Musamu wamubwete watina Matayi 6:19 - Musamu Wamubwete 2013

¹⁹ «Yaa lwekutukisa busina bweenu ha butoto ko, hari bubwiilila bansyelisi na bisekisi, na hari bangaa-kwiibi babula na bayiba.

Musamu wamubwete watina Matayi 6:19 ပူးပေါင်းရင်းမြစ်များ

Musamu wamubwete watina Matayi 19:21

Yesu waleele kuri nde ti: «Mbuti ye tiiri kuba wakuka, lo yende, yarika bi wuri na byo, ha kuri bawelu, na ye sa baka busina mu mayulu, na wasa nama me.»

Musamu wamubwete watina Matayi 6:20

Ngo kutukiseenu busina bweenu ku yulu, kukwo kuri lo bansyelisi na bisekisi bahele kudya, na kukwo se kuri bangaa-kwiibi bahele kubula na kuyiba.

Musamu wamubwete watina Luka 12:21

«Bunubwo se buba mu muutu wukutukisaa busina mu ntoono nde-meene, na wahele kusaka busina mu ntoono Nzaambi.»

Musamu wamubwete watina Luka 12:33

Yarikeenu bitotolo byeenu, na kabuleenu kuri bawelu; yirikeenu bimpokoro bya mboongo byahele kufuuka, na sweekeenu ku mayulu, busina bwahele kuwa. Kukwo kuri ngaa-kwiibi lo wahele kukokosolo, na bisekisi byahele kudya.

Musamu wamubwete watina Luka 12:39

«Ngo yabee dyo ti, mbuti ngaa-nzo kooyaabaa kilookolo ki kwiisa ngaa-kwiibi, nkani lo katala ko ti bamubula na nzo.

Musamu wamubwete watina Luka 18:22

Yesu bu kayuka bubwo, waleele kuri nde ti: «Kwakiri kitotolo kimosi, kiheriri kuri ye: byobinso bi wuri byo, yarika na kabula mboongo kuri bawelu, ye sa baka busina mu mayulu, na wasa nama me.»

Musamu wamubwete watina Luka 18:24

Yesu bu kamumono [kunsa ngebe dzamakwa], waleele ti: «Diri nkati dya mpasi kuri bisina mu kukoto mu Kimfumu kya Nzaambi;

1 Tim 6:17

Leele kuri bisina bya ntaangu yimayi, yaa baba na masiiku ko, na yaa basiila nsiitu mu busina bwa mwaa-ntaangu mosi ko, ngo basiila nsiitu mu Nzaambi, nde kootuhaanaa byobinso mu busina mpisi tumono kiminu mu byo.

Mukaanda kuri Bahebeleho 13:5

Ndyaatulu yeenu, yaa yiba yatwaalusu mu ntiki-mboongo ko, monee kiminu mu bini bi luri na byo. Bukuri nde-meene Nzaambi waleele ti: «Me nyikupatila ko, me nyikuyekele ko.»