Musamu wamubwete watina Matayi 18:28 - Musamu Wamubwete 2013

²⁸ Kisari kikyo bu kapala, wabwaana mosi mu bambaasi baandi ba kisalu, waba wamusoombo nkama bidenali. Bu kamukwaata, wamupina ha ndinga na waleele ti: "Futa kibiimbu kya me ki wuri na kyo."

Musamu wamubwete watina Matayi 18:28 ပူးပေါင်းရင်းမြစ်များ

Musamu wamubwete watina Matayi 18:27

Mfumu wamumwiinina ngebe, wamupatula na wamuhemesene kibiimbu.

Musamu wamubwete watina Matayi 18:29

Ngo mbaasi kisari wabwa ha nsi, wamuyingukila na waleele: "Ba na nkindusulu-mutima mu me, na me sa nyakufuta."

Musamu wamubwete watina Matayi 20:2

Bu bayukisina na bangaamba mu kubafuta kidenali kimosi mu kiluumbu, nde wabasindika ku nseke yaandi ya bviinya.

Musamu wamubwete watina Malako 14:5

Habeeri kwaandi lo bamayarikiri mu nkama tatu dza bidenali, na kuha kuri bawelu.» Bo babakila mukyeetu wunde nkesi.

Musamu wamubwete watina Malako 6:37

Yesu wabvutula kuri bo ti: «Baheene bi badya beenu-meene.» Bo bamuleele ti: «Buri tweendee twetusuumba mampa ma nkama dzoolo dza bidenali mpisi tubaha badya?»

Musamu wamubwete watina Luka 10:35

Bwiisi bu bwakya, Musamariya waholo bidenali byoolo, waha kuri wukoosalaa mu nzo banzeense, na wamuleele ti: "Bakisa muutu wu, tumi bweeri ha nyibvutuka, me nyikufuta mipata mi wubweese kusalila ha yulu mimyo."»

Musamu wamubwete watina Luka 7:41

«Baatu boolo baba na kibiimbu kuri musoombisi-mboongo mosi. Watete waba na kibiimbu kya nkama taanu dza bidenali, ngo wakaka makuumi mataanu.

Musamu wamubwete watina Yowane 6:7

Filipo wabvutula kuri nde ti: «Ti hayuku tusuumbiri mampa ma nkama dzoolo dza bidenali, lo makukula, kuri ti mpisi muutu kabaka mwaa-kitsuri ko.»