Musamu wamubwete watina Matayi 25:4 - Musamu Wamubwete 2013

⁴ Ngo bari na madyeele baholo miinda myaaku na maasi mu mayuku.

Musamu wamubwete watina Matayi 25:4 ပူးပေါင်းရင်းမြစ်များ

Musamu wamubwete watina Matayi 10:16

«Mono, me nyiluheeke bunu bimeeme ha kakati dya bango-mbulu. Ngo beenee balubuka bunu banyoko, na badweeteme bunu mabeembe.

Musamu wamubwete watina Matayi 25:2

Bataanu mo bo maba biwulu, na bataanu bari na madyeele.

Musamu wamubwete watina Matayi 25:3

Bantuumba ba biwulu bu baholo miinda, bahele kuholo maasi.

Musamu wamubwete watina Matayi 25:5

Mulumi bu kaba dziingila mu kwiisa, bobanso miisu mya baleme na babwa tolo.

Musamu wamubwete watina Matayi 7:24

«Mpisi muutu wuyuka maampu ma me mamama, na wumasariri, lo sa bamufwanikisa na muutu walubuka, watuunga nzo yaandi ha yulu tari.

Musamu wamubwete watina Yowane 3:34

Mukwongo, wunde wuri Nzaambi wamuheeke, wuleelaa Maampu ma Nzaambi, bukuri Nzaambi wamuha Mpeeve kwahele bwa kuteesele.

Mukaanda kuri bari Loma 8:9

Beenu lwahele kuba mu muswinyi, ngo luri mu Mpeeve, mbuti heki Mpeeve Nzaambi yadzakala mu beenu. Mbuti muutu wahele na Mpeeve ya Kiristo, lo nde kari wa Kiristo ko.

2 Kol 1:22

nde se watusa kinyemu kyaandi, na wasuusa bidiimbu bya Mpeeve munsa mitima myeetu.

1 Yow 2:20

Beenu lwataambula nkilulu kuri Wangisi, na beenu bobanso luyaari.

1 Yow 2:27

Ngo beenu, nkilulu yi luri lwataambula kuri nde yasa kikuundi mu beenu, na lwahele na nzala kuri ti muutu kaluyikisa; kasi nkilulu yaandi yiri mu kuluyikisa mu momanso, na yiri yangwanwa, ka yiri yampya ko, bunu bu yiri mu kuluyikisa, seenee kikuundi mu nde.

Mukaanda Yuda 1:19

Babo ngo bakwekotoso nkabunu, bakwedyaatila bunu bibulu, na bahele na Mpeeve.