Musamu wamubwete watina Matayi 19:28 - Musamu Wamubwete 2013

²⁸ Yesu wabvutula kuri bo ti: «Mu ngwanwa me nyiluleeriri ti, mu ntaangu yikitika byobinso byamoono, Mwaana muutu bu kadzakala ha mboloko ya munkeembu, beenu lwanemi me, beenu se sa lwaba lwadzakala mu mamboloko kuumi na moolo, mu kutsuundisa makaanda kuumi na moolo ma Isaheli.

Musamu wamubwete watina Matayi 19:28 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 19:27

Hango Petelo waleele kuri Yesu ti: «Mono, beetu twasiisiri byobinso na twakunemi, heki nki biba kuri beetu?»

Musamu wamubwete watina Matayi 20:21

Yesu waleele kuri nde ti: «Nki ye tiiri?» Nde wabvutula kuri Yesu ti: «Ha miswa mpisi heki, baala ba me bo boolo ba, mbasi-tsuku baba badzakala, mosi ha lubakala lwa ye, mosi ha lumosi lwa ye, mu Kimfumu kyaaku.»

Musamu wamubwete watina Matayi 25:31

«Mbasi-tsuku ha kwiisa Mwaana muutu kunsa nkeembu yaandi, na bambasi bobanso kintwaari na nde, haho nde kadzakala ha yulu mboloko ya nkeembu yaandi.

Musamu wamubwete watina Matayi 6:33

Tekeselee meti kusaka Kimfumu [kya Nzaambi] na nsungumunu yaandi; tumi byobinso bibyo balubweese ha yulu.

Musamu wamubwete watina Matayi 8:20

Yesu waleele kuri nde ti: "Mibaku miri na miduku, na banoni ba yulu bari na madzaansa; ngo kasi Mwaana muutu wahele na ha kusuusa mutu".

Musamu wamubwete watina Malako 10:37

Bo babvutula kuri nde ti: «Ye ha miswa kuri beetu mu kudzakala, mosi ha lubakala lwa ye, na mosi ha lumosi lwa ye, mu nkeembu yaaku.»

Biyiriki bya Bantumu 3:21

Nde yulu kabweese kutaambula, natee ntaangu yi babweese kuyirika byobinso byamoono, bwa dzoonsiri Nzaambi mu minwa mya babikiri baandi bangisi, kuholosono mantaangu mahele kuwa.

2 Tim 2:12

mbuti tukuundiri mpasi kintwaari na nde, lo sa twatuma kintwaari na nde se; mbuti tumutunini, lo nde se sa katutuna;

2 Pet 3:13

Ngo beetu turi mu kwekiingila, bunu buri lusiilulu lwaandi, mayulu mamoono na butoto bwamoono, mumwo muba nsungumunu.

Nyabusulu ya Yowane 11:16

Makuumi moolo na mana ma binuni badzakala ha busu bwa Nzaambi, ha yulu mamboloko maaku, bayilimisa mabusu maaku na basaambila Nzaambi,

Nyabusulu ya Yowane 12:1

Kidiimbu kyakinene kyamonoko ku yulu, mukyeetu mosi walwaata ntaangu, wateleme ha yulu ngoondo, na wuri na lukoongolo lwa bambwetete kuumi na boolo mu mutu waandi.

Nyabusulu ya Yowane 20:4

Me nyamono mamboloko, baba badzakala ha yulu mo, babaha lutumu lwa kutsuundisa. Nyamono se miheebulu mya baatu ba bataburi mitu, mu ntoono kimbaangi kya Yesu, na mu ntoono maampu ma Nzaambi, na babo bari basii saambila kibulu na kiteki kyaandi ko, na bari basii taambula bidiimbu mu mambuunsu na mu myooko mya bo ko. Bo bafuluka na batuma kintwaari na Kiristo mu fuunda dya mibvu.

Nyabusulu ya Yowane 21:5

Wunde waba wadzakala ha yulu mboloko waleele ti: «Mono, me nsiiri byobinso byeki byamoono.» Wabweese kuleele ti: «Tina, bukuri maampu mamama mari masuunguma na mangwanwa.»

Nyabusulu ya Yowane 22:2

yo yakuumba ha kakati dya kibeendu kya bvula, ha kutukinaa baatu. Mu mpisi kibari kya nyari, kwamene muti wamwooyo mosi, wuhaanaa bimbutu mbala kuumi na dzoolo mu mubvu, bunu pe mbala mosi mu ngoondo. Makaya ma myo, matsinikisaa makaanda.

Nyabusulu ya Yowane 22:5

Butsuku bubweese kuba ko; na babweese kuba na nzala buungi bwa mwiinda na bwa ntaangu ko, bukuri Mfumu Nzaambi sa kasa buungi kuri bo, na sa batuma mu bibvu ngo bibvu.

Nyabusulu ya Yowane 3:21

«Wunde wuluuluka, me nsa nyamudzakisa kintwaari na me ha mboloko yaami, bunu buri me se nyalulukiri, na nyadzakala kintwaari na Taata, ha mboloko yaandi.»

Nyabusulu ya Yowane 4:4

Mu teteke dya mboloko, mwaba makuumi moolo na mana ma mamboloko, na ha yulu mo binuni makuumi moolo na bina byaba byadzakala, byalwaata binkuta byahembeke na nkoongolo dzawoolo mu yulu mitu.

Nyabusulu ya Yowane 7:4

Me nyayuka lutaangu lwa babo ba basiiri binyemu: nkama na makuumi mana na mana ma mafuunda, ma ba basiiri binyemu mu mpisi kaanda dya baala ba Isaheli: