Musamu wamubwete watina Malako 13:26 - Musamu Wamubwete 2013

²⁶ Haho, baatu sa bamono Mwaana muutu wukwiisa mu matuti, mu mpinu dzadzinene na nkeembu.

Musamu wamubwete watina Malako 13:26 ပူးပေါင်းရင်းမြစ်များ

Musamu wamubwete watina Matayi 16:17

Yesu wabweese kuleele kuri nde ti: «Ye wuri mu kiminu, Simoni mwaana Bariyoona; kari muswinyi na makila ko bikuyaabisiri dyo; ngo Taayi dyaami diri mu mayulu wukuyaabisiri dyo.

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 16:28

Mu ngwanwa me nyiluleeriri ti: Babamosi mu bateleme hamaha, bafwa ko, natee bakiri mono Mwaana muutu wiisiri mu Kimfumu kyaandi.»

Musamu wamubwete watina Matayi 24:30

Haho, kidiimbu kya Mwaana muutu kimonoko mu mayulu, na baatu ba bitsuumbu byobinso biri ha butoto sa bateeteke myooko mu yulu mitu, na sa bamono Mwaana muutu wunangukina ku yulu, na kwiisa mu matuti, mu mpinu na mu nkeembu yayinene.

Musamu wamubwete watina Matayi 25:31

«Mbasi-tsuku ha kwiisa Mwaana muutu kunsa nkeembu yaandi, na bambasi bobanso kintwaari na nde, haho nde kadzakala ha yulu mboloko ya nkeembu yaandi.

Musamu wamubwete watina Malako 14:62

Yesu wabvutula ti: «Me nyiri; na sa lwamono Mwaana muutu wadzakala ha Lubakala lwa Mpinu na wuri mu kwiisa mu matuti ma yulu.»

Musamu wamubwete watina Malako 8:38

Mukwongo, wunde wuba na nsoni mu me, na mu maampu maami, mu kiseendu kimaki, kya kimpala na kya masumu, lo Mwaana muutu se, ha kakwiisa nde na bambasi bangisi mu nkeembu Taayi dyaandi, sa kamumwiina nsoni.»

Musamu wamubwete watina Malako 9:1

Nde wabweese kubaleele ti: «Ngwanwa me nyiluleeriri, babamosi mu bateleme hamaha, bafwa ko, natee bakiri kumono Kimfumu kya Nzaambi kiisiri mu mpinu.»

Musamu wamubwete watina Luka 21:27

Haho, bo sa bamono Mwaana muutu wukwisikila mu matuti, kunsa mpinu na nkeembu yayinene.

Biyiriki bya Bantumu 1:11

na baleele kuri bo ti: "Bari Ngalili, mu nki ntoono beenu luri mu kutala ku yulu? Yesu di, wu bayisiri ha kakati dya beenu, weensi ku yulu, bunubwo se mbasi-tsuku kabweese kwiisikila, bunu bu lumumwiini bu kensikiri ku yulu."

1 Tes 4:16

Bukuri Mfumu nde-meene, mu kidiimbu kya nyaabusulu, mu mbeembu ya mukuutu bambasi, mu munyiingu mvumvuri ya Nzaambi, sa kasunduka mu mayulu, na babo bafwiila mu Kiristo sa batekesele kufuluka;

2 Pet 1:16

Mukwongo, kari mu kwenama bimpa byabalu mu madyeele ko, beetu turi twaluyaabisila mpinu na monokunu ya Mfumu yeetu Yesu Kiristo, ngo beetu-meene, twaba bambaangi bamono mu miisu bunene bwaandi.

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!