Musamu wamubwete watina Malako 11:18 - Musamu Wamubwete 2013

¹⁸ Bakuutu ba bangaa-nzaambi na batini ba mangisi bayukaa mayirimini, basaka bwa kumudzusila. Bo baba mubataana, bukuri mpuumbu yoyinso yaba yitiiri nyikusulu dzaandi.

Musamu wamubwete watina Malako 11:18 ပူးပေါင်းရင်းမြစ်များ

Musamu wamubwete watina Matayi 21:15

Bakuutu ba bangaanga-Nzaambi na batini ba mangisi, babaka nkesi, bu bamwiini misamu myansisi mi kayirikiri, na mwaa-baala baba bikisaa mu Nzo-nzaambi ti: «Hosana mwaana Davidi!»

Musamu wamubwete watina Matayi 7:28

Yesu kamana kuleele mamo, mampuumbu ma baatu makimuka mu nyikusulu dzaandi;

Musamu wamubwete watina Malako 1:22

Baatu bakimuka mu nyikusulu dzaandi, bukuri nde waba bayikisaa bunu muutu wuri na lutumu, nkani ka bunu batini ba mangisi ko.

Musamu wamubwete watina Malako 11:32

Na mbuti tuleeriri ti: "Ya baatu!" Bo baba bata mpuumbu baatu, bukuri bobanso baba monaa ti Yowane nkati mubikiri wangwanwa.

Musamu wamubwete watina Malako 12:12

Bo baba sakaana kumukaanga, ngo baba bata mpuumbu; mukwongo, bo babakuri ti nkuma yiyo mu bo kateeriri. Bo bamusisaana, bee kwaaku.

Musamu wamubwete watina Malako 3:6

Bamanaa kupala, Bafarisi mu kilookolo kinikyo, basa mamfuundu na baatu ba Erode mu kusaka bwa kudzusila Yesu.

Musamu wamubwete watina Malako 6:20

bukuri Erode waba kwebataa Yowane, bu kaba kayaari ti nde muutu wasuunguma na wangisi, na waba kwemukalaana. Erode haba bu kayuka ma leele Yowane, lo weki dunga kwalaka; ngo waba na kiminu mu kuyuka ma kaleele.

Musamu wamubwete watina Luka 19:47

Nde waba yikisaana mpisi kiluumbu mu Nzo-Nzaambi. Bakuutu ba bangaanga-nzaambi, batini ba mangisi na baatu balukiinsu baba kwesakaana bu bamudzusila,

Musamu wamubwete watina Luka 2:47

Bobanso baba muywiilaana, bamono nkimukunu mu madyeele ma nde na mu mamvutu ma nde.

Musamu wamubwete watina Luka 20:19

Batini ba mangisi, na bakuutu ba bangaanga-nzaambi, basaka bwa kumukaangila mu kilookolo kikyo, bukuri bo babakuri ti nkuma yiyo, mu bo nde kateeriri yo, ngo baba na boomo bwa baatu.

Musamu wamubwete watina Luka 4:22

Bobanso bamuteele kimbaangi, na bakimuka mu maampu ma bweese maba palaana mu munwa waandi, na baleele ti: «Buri wu kari mwaana Yosefi ko?»

Musamu wamubwete watina Yowane 7:1

Ha mambisa haho, Yesu waba kwesaa budyeengi mu nsi ya Ngalili; mukwongo, nde waba wahele kutya kusa budyeengi mu nsi ya Yudaya, bukuri Bayudayo baba sakaana kumudzusa.

Musamu wamubwete watina Yowane 7:19

Buri Moose kasii luha mangisi ko? Ngo kwahele ti muutu ti mosi mu beenu wuri mu kumasalila. Buri beenu lusaka me kudzusa?»

Musamu wamubwete watina Yowane 7:46

Bayongolo babvutula ti: «Kuri muutu ti mosi wumwaadzoonso bunu muutu wunde ko.»

Biyiriki bya Bantumu 24:25

Bo bayolo na nde mu mi tariri nsungumunu, mu nkebulu nyutu na mu mutsuundu wukwiisa. Felikisi wabwiila kinkuuku, waleele ti: "Mu ntaangu yi, yende; me mbaka mpwaani sa nyikuteele lukimi."