Musamu wamubwete watina Matayi 19:14 - Musamu Wamubwete 2013

¹⁴ Ngo Yesu waleele: «Hemeseenu mwaa-baala, yaa lubakakikila mu kwiisa kuri me ko, bukuri Kimfumu kya mayulu kiri kya bari bunu bo.»

Musamu wamubwete watina Matayi 19:14 ပူးပေါင်းရင်းမြစ်များ

Musamu wamubwete watina Matayi 11:25

Mu ntaangu yiyo, Yesu wabaangula mbeembu waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele.

Musamu wamubwete watina Matayi 18:3

na waleele ti: «Mu ngwanwa me nyiluleeriri, mbuti beenu luyiingiri ko, na lukitukiri bunu mwaa-baala bantele ko, lo beenu lukoto mu Kimfumu kya mayulu ko.

Musamu wamubwete watina Matayi 19:15

Bu kamana kubatetekele myooko, wasiisa kibeendu kikyo.

Musamu wamubwete watina Matayi 5:10

Kiminu kuri ba bari mu kwekwaamisa mu ntoono ya nsungumunu, bukuri Kimfumu kya mayulu kya bo!

Musamu wamubwete watina Matayi 5:3

«Kiminu kiri na ba bawelu mu mpeeve, bukuri Kimfumu kya mayulu kya bo!

Musamu wamubwete watina Malako 10:14

Yesu wamono dyo ti bwabubi, na waleele kuri bayiki baandi ti: «Hemesee mwaa-baala biisa kuri me. Yaa lubakakisila ko, bukuri Kimfumu kya Nzaambi kiri kya bafwaanikina na bo.

Musamu wamubwete watina Malako 10:15

Mu ngwanwa, me nyiluleele ti: Mpisi wunde wuhele kutaambula Kimfumu kya Nzaambi bunu mwaa-mwaana, lo ka kakoto mu kyo ko.»

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.