Musamu wamubwete watina Matayi 6:20 - Musamu Wamubwete 2013

²⁰ Ngo kutukiseenu busina bweenu ku yulu, kukwo kuri lo bansyelisi na bisekisi bahele kudya, na kukwo se kuri bangaa-kwiibi bahele kubula na kuyiba.

Musamu wamubwete watina Matayi 6:20 ပူးပေါင်းရင်းမြစ်များ

Musamu wamubwete watina Matayi 19:21

Yesu waleele kuri nde ti: «Mbuti ye tiiri kuba wakuka, lo yende, yarika bi wuri na byo, ha kuri bawelu, na ye sa baka busina mu mayulu, na wasa nama me.»

Musamu wamubwete watina Matayi 6:19

«Yaa lwekutukisa busina bweenu ha butoto ko, hari bubwiilila bansyelisi na bisekisi, na hari bangaa-kwiibi babula na bayiba.

Musamu wamubwete watina Malako 10:21

Yesu kamusungumina kisoosi, wamutya na wamuleele ti: «Kitotolo kimosi kiheeri kuri ye: yende, yarika bi wuri na byo, na ha [kuri] bawelu, ye sa baka busina ku yulu, na wasa, nama me.»

Musamu wamubwete watina Luka 12:33

Yarikeenu bitotolo byeenu, na kabuleenu kuri bawelu; yirikeenu bimpokoro bya mboongo byahele kufuuka, na sweekeenu ku mayulu, busina bwahele kuwa. Kukwo kuri ngaa-kwiibi lo wahele kukokosolo, na bisekisi byahele kudya.

Musamu wamubwete watina Luka 18:22

Yesu bu kayuka bubwo, waleele kuri nde ti: «Kwakiri kitotolo kimosi, kiheriri kuri ye: byobinso bi wuri byo, yarika na kabula mboongo kuri bawelu, ye sa baka busina mu mayulu, na wasa nama me.»

1 Tim 6:17

Leele kuri bisina bya ntaangu yimayi, yaa baba na masiiku ko, na yaa basiila nsiitu mu busina bwa mwaa-ntaangu mosi ko, ngo basiila nsiitu mu Nzaambi, nde kootuhaanaa byobinso mu busina mpisi tumono kiminu mu byo.

1 Tim 6:19

bari mu kwekutikisa busina ha lufulu lwalubwete mu bo-meene, mpisi heki mu ntaangu yikwiisa, babaka kidziingu kyangwanwa.

Mukaanda kuri Bahebeleho 10:34

Mukwongo, beenu lwakabula mpasi dza babo baba mu boroko, na beenu lwataambula mu kiminu, ti baluhosono na bitotolo byeenu, bu lwaba luyaari kuri ti luri na busina bubvuriri bubwete, na buri bwawaana ko.

Mukaanda kuri Bahebeleho 11:26

Nde wamwiini ti, kuba wasaanu bunu Kiristo, bubwo busina bubvuriri bunene ti na busina bwa ku Ngipiti. Bukuri nde waba talilaana museendu.

Mukaanda wa Yakobo 2:5

Bampaangi baami ba mutima, yukeenu: Buri kari Nzaambi ko wasooriri bari bawelu mu mya nsi ngo bisina mu mitariri kanyi, na bakondiri ba Kimfumu ki kari kasa lusiilulu kuri babo bamutyaanaa?

1 Pet 1:4

mu ntoono saala diri dyabiiyaa ko, dyabviimfukaa ko, na dyakitukaa ko, di bari balusweekele mu mayulu,

1 Pet 5:4

Tumi ha monokono mukuutu batari, beenu lutaambula lukoongolo lwa nkeembu luri lwabiiya ko.

Nyabusulu ya Yowane 2:9

Me nyaari mpasi na buwelu bwa ye, kasi wuri kisina, nyaari se nsaanunu dza babo bari mu kweleele ti Bayudayo bari, ngo bari Bayudayo ko, kasi baatu ba nzo-nkutukunu ya Satana.