Musamu wamubwete watina Malako 13:27 - Musamu Wamubwete 2013

²⁷ Nde sa kaheeke bambasi, sa kakutukisa [ba nde] ba kari kasoolo mu manto ma butoto mo mana, kuholosono kwa sukulu butoto, natee kwa sukulu yulu.»

Musamu wamubwete watina Malako 13:27 ပူးပေါင်းရင်းမြစ်များ

Musamu wamubwete watina Matayi 12:42

Kya mutsuundu, mbyaasi ya mukyeetu ya ku nsi ya sude, sa kateleme na kiseendu ki na sa kakibwiisa, bukuri mbyaasi wayisikila mu manto ma nsi, mu kwiisa kuyuka madyeele ma Solomo. Ngo wuri hamaha bvuriri ti na Solomo!»

Musamu wamubwete watina Matayi 13:41

Mwaana muutu sa kaheeke bambasi baandi, na sa bapalisa mu Kimfumu kyaandi, bobanso bakwebwiisa bambaasi mu masumu, na bakwesalila bubayi,

Musamu wamubwete watina Matayi 13:49

Bunubwo se mbasi-tsuku buba ku nsukulu ntaangu. Bambasi sa biisa, sa bayisila bababi ha kakati dya basuuguma,

Musamu wamubwete watina Matayi 24:22

Mbuti bahele kukufika biluumbu bibyo, lo muutu ti mosi kabvuuka ko; ngo mu ntoono basoolu, biluumbu bibyo sa byaba byakufuka.

Musamu wamubwete watina Matayi 24:24

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

Musamu wamubwete watina Matayi 24:31

Nde sa kaheeke bambasi baandi, na mvumvuri yayinene, na bo sa bakutukisa ba nde ba kari kasoolo, mu manto ma butoto mo mana, kuholosono mu manto ma mayulu mamosi natee mu manto makaka.»

Musamu wamubwete watina Malako 13:20

Mbuti Mfumu kasii kukufuka biluumbu ko, nkani kuba muutu wubvuuka ko; ngo mu ntoono basoolu, bakari kasoolo, nde wakufikiri biluumbu bibyo.

Musamu wamubwete watina Malako 13:22

bukuri ba-Kiristo bampya, na babikiri bampya, sa bateleme, sa bayirika bidiimbu na bimaangu mu kiteesu kya kuwumuna basoolu, mbuti buri bwakuka.

Musamu wamubwete watina Malako 13:28

«Bakulee nkuma ya mungenge: mitu mya bimpaala habaanaa myeki myamoono, na makaya mapariri, lo beenu luyaari ti ntoombo yikokisiri.

Musamu wamubwete watina Luka 16:22

Muwelu wayisa kufwa, na bambasi bamunata ha nkata Abalaami. Wa kisina se wafwa na bamudziika.

Musamu wamubwete watina Luka 18:7

Heki Nzaambi lo wahele kulalama misamu mya ba baandi ba kari kasoolo, bari mu kufuula butsuku na mwiini kuri nde wubakiingisaa?

Musamu wamubwete watina Yowane 10:16

Me nyiri na bimeeme bikimi biri byahele mu lupaangu lumalu. Bibyo se me nyelemini kubitwaala, sa byayuka mbeembu yaami, byobinso sa byaba mpuumbu mosi na mutari se mosi.

Musamu wamubwete watina Yowane 11:52

kari munu mu ntoono kaanda ko, ngo se mu ntoono baala ba Nzaambi batsamukina, na se kabakutukisa mu kintwaari kimosi.

Mukaanda kuri bari Loma 8:33

Na wutsiitsa kufuunda basoolu kuri Nzaambi? Nzaambi ngo mululukisi!

Mukaanda kuri bari Kolosayi 3:12

Ngo bu luri lwasoolu kuri Nzaambi, luri bangisi, na lwatya kuri nde, beeneenu na mutima wa ngebe, wa mbweeyulu, wa nkulukulu, wa bundeembu na wa nkindusulu.

2 Tes 2:1

Ngo mu mitariri nyisulu Mfumu yeetu Yesu Kiristo, na kukutukuna kuri nde, bampaangi, beetu tululoombo ti:

2 Tim 2:10

Hango-nkuumbu, me nyiri mu kwekiindisa mutima mu myominso, mu ntoono basoolu, mpisi heki bo se babaka mvuukulu yiri mu Kiristo Yesu, na nkeembu ya mantaangu momanso.

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!