Musamu wamubwete watina Matayi 26:63 - Musamu Wamubwete 2013

⁶³ Yesu waba wawura. Mukuutu bangaanga-nzaambi waleele kuri nde ti: «Me nyikuloombo, mu nkuumbu ya Nzaambi ya mwooyo, tuleele mbuti ye ngo Kiristo, Mwaana Nzaambi.»

Musamu wamubwete watina Matayi 26:63 ပူးပေါင်းရင်းမြစ်များ

Musamu wamubwete watina Matayi 16:16

Simoni Petelo wabvutula, waleele ti: «Ye ngo Kiristo, Mwaana wa Nzaambi ya mwooyo.»

Musamu wamubwete watina Matayi 26:62

Mukuutu bangaanga-nzaambi, bu kateleme, waleele kuri nde ti: «Ye wahele kubvutula ntoono? Nkya kimbaangi bamaba bari mu kuleele mu ye?»

Musamu wamubwete watina Matayi 27:12

Mu ntaangu yaba mufuundaa bakuutu ba bangaanga-nzaambi na bakulu ba babakala, nde kasii bvutula ntoono ko.

Musamu wamubwete watina Matayi 27:14

Nde kasii leele ntoono ti mosi ko, mu kumuha mvutu, mu kiteesu kiri ngoforo wakimuka kwalaka.

Musamu wamubwete watina Matayi 27:40

na baleele ti: «Ye mutsaamini nzo yangisi na mutuungi yo mu biluumbu bitatu, bvuuka ye-meene, mbuti ye ngo Mwaana Nzaambi [na] sunduka ha kuruwa.»

Musamu wamubwete watina Matayi 27:43

Nde wasiiri nsiitu mu Nzaambi, kamukuula lumalu, mbuti tiiri; bukuri nde waleeriri ti: "Me ngo Mwaana Nzaambi."»

Musamu wamubwete watina Matayi 27:54

Mukutu nkama bayongolo na baba kintwaari na nde mu kukebe Yesu, bu bamono ntembukulu ya butoto na mamo maba yirimini, babaka boomo bwalaka, baleele ti: «Ngwanwa, wumawu wabeeri Mwaana Nzaambi!»

Musamu wamubwete watina Matayi 4:3

Musindukiri bu kakokosolo wamuleele ti: «Mbuti ye mwaana Nzaambi, leele ti matari ma makituka mampa.»

Musamu wamubwete watina Malako 14:61

Yesu waba wawura, na wahele kubvutula ntoono ti mosi. Mukuutu bangaanga-nzaambi wabweese kumufuula ti: «Buri ye ngo Kiristo Mwaana Ngaa-lusakumunu?»

Musamu wamubwete watina Yowane 1:34

Me nyamwiini na nyateeri kimbaangi ti, wumawu ngo Mwaana Nzaambi.»

Musamu wamubwete watina Yowane 1:49

Natanahele wabvutula kuri nde ti: «Labi, ye ngo Mwaana Nzaambi, ye ngo mbyaasi ya Isaheli.»

Musamu wamubwete watina Yowane 10:24

Bayudayo bamudyengekele na bamuleele ti: «Natee mu nkya ntaangu, ye wutala beetu tukwedunga? Mbuti ye ngo Kiristo, lo wutuyaabisa na pwelelee.»

Musamu wamubwete watina Yowane 10:30

Me na Taata, turi mosi.»

Musamu wamubwete watina Yowane 10:36

kuri wunde wuri Taata wamusakumuna na wamuheeke ha nsi, beenu luleele ti: ye wusaana, bukuri me ndeeriryee ti: Me nyiri Mwaana Nzaambi?

Musamu wamubwete watina Yowane 18:37

Pilato waleele kuri nde ti: «Ngo ye mbyaasi wuri?» Yesu wabvutula ti: «Ye wuri mu kuleele ti me mbyaasi nyiri. Mu bubwo me nyiri nyabutuka, na mu bubwo me nyiri nyayisa ha nsi, mpisi heki me nta kimbaangi mu mitariri ngwanwa. Mpisi wunde wuri mu ngwanwa, lo wuyukaa mbeembu me.»

Musamu wamubwete watina Yowane 19:7

Bayudayo babvutula kuri nde ti: «Beetu turi na ngisi, na bunu buri ngisi yiyo, nde yelemini kufwa, bukuri nde-meene waleeriri ti nde Mwaana Nzaambi.»

Musamu wamubwete watina Yowane 19:9

wabweese kukoto mu nzo mutsuundu, na waleele kuri Yesu ti: «Ye wa kuri?» Ngo Yesu kasii kumuha mvutu ko.

Musamu wamubwete watina Yowane 20:31

bimabi babitinini, mu kuri ti beenu lusa kanyi ti Yesu ngo Kiristo, Mwaana Nzaambi, na mpisi heki mu nsiilu kanyi, beenu lubaka kidziingu mu nkuumbu yaandi.

Musamu wamubwete watina Yowane 6:69

na beetu twasa kanyi, na tuyaari ti ye ngo Wangisi, wa Nzaambi.»

Musamu wamubwete watina Yowane 8:25

Hango bo baleele kuri nde ti: «Ye na wuri?» Yesu waleele kuri bo ti: «Wunde wu nyiri mu kululeelaana kuholosono kunu mbandukulu.

2 Kol 1:19

Bukuri, Mwaana Nzaambi, Yesu Kiristo wu turi twayaabisa kuri beenu, me na Silvano na Timoteho, nde kasii kuba: «heehe» na «pele» ko.

1 Pet 2:23

Nde bamutuka, ngo kasii bvutula kitari ko; wamono mpasi, ngo kasii ŋaŋa ko, kasi wayekiri nyutu kuri mutsuundisi wasuunguma.