Musamu wamubwete watina Matayi 7:21 - Musamu Wamubwete 2013

²¹ «Kari mpisi wuleelaa kuri me ko ti: "Mfumu, Mfumu", wukoto mu Kimfumu kya mayulu; ngo wunde wuyirikaa kutya kwa Taayi dya me diri ku mayulu.

Musamu wamubwete watina Matayi 7:21 ပူးပေါင်းရင်းမြစ်များ

Musamu wamubwete watina Matayi 12:50

Bukuri mpisi wunde wuyirika kutya kwa Taayi dya me diri ku mayulu, lo wunde wuri mpaangi me, kibusi kya me, na nguri me.»

Musamu wamubwete watina Matayi 16:17

Yesu wabweese kuleele kuri nde ti: «Ye wuri mu kiminu, Simoni mwaana Bariyoona; kari muswinyi na makila ko bikuyaabisiri dyo; ngo Taayi dyaami diri mu mayulu wukuyaabisiri dyo.

Musamu wamubwete watina Matayi 18:10

«Talee kweenu ka lukwiisa kunyaafuna ti mosi mu mwaa bilesi bimabi; bukuri me nyiluleele ti, bambasi ba bo mu mayulu bakyeesaa kidziri kya Taayi dyaami, diri mu mayulu.» [

Musamu wamubwete watina Matayi 18:19

«[Mu ngwanwa] me nyibweese kululeele ti, mbuti baatu boolo mu beenu bayukusini ha butoto, mu musamu ngo musamu, lo mamo ma baloombo, Taayi dya me diri ku mayulu sa kabayirikila mo.

Musamu wamubwete watina Matayi 18:3

na waleele ti: «Mu ngwanwa me nyiluleeriri, mbuti beenu luyiingiri ko, na lukitukiri bunu mwaa-baala bantele ko, lo beenu lukoto mu Kimfumu kya mayulu ko.

Musamu wamubwete watina Matayi 18:35

Bunubwo se: «Taayi dyaami dya mu mayulu kasa, mbuti heki muutu-muutu mu beenu wahele kwehemesene mbaasi yaandi mu mutima ndemunso.»

Musamu wamubwete watina Matayi 19:24

Nyiluleele lukimi, bubvuriri kuleenge kuri kamelo, mu kuluta ha wuri dya noongo, ti na kisina mu kukoto mu Kimfumu kya mayulu.»

Musamu wamubwete watina Matayi 25:10

Babo bu baba kweesuumba maasi, mulumi wayisa; na baba bayirima bakoto na nde, mu munkeembu wa makweele, na bakaanga mweelu.

Musamu wamubwete watina Matayi 25:21

Mfumu yaandi wamuleele ti: "Bwabubwete! Ye kisari kyakibwete na kyakwiikama. Ye wabeeri wakwiikama mu byantele, ngo me nyikusuusiri ha yulu byalaka. Koto mu kiminu kya mfumu yaaku."

Musamu wamubwete watina Matayi 26:39

Bu kayende mwaa kimamanga, nde wabwa kuri watsuka busu ha nsi, wasaambila waleele ti: «Taayi dyaami, mbuti bwakuka, lo hemese mbasa yimayi yiluta la na me. Kasi kari bu ntiiri me ko, ngo bu tiiri ye.»

Musamu wamubwete watina Matayi 26:42

Nde wabweese kusasika lwadzoolo, wasaambila, waleele ti: «Taayi dyaami, mbuti mbasi yimayi yiri ndutula, kuri me nyahele kuyinwa ko, lo hemese kutya kwa ye kuyirima!»

Musamu wamubwete watina Malako 3:35

[Mukwongo] mpisi wunde wuyirika kutya kwa Nzaambi, lo nde ngo mpaangi me, kibusi kya me na nguri me.»

Musamu wamubwete watina Malako 9:47

Mbuti diisu dyaaku dibwiisa ye mu masumu, lo hokolo dyo; buri bwabubwete mu ye, mu kukoto na diisu dimosi mu Kimfumu kya Nzaambi, ti na kuba na miisu myoolo, ngo bakutubiri ku lubila,

Musamu wamubwete watina Luka 11:28

Nde wabvutula ti: «Kiminu lo kibvuriri kuri babo bayukaa maampu ma Nzaambi na bamasalilaana!»

Musamu wamubwete watina Luka 13:25

«Mu ntaangu yiri ngaa-nzo, mwaateleme na mwaakaanga mweelu, haho beenu lubaandika kuteleme ku mbasi, na kukomboto ha mweelu, na kuleele ti: "Mfumu, wutudzibukila." Nde bu kabvutula sa kaleele kuri beenu ti: "Me nyahele kuyaaba beenu kari ba kuri!"

Musamu wamubwete watina Luka 18:25

mukwongo, dibvuriri kuba dyaleenge kuri ngoombo mu lutila ha wuri dya noongo, ti wa kisina mu kukoto mu Kimfumu kya Nzaambi.»

Musamu wamubwete watina Luka 6:46

«Bukuri nki beenu lukweteele me ti: "Mfumu, Mfumu", ngo lwahele kuyirika ma nyiluleele?

Musamu wamubwete watina Yowane 14:7

Mbuti beenu luyaari me, lo sa lwayaaba se Taata. Kuholosono kilookolo kimaki, beenu lumwaamuyaaba, na lumwaamumono.»

Musamu wamubwete watina Yowane 15:23

Wunde wubele me, wabele se na Taayi dya me.

Musamu wamubwete watina Yowane 3:5

Yesu wabvutula ti: «Ngwanwa mu ngwanwa, me nyikuleele ti, mbuti muutu wahele kubutuka mu maampa na mu Mpeeve, lo kabangusina kukoto mu Kimfumu kya Nzaambi ko.

Musamu wamubwete watina Yowane 5:17

Ngo Yesu wabvutula kuri bo ti: «Taayi dya me wuri mu kwesala natee mu lumalu, me se nyiri mu kwesala.»

Musamu wamubwete watina Yowane 6:40

Kutya kwa Taayi dyaami kuri ti, wunde wumono Mwaana na wusa kanyi mu nde, kabaka kidziingu kyahele manunu, na me sa nyamufulukisa mu kiluumbu kya manunu.»

Musamu wamubwete watina Yowane 7:17

Mpisi wutiiri kuyirika kutya kwa nde, lo sa kayaaba mbuti nyikusulu dzidzo dza Nzaambi, bunu pe, mu me-meene nyiri mu kwedzoonsolo.

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

Mukaanda kuri bari Loma 12:2

Yaa lunama bifu bya ntaangu yimayi ko, ngo kasi beenee bakituka mu nkitukulu ya kiluunsi, mpisi lufyongokono bunu buri kutya kwa Nzaambi, kwakubwete, kwatya na kuri na nyirimunu yakuka.

Mukaanda kuri bari Loma 2:13

Bukuri kari bayukaa mangisi basuunguma ha busu bwa Nzaambi ko, ngo kasi basalilaa mangisi sa baba balulukusu.

Mukaanda kuri bari Efeso 6:6

Kari hana ha miisu mya bo ko, bunu ti mu nzala kubweeye kuri baatu, ngo bunu bankutu ba Kiristo bari mu kuyirika kutya kwa Nzaambi, mu mutima wamutsiina.

Mukaanda kuri bari Kolosayi 4:12

Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

1 Tes 4:3

Kutya kwa Nzaambi kuri ti, beenu luba bangisi na luhele kwesalila buyala.

1 Tes 5:18

Bvutuleenu matoondo mu myominso, bukuri bubwo buri kutya kwa Nzaambi kuri beenu mu Yesu Kiristo.

Mukaanda kuri Tito 1:16

Bo bakweleele ti bayaari Nzaambi, ngo mu biyiriki bo bakwemutuna. Bo bayeki nkeensu na bangaa-tungu, bakoono kuyirika ntoono ti yimosi yayibwete.

Mukaanda kuri Bahebeleho 13:21

kaluha makwa ma kuyirika myominso myamibwete, mu kukukisa kutya kwaandi, kayirika mu beetu mamo mamabwete, ha busu bwa Yesu Kiristo, kuri nde kuba nkeembu mu bibvu ngo bibvu. Amene!

Mukaanda kuri Bahebeleho 4:6

Hango bukuri dyaleele kuri ti, babamosi bakoto mu mpuumunu, na babo batekisiri kutaambula Musamu Wamubwete, bakoto ko mu ntoono nko,

Mukaanda wa Yakobo 1:22

Beenee bakwesalila maampu, nkani ka bani bakwemayuka ko, bakwewunukuna bo-meene.

1 Pet 2:15

Bukuri kutya kwa Nzaambi bumabu kuri: mu nyirikulu mamabwe, beenu lukaanga minwa mya baatu ba madzeeke, bahele na nyaabulu.

1 Pet 4:2

mpisi heki beenu lunata kidziingu kya muswinyi, mu ntaangu yisiiri, bunu buri kutya kwa Nzaambi, nkani ka buri nyiimunu dza baatu ko.

Nyabusulu ya Yowane 2:27

na sa kamatwaalisa mu luboto ha kooko, sa kakosono mo, bunu bu bakosonaa bisa bya tubuumbu,

Nyabusulu ya Yowane 22:14

Kiminu kiri na babo baswaakaa madzweele maaku, mpisi heki baba na miswa mu kudya bimbutu bya muti wa bumwooyo, na mu kukoto mu myeelu kunsa bvula.

Nyabusulu ya Yowane 3:5

«Wuluuluka se sa kaba mu bilwaatu byahembeke, na nyiyaala nkuumbu yaandi mu mukaanda wa mwooyo ko, na sa nyamuteelile kimbaangi ha busu bwa Taata, na ha busu bwa bambasi baandi.»