Musamu wamubwete watina Matayi 9:6 - Musamu Wamubwete 2013

⁶ Mpisi heki, beenu luyaaba ti Mwaana muutu wuri na lutumu, ha butoto mu kuhemesene masumu.» Haho nde kaleele kuri kikata ti: «Teleme, holo nkwaala yaaku, na yende ku nzo yaaku.»

Musamu wamubwete watina Matayi 9:6 ပူးပေါင်းရင်းမြစ်များ

Musamu wamubwete watina Matayi 4:24

Mvuumfu yaandi yatsamukina mu Sirya dyodinso. Bamutwalikila babeeru bobanso baba na mabeeru ma bitsuumbu ngo bitsuumbu na ba kweluunga na mpasi, [na] baba na mampeeve mamabi, baba na bubeeru bwa kimbikila-ngoondo, baatu babobo binamu, na nde wabatsinikisa.

Musamu wamubwete watina Matayi 8:20

Yesu waleele kuri nde ti: "Mibaku miri na miduku, na banoni ba yulu bari na madzaansa; ngo kasi Mwaana muutu wahele na ha kusuusa mutu".

Musamu wamubwete watina Matayi 9:2

Baatu batwaala kuri nde kikata kimosi kyaneŋesene ha nkwaala. Yesu kamonaa kanyi dya bo, waleele kuri kikata ti: «Lwaata kibakala mwaana me! Masumu maaku mabakiri mpemisi!»

Musamu wamubwete watina Matayi 9:5

Nki bibvuriri kuleenge? Kuleele ti: "Masumu maaku mabakiri mpemisi", hoti kuleele ti, "Teleme na yende?"

Musamu wamubwete watina Matayi 9:7

Muutu wunde katelemaa, weensi ku nzo yaandi.

Musamu wamubwete watina Malako 2:10

Ngo mu kuri ti, beenu luyaaba ti Mwaana muutu wuri na lutumu lwa kwehemesene masumu ha butoto.» Nde waleele kuri kikata ti:

Musamu wamubwete watina Malako 2:7

«Bukuri nki muutu wumawu kari mu kwedzoonsolo bubwo? Nde Nzaambi kari mu kusaana. Na wakuka mu kuhemesene masumu, mbuti ka Nzaambi kitsu ko?»

Musamu wamubwete watina Luka 5:21

Haho, batini ba mangisi na Bafarisi babaandika mu kutsima na baleele ti: «Na wumawu wukweleele ma nsaanunu? Na wakuka mu kuhemesene masumu, mbuti ka Nzaambi kitsu ko?»

Musamu wamubwete watina Yowane 10:28

Me nyiha kidziingu kyahele manunu kuri byo, byo biri mfwiilu ko kwakinkulu, na kuri muutu wubipfula mu myooko mya me ko.

Musamu wamubwete watina Yowane 17:2

mpisi heki, bunu bu wuri wamuha lutumu ha yulu baatu bobanso, nde kaha kidziingu kyahele manunu kuri bobanso ba wuri wamuha.

Musamu wamubwete watina Yowane 5:27

Na nde waha kuri Mwaana lutumu lwa kutsuundisa, bukuri nde ngo Mwaana muutu.

Musamu wamubwete watina Yowane 5:8

Yesu wamuleele ti: «Teleme, holo nkwaala yaaku na yende.»

Biyiriki bya Bantumu 5:31

Nzaambi, wamudzaangisiri mu koko kwaandi kwa lubakala, mu kuba Mfumu na Mubvuukisi, [mpisi] kaha kuri Isaheli nyiingulu madyeele na mpemusunu masumu.

Biyiriki bya Bantumu 9:34

Petelo waleele kuri nde ti: Ayineya, Yesu Kiristo wu kutsinikisi! Teleme kwaaku na yirika mbuka yaaku. Hanaho nde wateleme.

2 Kol 2:10

Beenu lusiilaa muutu mpemisi, lo me se nyimusiriri mpemisi; mukwongo, mpemisi ngo yiri me nyasa, na mbuti nyasiila muutu mpemisi mu musamu, lo mu ntoono beenu, ha busu bwa Kiristo,

2 Kol 5:20

Beetuneenu ngo turi bamonikisi ba Kiristo, buni ti Nzaambi wuri mu kulusyaamisa mu beetu; beetu tuluyiingikila mu nkuumbu ya Kiristo, taambulee kubweese kuyukusuna na Nzaambi.

Mukaanda kuri bari Efeso 4:32

Beeneenu na mbweeyulu-mutima mu beenu na beenu, bangaa-bundeembu, kwehemesene beenu na beenu, bunu bwa luhemesene Nzaambi mu Kiristo.

Mukaanda kuri bari Kolosayi 3:13

Yendeenu lwekuunda bambaasi beenu na beenu, na kwehemesene beenu na beenu. Mbuti mosi mu beenu wuri na mwaa munyoongi mu mbaasi, lo bunu bwaluhemesene Mfumu, beenu se seenee bubwo.