Musamu wamubwete watina Malako 10:14 - Musamu Wamubwete 2013

¹⁴ Yesu wamono dyo ti bwabubi, na waleele kuri bayiki baandi ti: «Hemesee mwaa-baala biisa kuri me. Yaa lubakakisila ko, bukuri Kimfumu kya Nzaambi kiri kya bafwaanikina na bo.

Musamu wamubwete watina Malako 10:14 ပူးပေါင်းရင်းမြစ်များ

Musamu wamubwete watina Matayi 18:10

«Talee kweenu ka lukwiisa kunyaafuna ti mosi mu mwaa bilesi bimabi; bukuri me nyiluleele ti, bambasi ba bo mu mayulu bakyeesaa kidziri kya Taayi dyaami, diri mu mayulu.» [

Musamu wamubwete watina Matayi 18:4

Hango, mpisi wunde wukuluka nde-meene bunu mwaa-mwaana wu, lo wunde ngo wubvuriri bukuutu mu Kimfumu kya mayulu.

Musamu wamubwete watina Matayi 19:14

Ngo Yesu waleele: «Hemeseenu mwaa-baala, yaa lubakakikila mu kwiisa kuri me ko, bukuri Kimfumu kya mayulu kiri kya bari bunu bo.»

Musamu wamubwete watina Matayi 5:10

Kiminu kuri ba bari mu kwekwaamisa mu ntoono ya nsungumunu, bukuri Kimfumu kya mayulu kya bo!

Musamu wamubwete watina Matayi 5:3

«Kiminu kiri na ba bawelu mu mpeeve, bukuri Kimfumu kya mayulu kya bo!

Musamu wamubwete watina Malako 3:5

Yesu wabatala mu nkesi, na wamono ngebe, mu ntoono nkubusulu mitima mya bo. Nde waleele kuri mubeeru ti: «Laambula kooko!» Nde walaambula, na kooko kwaandi kyatsiinika.

Musamu wamubwete watina Malako 8:33

Yesu kasyeetekaana, mwiini bayiki baandi, ha kaŋaŋina Petelo na kumuleele ti: «Satana, ba ku mambisa ma me, bukuri ma wutsima ye mari ma Nzaambi ko, ngo ma baatu.»

Musamu wamubwete watina Yowane 3:3

Yesu wabvutula na waleele kuri nde ti: «Ngwanwa mu ngwanwa, me nyikuleele ti, mbuti muutu wahele kubutuka mbutukulu yamoono, lo kabangusina kumono Kimfumu kya Nzaambi ko»

Musamu wamubwete watina Yowane 3:5

Yesu wabvutula ti: «Ngwanwa mu ngwanwa, me nyikuleele ti, mbuti muutu wahele kubutuka mu maampa na mu Mpeeve, lo kabangusina kukoto mu Kimfumu kya Nzaambi ko.

Biyiriki bya Bantumu 2:39

Mukwongo, lusiilulu basa lwo kuri beenu, kuri baala beenu, na kuri bobanso bari la, bobanso bari Mfumu Nzaambi yeetu wabateele mbila."

Biyiriki bya Bantumu 3:25

Beenu luri baala ba babikiri, na ba lulelusunu lwasiiri Nzaambi na bataayi beenu, ha kabaleele kuri Abalaami ti: "Mu babutuka mu ye, makaanda momanso ma ha butoto, sa maba masakumunu."

Mukaanda kuri bari Loma 11:16

Mbuti ndaambu mbanda yiri yangisi, lo mbanda yoyinso se yangisi; na mbuti mwaansi wangisi, lo bimpaala se byangisi.

Mukaanda kuri bari Loma 11:28

Mu mitariri Musamu Wamubwete, bo bataatu mu ntoono beenu; ngo mu mitariri nsoolulu, bo banduku ba mutima mu ntoono bataayi,

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

1 Kol 7:14

Bukuri mulumi wa mungooyi wataambula bungisi mu mukasi, na mukasi wa mungooyi wataambula bungisi mu mpaangi; mbuti ka bubwo ko, lo baala beenu basumuka, ngo kasi mu lumalu bo bari bangisi.

Mukaanda kuri bari Efeso 4:26

Bu lubakiri nkesi, yaa lubwa mu masumu ko: ntaangu yaa yidyaama, kuri beenu bunu bu luri na nkesi ko,

2 Tim 1:5

Me nyibaambuka mwooyo mu kanyi dyangwanwa diri mu ye, kanyi didyo dyatekisiri kuba mu Lowisi, mwankaaka yaaku ya mukyeetu, na mu nguri yaaku Enike, me nyirikiri kuyaaba ti diri mu ye se.

2 Tim 3:15

Kuholosono bulesi bwaaku, Matinu Mangisi ye wumayaari, mo makuka mu kuha ye madyeele, mu kubaka mvuukulu mu kanyi mu Kiristo Yesu.

1 Pet 2:2

Bunu mwaa-baala bansoombo, dilileenu beene dyadibwete, dya maampu ma Nzaambi, mpisi heki mu nde beenu lubuuka mu kubaka mvuukulu,

Nyabusulu ya Yowane 14:5

Mu minwa mya bo, kwasii pala dya mpya ko; bahele na mi baba seembele.