«Dyaburi muutu katsiitsa kukoto mu nzo ngaa-makwa, na kuholo bitotolo bya nde, mbuti wahele kutekesele kukaanga ngaa-makwa wunde mu bikonyi? Tumi lo horiri biri mu nzo yaandi.
Buri ye bu tsimini ti, me lo nyahele kuyingukila taayi dyaami, mpisi nde kasuusa ha teke me, mu kilookolo ki, mikaangu mya bambasi myaluta kiteesu kya kuumi na myoolo?
Mvuumfu yaandi yatsamukina mu Sirya dyodinso. Bamutwalikila babeeru bobanso baba na mabeeru ma bitsuumbu ngo bitsuumbu na ba kweluunga na mpasi, [na] baba na mampeeve mamabi, baba na bubeeru bwa kimbikila-ngoondo, baatu babobo binamu, na nde wabatsinikisa.
Mu ntaangu ngo ntaangu, baba mukaangaana mu biseengu na masyeene; ngo kasi nde haba lo wutabula masyeene, na wutaandula biseengu bibyo. Kwaba kwahele muutu waba wakuka mu kumudzuunisa.
Bu kasunduka ha nsi, muutu mosi waba na mampeeve mamabi, wayisa mu kumubwaana. Kuholosono na kidzika, nde waba wahele kwelwaata binkuta. Nde kaba dzakalaana munsa nzo ko, ngo kunsa mampeembe.