Musamu wamubwete watina Matayi 4:23 - Musamu Wamubwete 2013

²³ Tumi Yesu wayende mu Ngalili yoyinso, mu kweyikisa munsa manzo ma nkutukunu ma bo, na kweyaabisa Musamu Wamubwete wa Kimfumu, na kwetsinikisa mabeeru momanso, na bipfuumi byobinso bya baatu.

Musamu wamubwete watina Matayi 4:23 ပူးပေါင်းရင်းမြစ်များ

Musamu wamubwete watina Matayi 11:5

Bafwa miisu bamono, na bikata bikweyende, babeele bwaasi batsyeemekusu, bafwa makutu bayuka, bafwa bafuluka, na Musamu Wamubwete bari mu kuyaabisa kuri bawelu.

Musamu wamubwete watina Matayi 12:9

Yesu kayisukaa haho, wayende ku nzo-nkutukunu bo.

Musamu wamubwete watina Matayi 13:19

«Mpisi wuyuka maampu ma Kimfumu, ngo wahele kubakula, lo muutu wuri, ngaa-bubi bu kiisiri, dzikiri ma bakuninyee mu mutima waandi. Wunde ngo wuri bunu luteembu lwa nzila lubwiiri nsaangi.

Musamu wamubwete watina Matayi 13:54

Bu katubuka ku nkoonsi ya nde-meene, nde wabayikisa mu nzo-nkutukunu ya bo-meene, mu kiteesu kiri bo bakimuka na baleele ti: «Kuri kabakiri madyeele ma, na bimaangu bi?

Musamu wamubwete watina Matayi 14:14

Bu kasunduka mu bwaatu, nde wamono mpuumbu baatu yayinene; nde wabamwiina ngebe mu mutima, na wabeke mu kutsinikisa babeeru ba bo.

Musamu wamubwete watina Matayi 24:14

Musamu Wamubwete wa Kimfumu sa kaba wayikusu mu nsi yansiina, mpisi kiba kimbaangi kuri makaanda momanso, heki tumi manunu yiisa.»

Musamu wamubwete watina Matayi 3:2

[na] kweleele ti: «Yiingee madyeele, bukuri Kimfumu kya mayulu kikokisiri.»

Musamu wamubwete watina Matayi 9:35

Yesu waba kweyendaana, mu mabvula momanso na mu mabula, kuri wukweyikisa munsa manzo ma nkutukunu ma bo, wukweyaabisa Musamu Wamubwete wa Kimfumu, na wukwetsinikisa mabeeru momanso na bipfuumi byobinso.

Musamu wamubwete watina Malako 1:14

Ha mambisa ma nkotosulu Yowane mu boroko, Yesu wayisa ku Ngalili mu kwebikisa Musamu Wamubwete wa Nzaambi,

Musamu wamubwete watina Malako 1:21

Yesu na bayiki baandi bakoto mu bvula dya Kafarnawumi. Mu kiluumbu kya mpuumunu, nde wakoto mu nzo-nkutukunu, na mu kilookolo kinikyo, nde wabeke mu kuyikisa.

Musamu wamubwete watina Malako 1:39

Nde wayende mu nkoonsi yoyinso ya Ngalili, mu kweyikisa mu manzo ma nkutukunu, na kwebingisa mampeeve mamabi.

Musamu wamubwete watina Malako 3:10

Mukwongo, nde watsinikisa babeeru balaka, kuri bobanso baba mu mpasi bamubwiilila, mpisi bamubelemene.

Musamu wamubwete watina Malako 6:2

Kiluumbu kya mpuumunu bu kyatubuka, nde wabaandika mu kuyikisa mu nzo-nkutukuna. Baatu balaka bu bayuka bakimuka na baleele ti: «Kuri kabakiri mamama? Nkya madyeele bari bamuha mamama, na buri bimaangu biri mu kweyirimina mu myooko mya nde?

Musamu wamubwete watina Malako 6:6

Nde wakimuka mu ntoono kuhele kwa kanyi kwa bo. Yesu waba kweyendaa mu mabula mari ku lumperi mu kweyikisa.

Musamu wamubwete watina Luka 10:9

tsinikisee babeeru bari haho, na bayaabisee ti: «Kimfumu kya Nzaambi kikokisiri kuri beenu.»

Musamu wamubwete watina Luka 13:10

Yesu waba yikisaana mu nzo-nkutukunu mu kiluumbu kya mpuumunu.

Musamu wamubwete watina Luka 16:16

«Mangisi na babikiri byaba natee mu ntaangu ya Yowane; ngo kuholosono haho natee lu, Musamu Wamubwete wa Kimfumu kya Nzaambi wuri wayaabusu; na mpisi muutu wusalila makwa mu kukoto.

Musamu wamubwete watina Luka 20:1

Kiluumbu kimosi, Yesu bu kaba yikisaa baatu mu Nzo-Nzaambi, na kuyaabisa Musamu Wamubwete, bangaanga-nzaambi, na batini ba mangisi na bakulu ba babakala bayisa.

Musamu wamubwete watina Luka 4:14

Yesu wabvutuka ku Ngalili na mpinu dza Mpeeve, na mvuumfu yatsamukina mu nkoonsi yoyinso mu ntoono ya nde.

Musamu wamubwete watina Luka 5:17

Kiluumbu kimosi, Yesu bu kaba mu kuyikisa, Bafarisi na bayikisi ba mangisi baba badzakala. Bo bafumini mu mabula momanso ma ku Ngalili, ma ku Yudaya na ku bvula dya Yerusalemi. Mpinu dza Mfumu dzaba mu nde, mu kutsinikisa babeeru.

Musamu wamubwete watina Luka 6:17

Bu kakulumuka kintwaari na bo, ha kateleme ha kibeendu kya kidende, haba mpuumbu yayinene ya bayiki baandi, na mpuumbu yayinene ya baatu ba ku Yudaya dyodinso, ba Yerusalemi, ba mu teke mubu, ba Tiro na Sidoni.

Musamu wamubwete watina Luka 6:6

Mu kiluumbu kikimi kya mpuumunu, Yesu wakoto mu nzo-nkutukunu, na wabeke kuyikisa. Munumwo mwaba muutu mosi wuri kooko kwa lubakala kwaba kwasika.

Musamu wamubwete watina Luka 7:21

Mu kilookolo kinikyo, Yesu watsinikisa baatu balaka baba na mabeeru, baba na bipfuumi, baba na mampeeve mamabi, na wasa kuri ti balaka baba bafwa miisu bataambula bweese bwa kwemono.

Musamu wamubwete watina Luka 7:22

Tumi nde wabvutula kuri bo ti: «Bu lubvutuka yaabiseenu kuri Yowane mamo ma lumwiini na ma luyukiri: bafwa miisu bari mu kumono, bikata biteleme, babeele bwaasi batsyeemeke, bafwa makutu bayuka, bafwa bari mu kufuluka, na bawelu bari mu kutaambula Musamu Wamubwete.

Musamu wamubwete watina Luka 8:1

Ha mambisa haho, Yesu wayende mu mabvula na mu mabula, mu kwebikisa na kweyaabisa Musamu Wamubwete wa Kimfumu kya Nzaambi, na bo kuumi na boolo baba kintwaari na nde.

Musamu wamubwete watina Luka 9:11

Mampuumbu bu bayaabila, bamunama. Nde wamataambula, wabeke kumadzoonsolo mu ntoono Kimfumu kya Nzaambi, na watsinikisa baba na nzala butsiina.

Musamu wamubwete watina Luka 9:60

Nde wamuleele ti: «Hemese bafwa bedziika bafwa baaku bo-meene. Ye ngo wuri, yende weyaabisa Kimfumu kya Nzaambi.»

Musamu wamubwete watina Yowane 18:20

Yesu wabvutula kuri nde ti: «Me nyabee kwedzoonsaana, na pwelelee kuri baatu bobanso, mu mantaangu momanso, me nyabee kweyikisaa mu manzo ma nkutukunu na mu Nzo-nzaambi, mu kookutukunaa Bayudayo bobanso, na me nyasii leele ntoono ti mosi mu nsweeki ko.

Musamu wamubwete watina Yowane 6:59

Nde waleele mamo mu ntaangu yi kaba yikisa mu nzo-nkutukunu ku Kafarnawumi.

Musamu wamubwete watina Yowane 7:1

Ha mambisa haho, Yesu waba kwesaa budyeengi mu nsi ya Ngalili; mukwongo, nde waba wahele kutya kusa budyeengi mu nsi ya Yudaya, bukuri Bayudayo baba sakaana kumudzusa.

Biyiriki bya Bantumu 10:38

Dyaburi Nzaambi kalwiikirye Yesu wa ku Nadzareti Mpeeve Yangisi na mu mpinu. Nde wabee kwelutaana mu kweyirika mamabwe na kwetsinikisa bobanso babeeri kunsa nkwamusunu dza dyabulu, bukuri Nzaambi wabeeri na nde.

Biyiriki bya Bantumu 18:4

Nde waba dzoonsaana mu nzo-nkutukunu, mpisi kiluumbu kya mpuumunu, na waba yukusaana misamu ku Bayudayo na Bahelene.

Biyiriki bya Bantumu 20:25

Mu lumalu me nyaari ti beenu lubweese kumono busu bwa me ko, beenu-banso kunsa baatu ba nyabee kweluta mu kuyikisa maampu ma Kimfumu kya mayulu.

Biyiriki bya Bantumu 28:31

Nde wayaabisa Kimfumu kya Nzaambi, na wayikisa mitariri Mfumu Yesu Kiristo, mu nsiitu dzodzinso, kwahele bikakusulu.

Mukaanda kuri bari Loma 10:15

Na buri bayabisila, mbuti bahele kubaheeke? Bunu bu diri dyatinu ti: «Miri myamibwete, miilu mya babo bakweyaabisa misamu myamibwete!»