Musamu wamubwete watina Matayi 5:7 - Musamu Wamubwete 2013

⁷ Kiminu kuri bari na mutima wangebe, bukuri sa bababakila ngebe!

Musamu wamubwete watina Matayi 5:7 ပူးပေါင်းရင်းမြစ်များ

Musamu wamubwete watina Malako 11:25

Lubaanaa lwateleme luri mu kusaambila, mbuti lwakebele muutu kooti, lo muhemesene, mpisi heki taayi dya beenu se diri mu mayulu, kaluhemesene lumvuki lweenu.» [

Musamu wamubwete watina Luka 6:35

Ngo kasi, tyeeneenu bataatu beenu, yirikeenu mamabwe na soomboseenu kwahele kitsimi kiri ti balubvutikila. Museendu weenu sa kaba wamunene, na sa lwaba baala ba Mwa-yulu, bukuri nde wuri na mutima-bubwete, kuri bari bayaari kutoondo ko, na kuri bangaa-mutima-bubi.

Mukaanda kuri bari Loma 11:30

Mukwongo, mu ntaangu yayikulu, beenu lwasiiri nko kuri Nzaambi, ngo kasi mu lumalu, beenu balubakila ngebe, ha lumbisa lwa nko dza bo.

1 Kol 7:25

Mu mitariri babo bahele kukweele, me nyahele na ntumunu dza Mfumu, ngo me kitsimi nyisoongo, bunu bwa mbakila Mfumu ngebe, mu kuba muutu wu bayelemini kusikikila.

2 Kol 4:1

Hango-nkuumbu, bu turi na kisalu kimaki, beetu twahele kuholo-bito, bukuri mu ngebe dza Nzaambi turi twakitaambula.

Mukaanda kuri bari Efeso 4:32

Beeneenu na mbweeyulu-mutima mu beenu na beenu, bangaa-bundeembu, kwehemesene beenu na beenu, bunu bwa luhemesene Nzaambi mu Kiristo.

Mukaanda kuri bari Kolosayi 3:12

Ngo bu luri lwasoolu kuri Nzaambi, luri bangisi, na lwatya kuri nde, beeneenu na mutima wa ngebe, wa mbweeyulu, wa nkulukulu, wa bundeembu na wa nkindusulu.

1 Tim 1:13

Mu ntaangu yaluta me nyaba ngaa-bitari, ngaa-nkwaamusu, na ngaa-kinwa, kasi nde wambakila ngebe, bukuri me nyaba nyahele na nyaabulu, na nyaba kweyirika mamo kwahele kanyi.

1 Tim 1:16

Hango-nkuumbu, me bambakila ngebe, mpisi heki mu me watete, Kiristo Yesu kasoongo kifwaani kya nkindusulu-mutima yoyinso, kuri basiila kanyi mu nde, mu kutaambula kidziingu kyahele manunu.

Mukaanda kuri Bahebeleho 4:16

Hango, tukokosoleenu na nsiitu yoyinso ha teke mboloko ya bweese, mpisi tutaambulee ngebe, na bweese mu kubaka lubakusu mu ntaangu yayelemene.

Mukaanda kuri Bahebeleho 6:10

Mukwongo, Nzaambi wahele na bubayi, mu kudzimbikina kisalu kyeenu, na ntiilu yi luri lwasoongo mu nkuumbu yaandi, bu lwasariri bangisi, na bu luri mu kunamitina kubasalila.

Mukaanda wa Yakobo 2:13

Mukwongo, mutsuundu wahele na ngebe kuri wunde wahele na ngebe; ngo muutu ngaa-ngebe wahele na boomo bwa mutsuundu.

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

1 Pet 2:10

Beenu bari, mu ntaangu yayikulu, lwasii ba mukaangu baatu ko, kasi mu lumalu beenu lweki mukaangu baatu ba Nzaambi. Mu ntaangu yayikulu, Nzaambi kasii kulumwiinina ngebe ko, kasi mu lumalu nde wulumonono ngebe.