Musamu wamubwete watina Malako 1:25 - Musamu Wamubwete 2013

²⁵ Yesu waŋaŋana mpeeve yayibi yiyo na waleele ti: «Kaanga munwa waaku na pala mu muutu wu!»

Musamu wamubwete watina Malako 1:25 ပူးပေါင်းရင်းမြစ်များ

Musamu wamubwete watina Matayi 9:30

Miisu mya bo myadzibuma. Yesu wabadzoonsolo mu kibakala waleele ti: «Yirikee kuyuka! Muutu ti mosi ya kayaaba ko.»

Musamu wamubwete watina Malako 1:24

waleele ti: «Nkya ntoono ha kakati dya ye na beetu, Yesu wa ku Nadzareti? Buri ye wiisiri mu kutufuukisa? Me nyaari ye na wuri, wangisi wa Nzaambi.»

Musamu wamubwete watina Malako 1:26

Mpeeve yayibi yamunyingisa mu makwa, na bu kafula musaakulu wamunene, yapala mu nde.

Musamu wamubwete watina Malako 1:34

Yesu watsinikisa baatu balaka baba na mpasi dza mabeeru ma bitsuumbu ngo bitsuumbu. Wabingisa se mampeeve malaka mamabi. Nde kasii ha miswa kuri mampeeve mamabi ko mu kudzoonso, bukuri mo maba mamuyaari.

Musamu wamubwete watina Malako 9:25

Yesu bu kamono mpuumbu baatu yiri mu kwisikila, waŋaŋana mpeeve yayibi, waleele kuri yo ti: «Mpeeve ya bubaba, me nyikutumini: Pala mu mwaana wu, na yaa bweese kukoto mu nde ko!»

Musamu wamubwete watina Luka 4:35

Yesu waŋaŋana mpeeve yayibi yiyo, na waleele ti: «Kaanga munwa waaku, na pala mu muutu wu!» Mpeeve yayibi yatuba muutu wunde ha nsi, ha kakati dya baatu, na yapala mu nde kwahele kumumonoso mpasi.

Musamu wamubwete watina Luka 4:41

Mampeeve mamabi se mapala mu babeeru balaka, kuri makwebikisa ti: «Ye ngo Mwaana wa Nzaambi!» Ngo Yesu wamaŋaŋina, na kasii kumaha miswa mu kuleele mimyo ko, bukuri maba mayaari ti nde ngo Kiristo.

Biyiriki bya Bantumu 16:17

Nde wabeke mu kwetunama, Pawulo na beetu, kuri wukwefula misaakulu wukweleele ti:" Baatu bamaba, bisari bya Nzaambi Mwa-Yulu bari, bo bari mu kweluyaabisa nzila ya mvuukulu.