Musamu wamubwete watina Matayi 5:19 - Musamu Wamubwete 2013

¹⁹ Ngo mbuti muutu sinini lutumu ti lumosi mu ntumu dzibvuriri buntele, na yikisiri se kuri baatu mu kusa bubwo, lo sa bamuteele ti wubvuriri buntele mu Kimfumu kya mayulu. Ngo wunde wumasalila, na wumayikisa, lo sa bamuteele ti mukuutu mu Kimfumu kya mayulu.

Musamu wamubwete watina Matayi 5:19 ပူးပေါင်းရင်းမြစ်များ

Musamu wamubwete watina Matayi 11:11

Ngwanwa me nyiluleele ti: Mu babutuka mu bakyeetu, kwahele wubvuriri bukuutu na Yowane Mubotiki; ngo wubvuriri bulesi mu Kimfumu kya mayulu, bvuriri bukuutu na nde.

Musamu wamubwete watina Matayi 19:28

Yesu wabvutula kuri bo ti: «Mu ngwanwa me nyiluleeriri ti, mu ntaangu yikitika byobinso byamoono, Mwaana muutu bu kadzakala ha mboloko ya munkeembu, beenu lwanemi me, beenu se sa lwaba lwadzakala mu mamboloko kuumi na moolo, mu kutsuundisa makaanda kuumi na moolo ma Isaheli.

Musamu wamubwete watina Matayi 20:26

Kari bubwo buyelemini kuba ha kakati dya beenu ko; ngo wunde wutiiri kuba mukuutu mu beenu, lo yelemini kuba kisari kya beenu.

Musamu wamubwete watina Matayi 28:20

mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Musamu wamubwete watina Luka 1:15

Mukwongo, nde sa kaba muutu wamunene ha busu bwa Mfumu, nde mbasi-tsuku bviinya na malu makookolaa kunwa pe. Sa kaba waluula mu Mpeeve Yangisi, kuri wakiri mu mwooyo nguri yaandi.

Musamu wamubwete watina Luka 11:42

«Ngo kyaari kuri beenu Bafarisi, bukuri beenu luhanaa kikuuku kyakuumi kya binkoolo biri nkuumbu hedwosemo, na pegano, na kya binkoolo bya bitsuumbu-bitsuumbu. Ngo kasi beenu lukwenyaafuna nsungumunu na ntiilu bya Nzaambi. Bibyo beenu luketi kusalila, kwahele kunyaafuna byakaka.»

Musamu wamubwete watina Luka 9:48

na waleele kuri bo ti: «Mpisi wunde wutaambula mwaa-mwaana wu mu nkuumbu ya me, lo me kataamburi; na mpisi wunde wutaambula me, lo wunde wampeeke kataamburi. Bukuri wunde wu bvuriri bulesi ha kakati dya beenu, lo nde ngo mukuutu.»

Biyiriki bya Bantumu 1:1

Tehofile, mu mukaanda me watete, me nyatina myominso, mya baandukiri Yesu mu kusala na mu kuyikisa,

Mukaanda kuri bari Loma 3:8

Hango, mamabi tuyirikee kweetu mpisi mamabwe miisa, kindeele babo bakwetufutukila, ti beetu turi mu kweeleele bubwo? Mutsuundu wu bataambula bo, wayelemene mu bo.

Mukaanda kuri bari Loma 6:1

Ngo nki tuleele? Mu masumu tunamitinee kweetu, mpisi heki bweese bubuukila?

Mukaanda kuri bari Loma 6:15

Hango nki? Masumu tukweyirikee kweetu, bukuri twahele mu lutumu lwa mangisi, ngo turi mu lutumu lwa bweese? Ti bele na dyo!

1 Tim 6:11

Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

Mukaanda kuri Tito 3:8

Maampu mamama mayelemene mu kusiila kanyi, na me ntiiri ti ye yirika kutswiikisa dyaambu didyo, mpisi heki bamwaasiila kanyi mu Nzaambi, batsimina na baheele mutima mu biyiriki byabibwete. Mimyo miri myamibwete na miri mufunu kuri baatu.

1 Pet 5:4

Tumi ha monokono mukuutu batari, beenu lutaambula lukoongolo lwa nkeembu luri lwabiiya ko.

1 Yow 3:4

Mpisi wunde wuyirika masumu, lo wusininaa se mangisi, bukuri masumu ngo kusinina kwa mangisi.

Nyabusulu ya Yowane 2:20

Ngo di nyiri nyabele ye, di wuri wahemese mukyeetu wuri nkuumbu Yedzabele, wu kweleele ti nde mubikiri, wukweyikisa na wukwedziimbisa bisari byaami, kuri bakwesa buyala, na bakwedya toongo twaha mu kikabu kuri biteki.