Musamu wamubwete watina Malako 9:7 - Musamu Wamubwete 2013

⁷ Tuti dyayisa ha yulu bo, na dyabafuka mu mposi yaandi; na mono, mbeembu mosi yayukukuna mu tuti, yaleele ti: «Wumawu ngo Mwaana waami wa mutima, mu ywiileenu!»

Musamu wamubwete watina Malako 9:7 ပူးပေါင်းရင်းမြစ်များ

Musamu wamubwete watina Matayi 27:43

Nde wasiiri nsiitu mu Nzaambi, kamukuula lumalu, mbuti tiiri; bukuri nde waleeriri ti: "Me ngo Mwaana Nzaambi."»

Musamu wamubwete watina Matayi 27:54

Mukutu nkama bayongolo na baba kintwaari na nde mu kukebe Yesu, bu bamono ntembukulu ya butoto na mamo maba yirimini, babaka boomo bwalaka, baleele ti: «Ngwanwa, wumawu wabeeri Mwaana Nzaambi!»

Musamu wamubwete watina Matayi 3:17

Na mono, mbeembu ya nangukina ku mayulu yaleele ti: «Wumawu ngo mwaana waami wa mutima; mu nde me nyimonaa kiminu.»

Musamu wamubwete watina Malako 1:11

Mbeembu yayukukuna mu mayulu ti: «Ye ngo Mwaana waami wa mutima, me nyimonaa kiminu mu ye.»

Musamu wamubwete watina Malako 9:6

Petelo waba wahele kuyaaba dya kuleele, bukuri baba na boomo.

Musamu wamubwete watina Malako 9:8

Na sisuu, bayiki bu batala mpele na mpele ha baba, bahele bweese kumono muutu ti mosi, ngo wunu Yesu kitsu na bo-meene.

Musamu wamubwete watina Luka 3:22

na Mpeeve Yangisi yakulumuka ha yulu nde, mu kifwaani kya beembe, na mbeembu mosi yadzoonso ku yulu ti: «Ye ngo mwaana waami wa mutima, me nyimonaa kiminu mu ye.»

Musamu wamubwete watina Yowane 1:34

Me nyamwiini na nyateeri kimbaangi ti, wumawu ngo Mwaana Nzaambi.»

Musamu wamubwete watina Yowane 1:49

Natanahele wabvutula kuri nde ti: «Labi, ye ngo Mwaana Nzaambi, ye ngo mbyaasi ya Isaheli.»

Musamu wamubwete watina Yowane 12:28

Taata keembese nkuumbu yaaku!» Mbeembu yayukukuna ku mayulu ti: «Me nyakeembisiri nde, na sa nyabweese kumukeembese.»

Musamu wamubwete watina Yowane 19:7

Bayudayo babvutula kuri nde ti: «Beetu turi na ngisi, na bunu buri ngisi yiyo, nde yelemini kufwa, bukuri nde-meene waleeriri ti nde Mwaana Nzaambi.»

Musamu wamubwete watina Yowane 20:31

bimabi babitinini, mu kuri ti beenu lusa kanyi ti Yesu ngo Kiristo, Mwaana Nzaambi, na mpisi heki mu nsiilu kanyi, beenu lubaka kidziingu mu nkuumbu yaandi.

Musamu wamubwete watina Yowane 5:18

Ngo mu didyo Bayudayo babvula kusaka bwa kumudzusila, bukuri kari kini kiluumbu kya mpuumunu, kaba wahele kubvumina ko, ngo bukuri waba leelaa se ti Nzaambi Taayi dya nde, na nde wuri nsiisa na Nzaambi.

Musamu wamubwete watina Yowane 5:37

Taata wampeeke, nde-meene wata kimbaangi mu ntoono me; ngo kasi beenu ka lwayukiri mbeembu yaandi ko, ka lwamwii se kinzeri kyaandi ko,

Musamu wamubwete watina Yowane 6:69

na beetu twasa kanyi, na tuyaari ti ye ngo Wangisi, wa Nzaambi.»

Musamu wamubwete watina Yowane 9:35

Yesu wayuka ti bamutubiryee ku mbasi, bu kamumono wamufuula ti: «Buri ye wasa kanyi mu Mwaana muutu?»

Biyiriki bya Bantumu 1:9

Bu kamana kuleele mamo, nde wanaangunu kuri bo bari mu kutala, na tuti dyamusweeke, ha miisu mya bo.

Biyiriki bya Bantumu 7:37

Wumawu ngo Moose waba leele kuri baala ba Isaheli ti: "Nzaambi sa katelemese, ha kakati dya bampaangi ba beenu, mubikiri wuba bunu me.

Biyiriki bya Bantumu 8:36

Bu baba mu kweyende mu nzila, batubuka hari maampa. Mpokoro muutu waleele ti: "Mono maampa moma, nki bi kakisila ye mu kubotoko me?" [

Mukaanda kuri bari Loma 1:4

wu kari kasa Mwaana Nzaambi, mu mpinu, bunu buri Mpeeve ya bungisi, mu mfulukulu ya bafwa, ngo Yesu Kiristo Mfumu yeetu.

Mukaanda kuri Bahebeleho 2:1

Hango-nkuumbu, beetu tuyelemini kuhololo mu bunkete bwalaka, mamo ma turi twayuka mpisi tuhele kuwumuka.

2 Pet 1:17

Mukwongo, nde wataamburi lukiinsu na nkeembu kuri Taata Nzaambi. Mbeembu yayukukuna kuri nde mu nkeembu yayinene ti: «Wumawu ngo mwaana waami wa mutima, mu nde me nyimonaa kiminu.»

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!