Musamu wamubwete watina Matayi 6:25 - Musamu Wamubwete 2013

²⁵ «Hango-nkuumbu, me nyileele kuri beenu ti: Yaa lwenyoongo mu ntoono kidziingu kyeenu ko, mu bi ludya, [bunu pe bi lunwa], na mu ntoono nyutu ko, mu bi lulwaata. Buri kidziingu kyahele kubvula na byandya, na nyutu yahele kubvula na binkuta?

Musamu wamubwete watina Matayi 6:25 ပူးပေါင်းရင်းမြစ်များ

Musamu wamubwete watina Matayi 10:19

Haba luyekele, lo yaa luba na boomo ko, ti buri ludzoonsolo, bunu pe, nki luleele; bukuri sa lwabaka ma luleele mu kilookolo kikyo.

Musamu wamubwete watina Matayi 13:22

Wuri bunu butoto buri na manseende, bu bwiiri nsaangi, ngo muutu wuri kayukaa Maampu, ngo minyoongi mya nsi, na mawunu ma busina biswetikisi Maampu, na mo mahele kubuta bimbutu.

Musamu wamubwete watina Matayi 6:31

Ngo yaa lweenyoongo na kweleele ti: "Nki tudya? Bunu pe ti nki tunwa? Bunu pe ti nki tulwaata?"

Musamu wamubwete watina Matayi 6:34

Hango-nkuumbu, yaa lunyoongo mu kiluumbu kya bweepari ko: bukuri kiluumbu kya bweepari sa kyanyoongo kyo-meene. Mpisi kiluumbu na mpasi dzaandi.»

Musamu wamubwete watina Malako 13:11

Ha balunata mu kuluyekele, yaa lutekesele kuba na boomo ko, mu mi luleele; ngo mamo ma lubaka mu kilookolo kikyo, leelee mo, bukuri kari beenu ludzoonso ko, ngo Mpeeve Yangisi.

Musamu wamubwete watina Malako 4:19

kasi minyoongi mya nsi yi, mawunu ma busina, na nyiimunu dza bitsuumbu-bitsuumbu, bu bikotiri mu bo, biswetikise Maampu, na meki bimbutu kubuta pe.

Musamu wamubwete watina Luka 12:11

«Mu ntaangu yibalunata mu manzo mankutukunu, na ha busu bwa batsuundisi na bangaa-lutumu, lo yaa luba na boomo ko, ti buri lukalila manyutu meenu, bunu pe nki luleele;

Musamu wamubwete watina Luka 8:14

Bibwiiri kunsa manseende, ngo babo bamwaayuka, ngo minyoongi, busina na biminu bya kidziingu bikwebaswetekese mu nzila, na bahele kutubuka ku kuyele.

Mukaanda kuri bari Loma 8:32

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

1 Kol 7:32

Me ntiiri ti beenu luhele kuba kunsa minyoongi. Wa mfuubi wusanaa minyoongi mu misamu mya Mfumu, wukwesaka bwa kubweeyile kuri Mfumu;

Mukaanda kuri bari Filipo 4:6

Yaa luba na boomo mu ntoono ti mosi ko; ngo mu myominso, hemesee ndoombulu dzeenu dziba dzayabakana kuri Nzaambi, mu nsaambulu, mu nyingukulu na mu mvutukulu matoondo.

2 Tim 2:4

Kuri muutu ko wuri kakotaana mu buyongolo, bweesiri kakaangama mu misamu mya kidziingu, mbuti tiiri kubweeye kuri wunde wa muholo mu kisalu.

1 Pet 5:7

Mubwoongokileenu bitsimi byeenu byobinso bya mpasi, bukuri nde wuri na lusaambu mu beenu.