Musamu wamubwete watina Matayi 20:26 - Musamu Wamubwete 2013

²⁶ Kari bubwo buyelemini kuba ha kakati dya beenu ko; ngo wunde wutiiri kuba mukuutu mu beenu, lo yelemini kuba kisari kya beenu.

Musamu wamubwete watina Matayi 20:26 ပူးပေါင်းရင်းမြစ်များ

Musamu wamubwete watina Matayi 20:27

Na wutiiri kuba watete mu beenu, lo sa kaba nkutu beenu.

Musamu wamubwete watina Matayi 25:44

Bo se sa babvutula, sa baleele ti: "Mfumu nkya ntaangu beetu twamwiini ye, kuri wuri na nzala, bunu pe mpwiisu, bunu pe wuri munzeense, bunu pe wuri mpene, bunu pe wabeele, bunu pe wuri mu boroko, na beetu twasii kubakisa ye ko?"

Musamu wamubwete watina Matayi 27:55

Kwaba bakyeetu balaka baba haho, baba talilaana. Bo baba kwefilaa Yesu, kuholosono ku Ngalili, bakwemusalila.

Musamu wamubwete watina Malako 10:43

Kari bubwo buyelemini kuba mu beenu ko; ngo wunde wutiiri kuba mukuutu mu beenu, lo kaba kisari kya beenu,

Musamu wamubwete watina Malako 10:45

Bukuri Mwaana muutu wahele kwiisa mu kuri ti bamusalila, ngo mu kusalila, na kuha kidziingu kyaandi, bunu kikori mu balaka.»

Musamu wamubwete watina Malako 9:35

Yesu bu kadzakala, wateele bo kuumi na boolo na wabaleele ti: «Mbuti muutu ti kuba watete, lo kaba wampotulu mu bobanso, na kaba ngaamba bobanso.»

Musamu wamubwete watina Luka 18:14

Me nyiluleele ti: mutori-mpaku wunde, bu kaba bvutuka ku nzo yaandi, lo wasuunguka mabuungu maandi; ngo Mufarisi ti bele pe. Bukuri mpisi wunde wudzaangamaa mu nde-meene, lo sa bamukulula, ngo wunde wakuluka mu nde-meene sa bamudzaangisa.»

Musamu wamubwete watina Luka 22:26

Ngo kari bubwo mu beenu ko. Kasi wubvuriri bukuutu ha kakati dya beenu, kaba bunu wubvuriri bulesi, na mutwaalisi kaba bunu kisari.

Musamu wamubwete watina Yowane 18:36

Yesu wabvutula: «Kimfumu kya me kiri kya ha nsi yi ko; mbuti Kimfumu kya me kibeeri kya ha nsi yi, nkani bisari bya me biketyee kunwaana, mpisi heki me mpele kuba wayekulu kuri Bayudayo; ngo mu lumalu, kimfumu kya me kiri kya hamaha ko.»

Biyiriki bya Bantumu 13:5

Bu batubuka ku Salami, bo bayaabisa maampu ma Nzaambi munsa manzo ma nkutukunu ma Bayudayo. Yowane waba na bo bunu mubakisi.

2 Kol 1:24

Kari kuri ti beetu, turi na lutumu mu kanyi dya beenu ko, ngo beetu tukwesala kintwaari na beenu, mu kuri ti beenu lumono kiminu, bukuri beenu lwateleme na keketee mu kanyi.

2 Tim 1:18

Hemese Mfumu kamuha miswa mya kutaambula mpemisi kuri Mfumu, mu kiluumbu kikyo. Na kisalu kyokinso ki kari kasala nde ku Efeso, ye-meene bvuriri kuyaaba.

Film 1:13

Me mbeeri ntiiri kumukebe hari me-meene, mpisi heki, ha kibeendu kya ye, nde kansalila mu ntaangu yi nyiri mu bikonyi, mu ntoono Musamu Wamubwete.

Mukaanda kuri Bahebeleho 1:14

Bambasi bobanso, mampeeve ma bari baheeke mu kisalu mu ntoono babo bakondolo mvuukulu.

1 Pet 4:11

Mbuti muutu wudzoonso, lo kadzoonso bunu nde wutubula maampu ma Nzaambi; mbuti muutu wusala, lo kasalila mu makwa ma muha Nzaambi, mpisi heki mu momanso, Nzaambi kaba wakeembusu mu Yesu Kiristo, kuri nde kuri nkeembu na mpinu mu bibvu ngo bibvu! Amene.

1 Pet 5:3

kari mu kuba bunu bamfumu, ha yulu babo balukwetwaalisa ko, ngo mu kuba kifwaani kyakibwete kuri mpuumbu.

Nyabusulu ya Yowane 17:6

Me nyamono mukyeetu wakolo mu makila ma bangisi, na mu makila ma bambaangi ba Yesu. Me nyakimuka mu kiteesu kya makwa ha nyamumwiini.