Musamu wamubwete watina Matayi 4:11 - Musamu Wamubwete 2013

¹¹ Haho, dyabulu wamusisa; na mono, bambasi bakokosolo na bamusalila.

Musamu wamubwete watina Matayi 4:11 ပူးပေါင်းရင်းမြစ်များ

Musamu wamubwete watina Matayi 26:53

Buri ye bu tsimini ti, me lo nyahele kuyingukila taayi dyaami, mpisi nde kasuusa ha teke me, mu kilookolo ki, mikaangu mya bambasi myaluta kiteesu kya kuumi na myoolo?

Musamu wamubwete watina Matayi 4:6

na wamuleele ti: «Mbuti ye mwaana Nzaambi, sonoko ku nsuku-nsi; bukuri diri dyatinu ti: "Nde sa kaha lutumu kuri bambasi baandi mu ntoono ye, na bo sa bakunaanguna mu myooko, mu kubata ti kuulu kwa ye kukwiisa kubumina kya mu tari."»

Musamu wamubwete watina Malako 1:13

Yesu walutisa biluumbu makuumi mana ku nsi yankatu, na Satana wamukotoso mu nsindukulu. Nde waba ha kimosi na bibulu bya ku bitiiti, na bambasi baba musalilaana.

Musamu wamubwete watina Luka 22:43

Haho, mbasi ya ku yulu yamumonokono, mu kumusyaamisa.

Musamu wamubwete watina Luka 22:53

Mpisi kiluumbu me nyabee kwebaanaa na beenu mu Nzo-nzaambi, ngo kasi lwasii kaanga me ko. Ngo kimaki kyeki kilookolo kya beenu, na kya lutumu lwa mampimbisi.»

Musamu wamubwete watina Luka 4:13

Dyabulu kamana nsindukulu dzodzinso, ha kamusisa natee mu kilookolo kikimi.

Musamu wamubwete watina Yowane 14:30

Me ka nyibweese kudzoonso kwalaka na beenu ko, bukuri mutumi nsi wiisiri, ngo nde wahele na lutumu ti lumosi mu me,

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

Mukaanda kuri Bahebeleho 1:14

Bambasi bobanso, mampeeve ma bari baheeke mu kisalu mu ntoono babo bakondolo mvuukulu.

Mukaanda kuri Bahebeleho 1:6

Na mu ntaangu yi kabweese kusuusa Mwaana watete mu nsi, nde waleele ti: «Bambasi ba Nzaambi bobanso bamutsukumina.»