Musamu wamubwete watina Malako 9:37 - Musamu Wamubwete 2013

³⁷ «Mpisi wunde wutaambula, mosi mu mwaa-baala ba bumabu, mu nkuumbu yaami, lo me kataamburi; na mpisi wutaambula me, lo kari me kataamburi ko, ngo wunde wampeeke.»

Musamu wamubwete watina Malako 9:37 ပူးပေါင်းရင်းမြစ်များ

Musamu wamubwete watina Matayi 18:10

«Talee kweenu ka lukwiisa kunyaafuna ti mosi mu mwaa bilesi bimabi; bukuri me nyiluleele ti, bambasi ba bo mu mayulu bakyeesaa kidziri kya Taayi dyaami, diri mu mayulu.» [

Musamu wamubwete watina Matayi 25:40

Mbyaasi sa kabvutula, sa kaleele kuri bo ti: "Mu ngwanwa me nyiluleele ti: Mamo ma lwayirikiri kuri mosi, mu bampaangi bamaba, babvuriri buntele, lo kuri me lwayirikiri."»

Musamu wamubwete watina Malako 9:36

Nde kaholaa mwaa-mwaana, wumutelemisi ha kakati dya bo. Bu kamubuumba kunsa myooko, waleele kuri bo ti:

Musamu wamubwete watina Luka 10:16

«Wunde wuluywiila, lo me kaywiiriri; na wunde wulunyaafuna, lo me kanyaafuni; ngo wunde wunyaafuna me, lo waheeke me kanyaafuni.»

Musamu wamubwete watina Luka 9:48

na waleele kuri bo ti: «Mpisi wunde wutaambula mwaa-mwaana wu mu nkuumbu ya me, lo me kataamburi; na mpisi wunde wutaambula me, lo wunde wampeeke kataamburi. Bukuri wunde wu bvuriri bulesi ha kakati dya beenu, lo nde ngo mukuutu.»

Musamu wamubwete watina Yowane 10:30

Me na Taata, turi mosi.»

Musamu wamubwete watina Yowane 13:20

Mu ngwanwa mu ngwanwa, me nyiluleele, wunde wutaambula wu nyiheeke me, lo me kataambula se, na wunde wutaamburi me, lo wunde wampeeke kataamburi.»

Musamu wamubwete watina Yowane 5:23

mpisi heki bobanso bakiinsa Mwaana bunu bu bakiinsa Taayi. Wunde wahele kukiinsa Mwaana, lo wahele kukiinsa se Taayi dyamuheeke.»

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.