Musamu wamubwete watina Matayi 5:37 - Musamu Wamubwete 2013

³⁷ Nzoonsulu yaaku yiba mbuti "heehe", lo "heehe", mbuti "pele", lo "pele"; mi babweese kuleele ha yulu haho, lo mya Ngaa-bubi.»

Musamu wamubwete watina Matayi 5:37 ပူးပေါင်းရင်းမြစ်များ

Musamu wamubwete watina Matayi 13:19

«Mpisi wuyuka maampu ma Kimfumu, ngo wahele kubakula, lo muutu wuri, ngaa-bubi bu kiisiri, dzikiri ma bakuninyee mu mutima waandi. Wunde ngo wuri bunu luteembu lwa nzila lubwiiri nsaangi.

Musamu wamubwete watina Matayi 13:38

nseke ngo nsi; nsaangi dzadzibwete ngo baala ba Kimfumu, lukengisi ngo baala ba Ngaa-bubi,

Musamu wamubwete watina Matayi 15:19

Bukuri mu mutima mu palaana: bitsimi byabibi, munzusu baatu, kimpala, buyala, kwiibi, bimbaangi byampya na nsaanunu.

Musamu wamubwete watina Matayi 5:36

Yaa laba maalu mu mutu waaku ko, bukuri ye lo wubangisina kuhembekese, bunu pe kupiindisa lufu ti lumosi ko.

Musamu wamubwete watina Matayi 6:13

Yaa tunata mu nsindukulu ko; ngo ye tukuula kuri Ngaa-bubi."»

Musamu wamubwete watina Yowane 17:15

Me nyahele kuloombo kuri ti, ye wubayisila mu nsi, ngo kuri ti ye wubakebe mu Ngaa-bubi.

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Mukaanda kuri bari Efeso 4:25

Hango-nkuumbu, hotee mpya, dzoonsee ngwanwa mpisi muutu kuri mbaasi yaandi, bukuri turi binamu bamosi na bakaka.

Mukaanda kuri bari Efeso 6:16

Mu mpisi diba, kwaateenu kikakusulu kya kanyi, mu kyo beenu lubangusina kudzimisa misomono mya mbaawu mya Ngaa-bubi.

Mukaanda kuri bari Kolosayi 3:9

Yaa lwesilisina mpya ko beenu na beenu, bu lwayeki lwapala mu muutu wa mukulu, na mu biyiriki byaandi,

Mukaanda kuri bari Kolosayi 4:6

Ma lukwedzoonso beenu maba ma bweese mu mantaangu momanso, matwa mungwa, mu kuyaaba bunu bwayelemene kuha mvutu kuri mpisi muutu.

2 Tes 3:3

Ngo Mfumu wakwiikama, nde sa kalukumisa na kulukala mu Ngaa-bubi.

Mukaanda wa Yakobo 5:12

Bampaangi baami, tekesele momanso, yaa lwelaba maalu ti mu yulu, ti mu butoto, ti mu maalu makimi ko. Ngo kuri beenu, heehe diba heehe, pele diba pele, mpisi luhele kubwa mu mutsuundu.

1 Yow 2:13

Me nyitinina kuri beenu bataata, bukuri beenu lwayeki lwamuyaaba kuholosono kunu mbandukulu. Me nyitinina kuri beenu bituuti, bukuri beenu lwabwiisiri Ngaa-bubi.

1 Yow 3:12

Yaa tuba bunu Kayini ko, waba ngaa-bubi, na wadzusiri mpaangi yaandi. Heki mu nkya ntoono kamudzusiri? Bukuri biyiriki bya Kayini byaba byabibi, na bya mpaangi yaandi byaba byasuunguma.

1 Yow 5:18

Tuyaari ti mpisi wabutuka kuri Nzaambi, lo kayirikaa masumu ko, bukuri Mwaana Nzaambi wumukebaa, na Ngaa-bubi kari mbelemene nde ko.