Musamu wamubwete watina Malako 3:29 - Musamu Wamubwete 2013

²⁹ Ngo kasi, mpisi wunde wusaana Mpeeve Yangisi, lo kataambula mpemisi ko mu mantaangu momanso, bukuri lo bakiri kibila mu sumu dya bibvu ngo bibvu.»

Musamu wamubwete watina Malako 3:29 ပူးပေါင်းရင်းမြစ်များ

Musamu wamubwete watina Matayi 25:46

Na babo, sa beende ku nseembulu dzahele manunu, ngo kasi basuunguma ku kidziingu kyahele manunu.»

Musamu wamubwete watina Matayi 9:3

Na mono, babamosi mu batini ba mangisi, baleele kunsa mitima ti: «Muutu wu, wuri mu kusaana Nzaambi!»

Musamu wamubwete watina Malako 12:40

Bo bakwekalimina bitotolo mu manzo ma bafwiiri, na batiiri kwemonokono mu nsaambulu dzadzila. Bo sa bataambula mutsuundu wubvuriri bunene.»

Musamu wamubwete watina Malako 3:30

Mimyo kubaleele, bukuri bo baba muleele ti: «Wuri na mpeeve yayibi.»

Musamu wamubwete watina Luka 12:10

«Mpisi wuleele ntoono yayibi mu Mwaana muutu, lo sa bamuhemesene; ngo kasi wunde wusaana Mpeeve Yangisi, lo bamuhemesene ko.»

2 Tes 1:9

Bo sa bataambula maseembu ma mfukusulu yahele manunu, la na busu bwa Mfumu, na la na nkeembu ya makwa maandi,

Mukaanda Yuda 1:13

Bo ngo mipaku mya mubu mya kibakala, mitoombolaa fula dya nsoni dzaaku, bambwetete bakweyiima, ba bari bawungukila, mampimbisi ma bubokoro mu mantaangu momanso.

Mukaanda Yuda 1:7

Bunu buri Sodoma na Ngomora na mabvula ma badyengekele, masariri buyala bunu bo, mu kiteesu kyokimosi, na banemi bari na manyutu ma kinzeri kikimi, bo bari mu kifwaani kya baatu babwiilikila maseembu ma mbaawu ya mantaangu momanso.