Musamu wamubwete watina Malako 10:39 - Musamu Wamubwete 2013

³⁹ Bo babvutula kuri nde ti: «Beetu lo tubangusini.» Ngo Yesu wabaleele ti: «Mbasa yi nyinwa me, beenu sa lwanwa, na mbotokulu yi babotoko me, beenu sa balubotoko mu yo.

Musamu wamubwete watina Malako 10:39 ပူးပေါင်းရင်းမြစ်များ

Musamu wamubwete watina Matayi 10:25

Bwayelemene mu muyiki kuri nde se kaba bunu muyikisi, na mu kisari nde se kaba bunu mfumu. Mbuti ngaa-nzo bamuleele ti Beledzebule, lo nkya myo bahele kuleele mu badzakala mu nzo nde?»

Musamu wamubwete watina Matayi 3:6

na nde waba babotokaana mu nyari ya Yorodani mu ntambukulu masumu maaku.

Musamu wamubwete watina Malako 14:31

Petelo mu makwa, wabweese kuleele ti: «Ti hayuku dya kufwa kintwaari na ye, lo me nyiri ntununa ye ko.» Bobanso se baleele bunubwo.

Musamu wamubwete watina Malako 14:36

Nde waleele ti: «Aba, Taata, ye wakuka mu myominso; tatula mbasi yimayi la na me; kasi kari bu ntiiri me ko, ngo bu tiiri ye.»

Musamu wamubwete watina Yowane 13:37

Petelo waleele kuri nde ti: «Mfumu, bukuri nki, me lo nyahele kubangisina kunama ye mu lumalu? Me sa nyekele kidziingu kya me, mu ntoono ye!»

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Musamu wamubwete watina Yowane 17:14

Me nyabaheeri maampu ma ye; na nsi yababele, bukuri bo bahele ba nsi, bunu bu nyiri me, nyahele wa nsi.

Biyiriki bya Bantumu 12:2

Nde wadzusa Yakobo, mpaangi Yowane, mu mbeesi yayila.

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.