Musamu wamubwete watina Matayi 20:19 - Musamu Wamubwete 2013

¹⁹ na sa bamuyekele mu myooko mya bangooyi mu kumusaana, kumulata nkwaasulu, kumukomono ha yulu kuruwa, na kiluumbu kyabitatu sa kaba wafulukusu.»

Musamu wamubwete watina Matayi 20:19 ပူးပေါင်းရင်းမြစ်များ

Musamu wamubwete watina Matayi 12:40

Bunu bwasiiri Yona biluumbu bitatu bya mwiini, na bya butsuku mu mwooyo nsu yayinene, bumosi se Mwaana muutu sa kasa biluumbu bitatu bya mwiini na bya butsuku kusa butoto.

Musamu wamubwete watina Matayi 16:21

Kuholosono ntaangu yiyo, Yesu wabaandika mu kweyaabisa kuri bayiki baandi ti, nde yelemini kutoomboko ku Yerusalemi, na kumono mpasi dzalaka mu myooko mya bakulu ba babakala, bakuutu ba bangaanga-nzaambi na batini ba mangisi, yelemini kuba wadzusu, na mu kiluumbu kyabitatu, yelemini kuba wafuluka.

Musamu wamubwete watina Matayi 17:23

bo sa bamudzusa, na mu kiluumbu kyabitatu sa kaba wafuluka.» Bo banyoongo kwalaka.

Musamu wamubwete watina Matayi 27:26

Haho, nde kabapatukila Baraba, ngo kasi Yesu bamanaa kumulata nkwaasulu, Pilato wuyekiri mpisi kaba wakomunu ha kuruwa.

Musamu wamubwete watina Matayi 27:63

baleele ti: «Mfumu, beetu tubaambuka mwooyo ti mudziimbisi wunde, ha kabee mwooyo, waleeriri ti: "Ha mambisa ma biluumbu bitatu, me sa nyafuluka."

Musamu wamubwete watina Malako 14:65

Babamosi babaandika mu kumufulula mante, kumufuka nsaanda ku busu na kumu kula mangutu mambata na kuleele ti: «bikula». Na bangaamba Bamubwaanina mu mambata.

Musamu wamubwete watina Malako 15:1

Mu minkya mya bwiisi, mfuundu ya bakuutu ba bangaanga-nzaambi, bakulu ba babakala, batini ba mangisi na kikuutu kyokinso badzakala. Bakaanga Yesu, bamunata na bamuyekele kuri Pilato.

Musamu wamubwete watina Malako 15:15

Pilato bu katya kuha kiminu kuri mpuumbu, wabapatukila Baraba, na wayekele Yesu mpisi bamulata nkwaasulu, na bamukomono.

Musamu wamubwete watina Luka 18:32

Bukuri, nde sa bamuyekele kuri bangooyi, sa bamusaana, sa bamufulula mante.

Musamu wamubwete watina Luka 23:11

Erode na bayongolo baandi bamusaana na bamusiila munsiku. Bu kamulwiika kinkuta kyakibwe, wamubvutula kuri Pilato.

Musamu wamubwete watina Luka 24:46

Na wabaleele ti: «Bunu bu diri dyatinu: Kiristo sa kamono mpasi, na sa kafuluka mu bafwa mu kiluumbu kyabitatu,

Biyiriki bya Bantumu 2:23

Muutu wunde, bunu bwaba nzeengulu na nyaabulu ya Nzaambi, wayekulu mu myooko mya bahele na mangisi, bamudzusa mu kumukomono ha kuruwa.

Biyiriki bya Bantumu 21:11

na wayisa kuri beetu. Bu kaholo musweele Pawulo, wakaanga miilu na myooko mya nde-meene, na waleele ti: Mpeeve wuleele bumabu ti: muutu ngaa-musweele wu, Bayudayo sa bamukaanga bikonyi bumabu ku Yerusalemi, na kumuyekele mu myooko mya bangooyi.

Biyiriki bya Bantumu 4:27

Mukwongo, mu ngwanwa, Erode, Pontyo Pilato kintwaari na bangooyi na baatu ba Isaheli, bamwaakutukina munsa bvula dimadi, mu kunwaanisa kisari kyaaku kyangisi, Yesu wu wuri wakila maasi,