Musamu wamubwete watina Matayi 25:34 - Musamu Wamubwete 2013

³⁴ Haho, mbyaasi sa kaleele kuri bari ku lubakala lwaandi: "Waseenu, beenu bari taayi dya me walusakumuna; taambuleenu saala ngo kimfumu kibari baluyirikila tekesele nyirikulu nsi.

Musamu wamubwete watina Matayi 25:34 ပူးပေါင်းရင်းမြစ်များ

Musamu wamubwete watina Matayi 13:35

Mpisi heki maleele mubikiri, meende mu mana. Nde waleele ti: «Me sa dzoonsolo mu mankuma; me sa nyaabisa myasweeke kuholosono kunu nyirikulu [nsi].»

Musamu wamubwete watina Matayi 19:29

Mpisi wunde wasisa manzo, bunu pe bampaangi, bunu pe bibusi, bunu pe taayi, bunu pe nguri, bunu pe baala, bunu pe manseke mu ntoono nkuumbu yaami, lo sa kataambula byo ku kinkama, na sa kataambula kidziingu kyahele manunu bunu saala.

Musamu wamubwete watina Matayi 20:23

Yesu wabaleele ti: «Mbasa me, beenu ngo luri sa lwanwa; ngo mu matariri kudzakala ha lubakala na ha lumosi lwa me, kari me nyiha miswa [mimyo] ko, ngo bibeendu bibyo bya babo, bari Taayi dya me wabayirikila byo.»

Musamu wamubwete watina Matayi 21:5

«Leeleenu kuri mwaana mukyeetu wa ku Syoni ti: Mono mbyaasi yaaku yiri mu kwiisa kuri ye, wadzuuna, wanwaata ha yulu mpuunda ya mukasi, na ha yulu mwaana mpuunda, kibulu kiri na kifiki.»

Musamu wamubwete watina Matayi 25:21

Mfumu yaandi wamuleele ti: "Bwabubwete! Ye kisari kyakibwete na kyakwiikama. Ye wabeeri wakwiikama mu byantele, ngo me nyikusuusiri ha yulu byalaka. Koto mu kiminu kya mfumu yaaku."

Musamu wamubwete watina Matayi 25:23

Mfumu yaandi wumuleeriri ti: "Bwabubwete! Ye kisari kyakibwete na kyakwiikama. Ye wabeeri wakwiikama mu byantele, ngo me nyikusuusiri ha yulu byalaka. Koto mu kiminu kya mfumu yaaku."

Musamu wamubwete watina Matayi 25:40

Mbyaasi sa kabvutula, sa kaleele kuri bo ti: "Mu ngwanwa me nyiluleele ti: Mamo ma lwayirikiri kuri mosi, mu bampaangi bamaba, babvuriri buntele, lo kuri me lwayirikiri."»

Musamu wamubwete watina Matayi 25:41

«Haho mbyaasi sa kaleele kuri bari ku lumoso ti: "Tatukeenu la na me, beenu ba bari babulila mpopi, yendeenu ku mbaawu yahele manunu, yibari bayirikila mu ntoono dyabulu na bambasi baandi.

Musamu wamubwete watina Matayi 27:37

Baba basuusa ha yu-yulu dya mutu waandi, kooti dyaandi dyatinu ti: «Wumawu ngo Yesu, mbyaasi Bayudayo.»

Musamu wamubwete watina Matayi 3:2

[na] kweleele ti: «Yiingee madyeele, bukuri Kimfumu kya mayulu kikokisiri.»

Musamu wamubwete watina Matayi 5:19

Ngo mbuti muutu sinini lutumu ti lumosi mu ntumu dzibvuriri buntele, na yikisiri se kuri baatu mu kusa bubwo, lo sa bamuteele ti wubvuriri buntele mu Kimfumu kya mayulu. Ngo wunde wumasalila, na wumayikisa, lo sa bamuteele ti mukuutu mu Kimfumu kya mayulu.

Musamu wamubwete watina Malako 10:17

Yesu bu kaba kweyende mu nzila, muutu mosi wayisa mu ntiinu, watsukuma ha busu bwaandi na wamufuula ti: «Muyikisi wamubwete, nki me nsa mu kutaambula kidziingu kyahele manunu bunu saala?»

Musamu wamubwete watina Malako 10:40

Ngo mu mitariri kudzakala ha lubakala bunu pe ha lumosi lwa me, kari me nyiha miswa mimyo ko; ngo bibeendu bibyo bya baatu, ba bari bayirikila.»

Musamu wamubwete watina Luka 11:28

Nde wabvutula ti: «Kiminu lo kibvuriri kuri babo bayukaa maampu ma Nzaambi na bamasalilaana!»

Musamu wamubwete watina Luka 11:50

mpisi heki kiseendu kimaki kifuta makila ma babikiri matsaamukini, kuholosono ku bayirikiri nsi,

Musamu wamubwete watina Luka 12:32

Yaa ba na boomo ko mwaa-mpuumbu, bukuri Taayi dyeenu wamwiini ti bwabubwete mu kuluha Kimfumu.

Musamu wamubwete watina Luka 19:38

Bo baleele ti: «Kaba wasakumunu, wunde wukwiisa mu nkuumbu Mfumu; kiyeengi ku yulu na nkeembu kunu kinsongi-yulu!»

Musamu wamubwete watina Yowane 1:49

Natanahele wabvutula kuri nde ti: «Labi, ye ngo Mwaana Nzaambi, ye ngo mbyaasi ya Isaheli.»

Musamu wamubwete watina Yowane 12:13

Baatu baholo matsweeni na bapala mu kweenmubwaana. Bo babeke kubikisa ti: «Hosaana! Kaba wasakumunu, wunde wukwiisa mu nkuumbu ya Mfumu, [na] mbyaasi ya Isaheli.»

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Musamu wamubwete watina Yowane 19:15

Hango bo babikisa ti: «Dzusa! Dzusa! Mukomono ha kuruwa!». Pilato waleele kuri bo: «Me komono ha kuruwa mbyaasi beenu?» Bakuutu ba bangaanga-nzaambi babvutula ti: «Beetu turi na mbyaasi ko, mbuti ka Kayisari ko.»

Biyiriki bya Bantumu 15:18

byayabakana kuholosono mantaangu mahele mbandukulu na manunu."»

Biyiriki bya Bantumu 3:26

Kuri beenu Nzaambi katekisiri kutelemese kisari kyaandi; nde wamuheeke mu kusakumuna beenu, mpisi muutu-muutu mu beenu, kasiisa bubi bwaandi.»

Mukaanda kuri bari Loma 8:17

Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

1 Kol 15:50

Ngo bampaangi, me bu nyiri mu kuleele ti: muswiini na makila ka bitsiitsa kukondolo saala dya kimfumu kya Nzaambi ko, na mbolulu ka yiri nkondolo kiteesu kyahele mbolulu ko.

1 Kol 2:9

Kasi, bunu bu diri dyatinu ti: «Mimyo miri miisu mya hele kumono, makutu ma hele kuyuka na miri muutu wahele kutsima mu mutima, Nzaambi wayirikisa myo mu ntoono babo bamutiiri.»

1 Kol 6:9

Buri beenu lwahele kuyaaba ti, bangaa-bubayi ka bataambula saala dya Kimfumu kya Nzaambi ko? Yaa luwunukina kweenu ko: biyala, minsaambiri mya biteki, bangaa-kimpala, bari na manzelu ma bukyeetu, babakala kakwesa kimpala na bambaasi bakala,

Mukaanda kuri bari Ngalatya 5:21

musoki, nkolulu malu, ndiilu ya mawaamba, na myominso myafwanikina na mimyo. Me nyilulubula mu mimyo, bunu bu nyatekesele kululeele ti, bayirikaana mya bubwo, ka bakondolo saala dya Kimfumu kya Nzaambi ko.

Mukaanda kuri bari Efeso 5:5

Mukwongo, yaabeenu dimadi: mpisi kiyala, bunu pe wasumuka, bunu pe ngaa-lukakutu, yiyo nsambukulu-biteki, lo wabubwo wahele na saala mu Kimfumu kya Kiristo bo na Nzaambi.

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

2 Tim 2:12

mbuti tukuundiri mpasi kintwaari na nde, lo sa twatuma kintwaari na nde se; mbuti tumutunini, lo nde se sa katutuna;

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Mukaanda kuri Bahebeleho 1:14

Bambasi bobanso, mampeeve ma bari baheeke mu kisalu mu ntoono babo bakondolo mvuukulu.

Mukaanda kuri Bahebeleho 11:16

kasi mu lumalu, bo bari mu musoongo mu nsi yibvuriri bubwete, haho lo ti nsi ya ku yulu. Hango-nkuumbu, Nzaambi wahele na nsoni mu bo, kuri ti bamuteele Nzaambi bo, bukuri nde wayeki wabayirikila bvula.

Mukaanda kuri Bahebeleho 4:3

Mukwongo, beetuneenu bangaa-kanyi, turi mu kukoto mu mpuumunu bunu bu kari kaleele ti: «Kunsa nkesi dzaami me nyalabiri ti: Bo ka bakoto mu mpuumunu yaami ko!» Ti bukuri biyiriki, byawa kuyirima kuholosono kunu mbandukulu nsi.

Mukaanda kuri Bahebeleho 9:26

Bukuri, lo nde keti kumonaa mpasi mbala dzalaka, kuholosono kwayirimini nsi. Ngo kasi mu lumalu, Kiristo wamonokono mbala mosi, ku manunu ntaangu, mu kuyaala masumu mu mpeelu nyutu ya nde-meene bunu kikabu.

Mukaanda wa Yakobo 2:5

Bampaangi baami ba mutima, yukeenu: Buri kari Nzaambi ko wasooriri bari bawelu mu mya nsi ngo bisina mu mitariri kanyi, na bakondiri ba Kimfumu ki kari kasa lusiilulu kuri babo bamutyaanaa?

1 Pet 1:9

mu kutaambula ndaandu ya kanyi, ngo mvuukulu ya miheebulu myeenu.

1 Pet 3:9

yaa lwebvutula mamabi mu mamabi ko, bunu pe kitari mu kitari ko. Ngo kasi yendee lwesakumuna, bukuri mu bubwo bari baluteele mbila, mpisi heki lutaambula lusakumunu ngo saala.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Nyabusulu ya Yowane 17:8

Kibulu ki wamwiini ye kyaba, ngo kyasaala ko, sa kitoomboko mu lubila, na sa kyeende ku mfukusulu; baatu badzakala ha butoto, babo bari mankuumbu mahele kutina mu mukaanda wa mwooyo, kuholosono nyirikulu nsi, sa bakimuka ha bamono kibulu, Bukuri kyo kyaba na kyasaala ko, kasi sa kyabweese kumonokono.»

Nyabusulu ya Yowane 19:16

Mu kiyuungu na mu kito kyaandi mwatina nkuumbu ti: «Mbyaasi ya bambyaasi, Mfumu ya bamfumu».

Nyabusulu ya Yowane 21:7

Wunde wuluuluka sa kataambula saala dimadi, me sa mba Nzaambi yaandi, na nde sa kaba mwaana waami.

Nyabusulu ya Yowane 5:10

Mu ntoono Nzaambi yeetu, ye wasa bo kimfumu na bangaanga-nzaambi, na bo sa batuma ha butoto.»