Musamu wamubwete watina Malako 13:13 - Musamu Wamubwete 2013

¹³ Baatu bobanso sa balubele mu ntoono nkuumbu yaami. Ngo wunde wunamitina natee kumanunu, sa kabvuuka.»

Musamu wamubwete watina Malako 13:13 ပူးပေါင်းရင်းမြစ်များ

Musamu wamubwete watina Matayi 10:22

Baatu bobanso sa balubele mu ntoono nkuumbu yaami. Ngo wunde wunamitini natee manunu sa kabvuuka.

Musamu wamubwete watina Matayi 24:13

Wunde wunamitini natee manunu, sa kabvuuka.

Musamu wamubwete watina Matayi 24:9

Hanaho, bo sa baluyekele mu nkwamusunu, sa baludzusa na makaanda momanso sa malubele mu ntoono nkuumbu yaami.

Musamu wamubwete watina Malako 13:12

Mpaangi yayimosi sa kayekele mpaangi yakaka mu lufwa, taayi se, mwaana waandi. Baala sa banwaanisa bataayi na banguri na kubadzusa.

Musamu wamubwete watina Luka 21:17

Bobanso sa balubele mu ntoono nkuumbu yaami.

Musamu wamubwete watina Luka 6:22

«Kiminu kuri beenu, habaana baatu balubele, balupalisa, balutuka, babele nkuumbu beenu ti yayibi, mu ntoono Mwaana muutu.

Musamu wamubwete watina Yowane 15:21

Ngo sa baluyirikila momanso mamo, mu ntoono nkuumbu yaami, bukuri bo bahele kuyaaba wunde wampeeke.

Musamu wamubwete watina Yowane 17:14

Me nyabaheeri maampu ma ye; na nsi yababele, bukuri bo bahele ba nsi, bunu bu nyiri me, nyahele wa nsi.

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

Mukaanda kuri bari Ngalatya 6:9

Tweyirikeenu mamabwe, yaa tuholo-bito ko, bukuri ntaangu bu yikuka, sa twatolo, mbuti twahele kubwoongolo.

Mukaanda kuri Bahebeleho 10:39

Beetu turi babo bakooyekelaa mu kudziimbila ko, ngo turi babo bari na kanyi mu kukala miheebulu myeetu.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

1 Yow 3:13

Bampaangi, yaa lwekimuka ko, mbuti nsi yikwelubele.

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 3:10

Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.