Musamu wamubwete watina Matayi 7:6 - Musamu Wamubwete 2013

⁶ «Yaa luha byangisi kuri bambwa ko, yaa lulooso misaanga myeenu kuri bangulu ko, mu kubata kuri ti bakwiisa kumidzabata mu miilu myaaku, na balutsyetikilaana, balukaakiri.»

Musamu wamubwete watina Matayi 7:6 ပူးပေါင်းရင်းမြစ်များ

Musamu wamubwete watina Matayi 15:26

Yesu wabvutula ti: «Buri bwabubwete ko, mu kuholo mampa ma baala, na kulooso mo kuri mwaa-baala ba bambwa.»

Musamu wamubwete watina Matayi 24:10

Hanaho, baatu balaka sa babwa, sa bayekele bambaasi bo na bo, na sa bebelesene bo na bo.

Musamu wamubwete watina Matayi 7:5

ngaa-bumpitu-bumpyoongo, tekesele kuyusula mubaangu wuri mu diisu dyaaku, tumi yemono na kyensekelee bwa kuyisikila kisesengu kiri mu diisu dya mpaangi yaaku.»

2 Kol 11:26

Me nyasa budyeengi bwa mu miilu mu ntaangu ngo ntaangu, nyakoto mu nsisi dza manyari, mu nsisi dza bangaa-bumfuna, mu nsisi dza ba turi kitsuumbu kimosi, mu nsisi dza makaanda, mu nsisi dza kunsa bvula, mu nsisi dza ku nsi yankatu, mu nsisi dza mu mubu, mu nsisi dza bampaangi bampya.

Mukaanda kuri bari Filipo 3:2

Seenee madyeele mu bambwa, seenee madyeele mu bisari byabibi, seenee madyeele mu nteendulu bubakala yampya.

Mukaanda kuri Bahebeleho 10:29

Heki lo buri beenu lutsima bubeele bunene bwa maseembu, ma baha kuri wunde wusaana Mwaana Nzaambi, wunyaafuna makila ma lulelusunu ma kari kabakala bungisi, na kutuka Mpeeve ya bweese?

Mukaanda kuri Bahebeleho 6:6

ngo babwiiri, lo diri dya mpasi kuri bo mu kubweese kuyiinga madyeele. Mu didyo, mu bo-meene lo babweese kukomono Mwaana Nzaambi, na kuha nzila mu kumutuka.

2 Pet 2:22

Ma leele nkuma yangwanwa ma mwaa kubatubukila: «Mbwa yibweesiri kubvutukila biluku byaandi», na: «ngulu yibayoosiri, yibvutukiri ku tamba.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.