Musamu wamubwete watina Malako 11:25 - Musamu Wamubwete 2013

²⁵ Lubaanaa lwateleme luri mu kusaambila, mbuti lwakebele muutu kooti, lo muhemesene, mpisi heki taayi dya beenu se diri mu mayulu, kaluhemesene lumvuki lweenu.» [

Musamu wamubwete watina Malako 11:25 ပူးပေါင်းရင်းမြစ်များ

Musamu wamubwete watina Matayi 5:23

Ngo mbuti ye wuri mu kuha kikabu ha yulu dziku, na baambukiri mwooyo ti mpaangi yaaku wuri na kooti mu ye,

Musamu wamubwete watina Matayi 6:12

Tuhemesene bubi bweetu, bunu bu twahemisini beetu se babee tuyirikila mamabi.

Musamu wamubwete watina Matayi 6:5

«Habaanaa lusaambila, lo yaa luba bunu bangaa-bumpitu-bumpyoongo ko, bukuri bo batiiri kwesaambila mu mutele, mu manzo mankutukunu na mu makuumbu ma manzila, mpisi baatu beebamono. Mu ngwanwa me nyiluleele ti: bo bakootaambula museendu waaku.

Musamu wamubwete watina Luka 18:11

Mufarisi bu kateleme wasaambila kunsa mutima ti: "Ho! Nzaambi, me mvutiri matoondo kuri ye, bukuri me nyahele kuba bunu baatu bakaka bari bangaa-kwiibi, bangaa-bubayi, bangaa-kimpala, bunu pe, buri mutori-mpaku wumawu.

Musamu wamubwete watina Luka 18:13

Ngo kasi, mutori-mpaku, bu kaba wateleme mwaa-lutaki, waba wahele kutya ti kusyeetele miisu ku yulu, ngo waba yalaa myooko myaandi na kuleele ti: "Ho! Nzaambi, bakila me ngebe, me nyiri ngaa-masumu."

Musamu wamubwete watina Luka 6:37

«Yaa lutsuundisa ko, mpisi luhele kuba batsuundusu. Yaa lukesele mukanu ko, mpisi bahele kulukesele mukanu. Hemeseneenu tumi beenu se baluhemesene.

Mukaanda kuri bari Efeso 4:32

Beeneenu na mbweeyulu-mutima mu beenu na beenu, bangaa-bundeembu, kwehemesene beenu na beenu, bunu bwa luhemesene Nzaambi mu Kiristo.

Mukaanda kuri bari Kolosayi 3:13

Yendeenu lwekuunda bambaasi beenu na beenu, na kwehemesene beenu na beenu. Mbuti mosi mu beenu wuri na mwaa munyoongi mu mbaasi, lo bunu bwaluhemesene Mfumu, beenu se seenee bubwo.

Mukaanda wa Yakobo 2:13

Mukwongo, mutsuundu wahele na ngebe kuri wunde wahele na ngebe; ngo muutu ngaa-ngebe wahele na boomo bwa mutsuundu.

Nyabusulu ya Yowane 11:4

Bo ngo miti myomyoolo mya olive, na bitetukulu bya miinda byobyoolo biri ha busu bwa Mfumu.