nkuululu manyutu meetu.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

2 Kol 1:22

nde se watusa kinyemu kyaandi, na wasuusa bidiimbu bya Mpeeve munsa mitima myeetu.

2 Kol 5:5

Wunde watuyirika mu kutaambula mamo ngo Nzaambi, nde watuha bidiimbu bya Mpeeve.

Mukaanda kuri bari Ngalatya 4:6

Ngo bukuri beenu luri baala, Nzaambi waheeke Mpeeve ya Mwaana waandi, munsa mitima myeetu, yiri mu kubikisa ti: «Aba, ho Taata!»

Mukaanda kuri bari Efeso 1:11

Mu nde, beetu twataambula saala mu nteelulu wari, batekesele kutusoolo, bunu buri bitaasi bya wunde wuyirikaana momanso, bunu buri kutya kwaandi,

Mukaanda kuri bari Efeso 1:12

mu kuri ti tuha ndumusu ya nkeembu yaandi, bu twatekesele kusa nsiitu mu Kiristo.

Mukaanda kuri bari Efeso 4:30

Yaa lunyoongoso Mpeeve Yangisi ya Nzaambi ko, mu yo beenu bari balusa kidiimbu mu kiluumbu kya nkuululu.

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.