Musamu wamubwete watina Matayi 5:10 - Musamu Wamubwete 2013

¹⁰ Kiminu kuri ba bari mu kwekwaamisa mu ntoono ya nsungumunu, bukuri Kimfumu kya mayulu kya bo!

Musamu wamubwete watina Matayi 5:10 ပူးပေါင်းရင်းမြစ်များ

Musamu wamubwete watina Matayi 10:23

Mu ntaangu yibalukwaamisa mu bvula dimadi, yitikee mu dyakaka. Ngwanwa me nyiluleele, beenu lumana budyeengi mu mabvula momanso ma Isaheli ko, lo Mwaana muutu wiisiri.»

Musamu wamubwete watina Matayi 19:14

Ngo Yesu waleele: «Hemeseenu mwaa-baala, yaa lubakakikila mu kwiisa kuri me ko, bukuri Kimfumu kya mayulu kiri kya bari bunu bo.»

Musamu wamubwete watina Matayi 25:34

Haho, mbyaasi sa kaleele kuri bari ku lubakala lwaandi: "Waseenu, beenu bari taayi dya me walusakumuna; taambuleenu saala ngo kimfumu kibari baluyirikila tekesele nyirikulu nsi.

Musamu wamubwete watina Matayi 5:3

«Kiminu kiri na ba bawelu mu mpeeve, bukuri Kimfumu kya mayulu kya bo!

Musamu wamubwete watina Malako 10:14

Yesu wamono dyo ti bwabubi, na waleele kuri bayiki baandi ti: «Hemesee mwaa-baala biisa kuri me. Yaa lubakakisila ko, bukuri Kimfumu kya Nzaambi kiri kya bafwaanikina na bo.

Musamu wamubwete watina Malako 10:30

lo heriri kutaambula ku kinkama, mu ntaangu ya lumalu: manzo, bampaangi, bibusi, banguri, baala na manseke kunsa nkwaamusunu, tumi kidziingu kyahele manunu, mu ntaangu yikwiisa.

Musamu wamubwete watina Luka 21:12

Ngo tekesele momanso mamo, sa balukaanga na kulukwaamisa, sa balutsuundisa mu manzo mankutukunu, na kulutuba mu maboroko, sa balunata ha busu bwa bambyaasi na batumi, mu ntoono nkuumbu yaami.

Musamu wamubwete watina Luka 22:29

na me nyalususukila Kimfumu, bunu bwa nsusukila se Taata kyo,

Musamu wamubwete watina Luka 6:20

Nde bu kasyeetele miisu myaandi kuri bayiki baandi, waleele ti: «Kiminu kuri bawelu, bukuri Kimfumu kya Nzaambi kya beenu.

Musamu wamubwete watina Luka 6:22

«Kiminu kuri beenu, habaana baatu balubele, balupalisa, balutuka, babele nkuumbu beenu ti yayibi, mu ntoono Mwaana muutu.

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Biyiriki bya Bantumu 5:40

Bu batumusa bantumu, babalata nkwaasulu, na babasika mu kuhele kudzoonsolo mu nkuumbu Yesu, na babapatula.

Biyiriki bya Bantumu 8:1

Sawulo wamono ti bwabubwe bu badzusa Estefano. Mu kiluumbu kikyo, kwabwa nkwamusunu dzadzinene mu dibuundu dya Yerusalemi. Bobanso batsyamikina mu mansi ma Yudaya na ma Samariya; ha yulu bani bantumu bari basii yitika ko.

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

Mukaanda kuri bari Filipo 1:28

kwahele kubata bataatu mu ntoono ti mosi. Kuri bo kikyo ngo kidiimbu kya nzimbukulu, ngo kuri beenu kya mvuukulu, na mimyo mifuminaa kuri Nzaambi.

2 Tim 2:12

mbuti tukuundiri mpasi kintwaari na nde, lo sa twatuma kintwaari na nde se; mbuti tumutunini, lo nde se sa katutuna;

2 Tim 3:11

nkwamusunu na mpasi dzi nyamono me ku Antyoke, ku Ikonyo, ku Listara. Nkya nkwamusunu me nyahele kumono! Ngo mu dzodzinso Mfumu wankuula.

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

Mukaanda wa Yakobo 5:11

Monee, beetu tuleelaa kuri babo bakuundaa mpasi, ti bari mu lwambwe. Beenu lwayukiri kifiki ka Yobi, na lwamwiini nsukulu yaba yitiiri Mfumu, ti Mfumu waluula mu bundeembu na wubakila ngebe.

1 Yow 3:12

Yaa tuba bunu Kayini ko, waba ngaa-bubi, na wadzusiri mpaangi yaandi. Heki mu nkya ntoono kamudzusiri? Bukuri biyiriki bya Kayini byaba byabibi, na bya mpaangi yaandi byaba byasuunguma.

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»