Musamu wamubwete watina Matayi 19:5 - Musamu Wamubwete 2013

⁵ Tumi nde wabweese kuleele ti: "Mu ntoono yiyo, bakala yelemini kusiisa taayi na nguri, na kukaangama mu mukasi waandi, na bo boolo sa baba muswinyi mosi."

Musamu wamubwete watina Matayi 19:5 ပူးပေါင်းရင်းမြစ်များ

Musamu wamubwete watina Matayi 19:6

Mu kiteesu kiri babweese kuba boolo ko, muswinyi mosi. Hango, muutu ya kahaambila byabvuuta Nzaambi ko.»

Mukaanda kuri bari Loma 12:9

Ntiilu yiba yahele na bumpitu-bumpyoongo. Yitikee mamabi, kaangamee mu mamabwe.

1 Kol 6:16

Buri beenu lwahele kuyaaba ti, wunde wubvuutini na mukyeetu wa kiyala, lo beki nyutu mosi? Bukuri diri dyaleelu ti: «Boboolo sa baba muswinyi mosi.»

1 Kol 7:2

Ngo kasi, mu kubata buyala, mpisi bakala kaba na mukasi wa nde-meene, na mpisi mukyeetu se kaba na mulumi wa nde-meene.

1 Kol 7:4

Mukasi kari na lutumu mu nyutu ya nde-meene ko, ngo mulumi; bwobumosi se, mulumi kari na lutumu mu nyutu ya nde-meene ko, ngo mukasi.

Mukaanda kuri bari Efeso 5:31

Mu didyo, wabakala sa kasiisa taayi na nguri yaandi, na sa kakaangama na mukasi waandi, na boboolo sa baba muutu mosi.