Musamu wamubwete watina Matayi 6:13 - Musamu Wamubwete 2013

¹³ Yaa tunata mu nsindukulu ko; ngo ye tukuula kuri Ngaa-bubi."»

Musamu wamubwete watina Matayi 6:13 ပူးပေါင်းရင်းမြစ်များ

Musamu wamubwete watina Matayi 26:41

Beenee naana na saambileenu, mpisi luhele kukoto mu nsindukulu. Kiluunsi kiri na makwa, ngo kasi muswinyi wuri na buyonsi.»

Musamu wamubwete watina Matayi 28:20

mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Musamu wamubwete watina Matayi 5:37

Nzoonsulu yaaku yiba mbuti "heehe", lo "heehe", mbuti "pele", lo "pele"; mi babweese kuleele ha yulu haho, lo mya Ngaa-bubi.»

Musamu wamubwete watina Matayi 6:10

hemese kimfumu kyaaku kiisa; hemese kutya kwa ye kuyirima ha butoto, bunu buri ku yulu.

Musamu wamubwete watina Yowane 17:15

Me nyahele kuloombo kuri ti, ye wubayisila mu nsi, ngo kuri ti ye wubakebe mu Ngaa-bubi.

1 Kol 10:13

Nsindukulu dzi lubwanikina na dzo, dzahele kuba dzaluta kiteesu, ngo dzayelemene mu baatu. Nzaambi wakwiikama, nde kaha miswa ko ti beenu luba lwasindukulu mu kiteesu kibvuriri makwa na beenu, ngo kunsa nsindukulu, nde sa kuluha mpwaani ya kupalila, kuri lubangisina kukuunda.

1 Kol 14:16

Bukuri mbuti ye wuri mu kuha lusakumunu [mu] Mpeeve, lo muutu wabuunu wadzakala, buri kutambukila ti «Amene», mu mvutukulu matoondo ya ye, bukuri nde wahele kuyaaba, ma wuri mu kuleele?

2 Kol 1:20

Mukwongo, nsiilulu dza Nzaambi dzodzinso mu nde dini «heehe» diri, Mu didyo se beetu tukooleelaa ti «Amene» kuri Nzaambi, mu kumuha nkeembu.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

1 Tes 1:10

na mu kwekiingila Mwaana waandi wufumuna ku mayulu, wu kafulukisi mu bafwa, Yesu, nde wutukuula mu nkesi dzikwiisa.

2 Tes 3:3

Ngo Mfumu wakwiikama, nde sa kalukumisa na kulukala mu Ngaa-bubi.

1 Tim 1:17

Kuri Mbyaasi ya mantaangu momanso, yiri kafwaana ko, bamumonaa ko, Nzaambi yomosi kitsu, kuba lukiinsu na nkeembu mu bibvu ngo bibvu, Amene.

Mukaanda kuri Bahebeleho 11:36

Bakimi, bamono mpasi dza munsiku na dza nkwaasulu, natee se na dza mu bikonyi na dza mu boroko;

1 Pet 5:8

Beene bangaa-ndiilu na nwiinu byayelemene, beenee naana. Mutaatu weenu dyabulu, wuri mu kwedyengekele bunu nkosi yi kwewuma, yi kwesaka wu kamingutina.

2 Pet 2:9

Mamo masoongo ti, Mfumu yaari kukuula bangaa-kinzaambi mu mpasi, na kukebe bahele kusuunguma mpisi baba baseembu mu kiluumbu kya mutsuundu,

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.

Nyabusulu ya Yowane 1:18

wamwooyo, me nyabee nyafwa, ngo mono me nyiri mwooyo mu bibvu ngo bibvu; me nyiri na mafungula ma lufwa na ma lubila.

Nyabusulu ya Yowane 19:1

Ha mambisa haho, me nyayuka bunu ti mbeembu yayinene ya mpuumbu baatu yalaka mu mayulu, bari mu kuleele ti: «Aleluya! Mvuukulu, nkeembu na mpinu bya Nzaambi yeetu!

Nyabusulu ya Yowane 19:4

Makuumi moolo na bina ma binuni, na bibulu bina byasaambila Nzaambi, wadzakala ha mboloko, byaleele ti: «Amene! Aleluya!»

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 21:4

Nde sa kayaala mansangasa momanso mu miisu mya bo. Kubweese kuba lufwa ko, bufwiiri se ko, misaakulu na mpasi se ko, [bukuri] bitotolo byatete bimwaaluta.»

Nyabusulu ya Yowane 3:10

Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.

Nyabusulu ya Yowane 3:14

Tina kuri mbasi ya dibuundu dya ku Lahodikya: «Amene, mbaangi yakwiikama na yangwanwa, mbandukulu byobinso bya yirika Nzaambi bu kari mu kuleele:

Nyabusulu ya Yowane 5:13

Biyiriki byobinso biri ku yulu, biri ha butoto, biri ku nsuku butoto, biri mu mubu na byobinso biri mu mo, me nyayuka bibikisa ti: «Kuri wunde wadzakala ha mboloko, na kuri Mwaana kimeeme kuba ndumusu, lukiinsu, nkeembu na makwa mu mibvu ngo mibvu.»