Musamu wamubwete watina Matayi 8:4 - Musamu Wamubwete 2013

⁴ Yesu waleele kuri nde: «Wuyuka! Yaa leele kuri muutu ti mosi ko. Ngo yende wemonokono ye-meene kuri ngaanga-nzaambi, na nata kikabu kya tuma Moose, mpisi kiba kimbaangi kuri baatu.»

Musamu wamubwete watina Matayi 8:4 ပူးပေါင်းရင်းမြစ်များ

Musamu wamubwete watina Matayi 10:18

sa balunata kuri batumi na kuri bambyaasi, mu ntoono ya me, mu kuteele me kimbaangi kuri bo, na kuri bangooyi.

Musamu wamubwete watina Matayi 16:20

Hanaho, Yesu wadika bayiki baandi, ti yaa baleele kuri muutu ti mosi ko, ti nde ngo Kiristo.

Musamu wamubwete watina Matayi 17:9

Bu baba mu kwekulumuka mulaandu, Yesu wabadika, wabaleele ti: «Yaa luleele kuri muutu ti mosi ko, mamo lumwiini, natee Mwaana muutu fulukiri mu bafwa.»

Musamu wamubwete watina Matayi 3:15

Yesu wabvutula, waleele kuri nde ti: «Hemese mu lumalu; bukuri bubwo bwayelemene kuri beetu na ye mu kukukisa nsungumunu yoyinso.» Haho, Yowane wataambula.

Musamu wamubwete watina Matayi 5:17

«Yaa lutsima ko ti me nyayisa mu kunyanguna mangisi bunu pe babikiri; me nyahele kwiisa mu kunyanguna, ngo mu kukukisa.

Musamu wamubwete watina Matayi 6:1

«Seenee madyeele, mu kuhele kusalila nsungumunu yeenu ha busu bwa baatu, mu nzala kumonoko kuri bo. Mbuti ka bubwo ko, lo beenu lutaambula museendu ko, kuri Taayi dyeenu diri mu mayulu.

Musamu wamubwete watina Matayi 9:30

Miisu mya bo myadzibuma. Yesu wabadzoonsolo mu kibakala waleele ti: «Yirikee kuyuka! Muutu ti mosi ya kayaaba ko.»

Musamu wamubwete watina Malako 13:9

Ngo seenee madyeele mu beenu-meene. Sa baluyekele ha busu bwa kikuutu, sa balulata mu manzo ma nkutukunu, na sa lwateleme ku muyalu ha busu bwa batumi na ha busu bwa bambyaasi, mu ntoono me, mu kuteele me kimbaangi kuri bo.

Musamu wamubwete watina Malako 3:12

Ngo Yesu wamaŋaŋina mu kibakala, mpisi mahele kuyaabisa nde na kari.

Musamu wamubwete watina Malako 5:43

Yesu wabadika mu makwa ti, muutu ti mosi yaa kayaaba ko, na waleele ti: «Muheenee byandya.»

Musamu wamubwete watina Malako 6:11

Ha bula bu babisiri kulutaambula na kuluywiila, bu luri mu kweende, lo kubulee fuunda diri mu miilu myeenu, mpisi kiba kimbaangi kuri bo.»

Musamu wamubwete watina Malako 7:36

Yesu wadika baatu, ti yaa bayaabisa kuri muutu ti mosi ko. Ngo bu kabadika, bo kusa kuhamisa kutsamukisa mvuumfu.

Musamu wamubwete watina Malako 8:30

Yesu wabaŋaŋina mpisi bahele kuyaabisa kuri muutu ti mosi mya mu nde.

Musamu wamubwete watina Malako 9:9

Bu baba mu kukulumuka mulaandu, Yesu wabadika ti yaa bayaabisa kuri muutu ti mosi ko, mamo ma bamwiini natee Mwaana muutu fulukiri mu bafwa.

Musamu wamubwete watina Luka 17:14

Bu kamono, waleele kuri bo ti: «Yendeenu lwelusoongo manyutu meenu kuri bangaanga-nzaambi.» Ngo bu baba mu kweyende, bo bamono ti beki batsyeeme.

Musamu wamubwete watina Luka 21:13

Yiyo sa yaba kuri beenu mpwaani ya kuteele me kimbaangi.

Musamu wamubwete watina Luka 4:41

Mampeeve mamabi se mapala mu babeeru balaka, kuri makwebikisa ti: «Ye ngo Mwaana wa Nzaambi!» Ngo Yesu wamaŋaŋina, na kasii kumaha miswa mu kuleele mimyo ko, bukuri maba mayaari ti nde ngo Kiristo.

Musamu wamubwete watina Luka 5:14

Yesu wamudika ti: «Yaa leele kuri muutu ti mosi ko. Ngo yende wemonokono ye-meene kuri ngaanga-nzaambi, na ha kikabu kya nsyemukunu kya tuma Moose, mpisi kiba kimbaangi kuri baatu.»

Musamu wamubwete watina Luka 8:56

Taayi na nguri ba nde bakimuka. Ngo Yesu wabadika ti yaa baleele kuri muutu ti mosi ko, mamo mayirimini.

Musamu wamubwete watina Luka 9:21

Nde wabaŋaŋina, wabadika ti yaa baleele kuri ti mosi ko.

Musamu wamubwete watina Yowane 5:41

«Me nyahele kusaka kuri ti baatu bankeembese.

Musamu wamubwete watina Yowane 7:18

Wunde wudzoonsolo mu nde-meene wusaka nkeembu ya nde-meene, ngo kasi wunde wusakaa nkeembu ya wunde wamuheeke, lo wuri wangwanwa, na bubayi bwahele mu nde.

Musamu wamubwete watina Yowane 8:50

Me nyahele kusaka nkeembu ya me-meene, kuri wusaka, na wutsuundisa.