Musamu wamubwete watina Matayi 21:16 - Musamu Wamubwete 2013

¹⁶ Bo baleele kuri nde ti: «Buri ye wuri mu kuyuka mari mu kuleele bamaba?» Yesu wabvutula kuri bo ti: «Heehe! Buri beenu lwasii taanga ko ti: "Mu minwa mya mwaa-baala bantele na bansoombo, ye wayirika ndumusu yaaku"?»

Musamu wamubwete watina Matayi 21:16 ပူးပေါင်းရင်းမြစ်များ

Musamu wamubwete watina Matayi 11:25

Mu ntaangu yiyo, Yesu wabaangula mbeembu waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele.

Musamu wamubwete watina Matayi 12:3

Yesu wabvutula kuri bo ti: «Buri beenu lwasii taanga mya yirikiri Davidi ko, mu ntaangu yi kakoriri nde nzala na baatu baandi?

Musamu wamubwete watina Matayi 19:4

Nde wabvutula waleele ti: «Buri beenu luyaa ko ti: "Muyiriki, kunu mbandukulu, wabayirika bakala na mukyeetu?"

Musamu wamubwete watina Matayi 22:31

Ngo mu ntoono ya mfulukulu ya bafwa, beenu lwasii taanga ma leele Nzaambi kuri beenu ko? Waleele ti:

Musamu wamubwete watina Malako 13:17

Kyaari kuri bakyeetu baba na mayimi, na babo bakwenwiisa baala mabeene, mu biluumbu bibyo.

Musamu wamubwete watina Malako 2:25

Yesu wabvutula kuri bo ti: «Buri beenu lwakiri kutaanga pe, mamo ma yirikiri Davidi, bu kaba weki watikila na weki na nzala, nde na ba kaba na bo?

Musamu wamubwete watina Luka 21:23

Kyaari kuri bakyeetu baba na mayimi, na babo bakwenwiisa baala mabeene, mu biluumbu bibyo; bukuri sa kwaba manyoongi malaka mu nsi yi, na nkesi dza Nzaambi sa dzabwa ha yulu baatu bamaba.