Musamu wamubwete watina Matayi 7:22 - Musamu Wamubwete 2013

²² Baatu balaka sa baleele kuri me mu kiluumbu kikyo ti: "Mfumu, Mfumu, beetu twabikiri mu nkuumbu ye, twabingisiri mampeeve mamabi mu nkuumbu ye, na twayirikiri bimaangu byalaka mu nkuumbu ye."

Musamu wamubwete watina Matayi 7:22 ပူးပေါင်းရင်းမြစ်များ

Musamu wamubwete watina Matayi 10:15

Ngwanwa me nyiluleele ti: Mu kiluumbu kya mutsuundu, sa babvula kuseembe bvula didyo ti na Sodoma na Ngomora.»

Musamu wamubwete watina Matayi 24:36

«Mu ntoono ya kiluumbu kikyo na kilookolo, kuri muutu wuyaari ko; ti bambasi ba mayulu, ti Mwaana, ngo wunu Taata kitsu yaari.

Musamu wamubwete watina Matayi 25:11

Mwa-mantaangu bu maluta, bantuumba bakaka se biisiri, baleele: "Mfumu, Mfumu, tudzibukila mweelu."

Musamu wamubwete watina Matayi 7:21

«Kari mpisi wuleelaa kuri me ko ti: "Mfumu, Mfumu", wukoto mu Kimfumu kya mayulu; ngo wunde wuyirikaa kutya kwa Taayi dya me diri ku mayulu.

Musamu wamubwete watina Luka 10:12

Me nyileele kuri beenu ti, mu kiluumbu kikyo, sa babvula kuseembe bvula didyo ti na Sodoma.»

Musamu wamubwete watina Yowane 11:51

Nde kasii leele mamo mu nde-meene ko. Ngo bukuri nde waba mukuutu bangaanga-nzaambi mu mubvu wunde, wabikula ti, Yesu yelemini kufwa mu ntoono kaanda,

1 Tes 5:4

Ngo kasi, bampaangi, beenu lwahele kunsa mampimbisi kuri heki kiluumbu kikyo kiisa kuri beenu na sisuu buni ngaa-kwiibi.

2 Tes 1:10

mbasi-tsuku ha kakwiisa, mu kiluumbu kikyo, mu kuba wakeembusu mu bangisi baandi, na mu kuba wasiika mu bobanso basiilaana kanyi, bukuri beenu lwasiiriri kanyi mu kimbaangi kyeetu.

2 Tim 1:12

Mu ntoono yiyo se, me nyiri mu kumono mpasi dzimadzi, ngo nyahele na nsoni, bukuri me nyaari mu nani me nyiri nyasa kanyi, na nyabakula ti, nde wakuka mu kukebe maampu ma kari kampa, natee mu kiluumbu kikyo.

2 Tim 1:18

Hemese Mfumu kamuha miswa mya kutaambula mpemisi kuri Mfumu, mu kiluumbu kikyo. Na kisalu kyokinso ki kari kasala nde ku Efeso, ye-meene bvuriri kuyaaba.

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.