Musamu wamubwete watina Matayi 18:23 - Musamu Wamubwete 2013

²³ Hango-nkuumbu, Kimfumu kya mayulu kyafwanikina na muutu mosi wa mbyaasi waba tiiri ti bisari byaandi bitambikisa bi bari na byo.

Musamu wamubwete watina Matayi 18:23 ပူးပေါင်းရင်းမြစ်များ

Musamu wamubwete watina Matayi 13:24

Yesu wabweese kubateele nkuma yikimi. Nde ti: «Kimfumu kya mayulu kyafwanikina na muutu wunyaka nsaangi dza looso mu nseke yaandi.

Musamu wamubwete watina Matayi 13:31

Yesu wabweese kubateele nkuma yikimi ti: «Kimfumu kya mayulu kyafwanikina na lusaangi lwa muti wuri nkuumbu sinapi, luri muutu kaholaana, kunini munsa nseke yaandi.

Musamu wamubwete watina Matayi 13:33

Yesu wabweese kubateele nkuma yikimi ti: «Kimfumu kya mayulu, kyafwanikina na lufunusu, luri mukyeetu bu kaluhoriri, yitiri biteesu bitatu munsa fufu, natee kuditoomboko dyodinso.»

Musamu wamubwete watina Matayi 13:47

«Kimfumu kya mayulu kyabweese kufwanikina na siinga di batubiri mu mubu, ditolo bya bitsuumbu ngo bitsuumbu.

Musamu wamubwete watina Matayi 13:52

Yesu waleele kuri bo ti: «Hango-nkuumbu, mpisi mutini mangisi weki muyiki wa Kimfumu kya mayulu, wafwanikini na muutu ngaa-nzo, wupalisa mu kisweekulu kyaandi, bitotolo byamoono na byabikulu.»

Musamu wamubwete watina Matayi 18:24

Mu kubaandika kutambikisa, bamutwalikila wunde waba na kibiimbu kuri nde kya fuunda dya bitalanta.

Musamu wamubwete watina Matayi 25:1

«Kimfumu kya mayulu kya fwanikina na bantuumba kuumi banswaasa, bari bu baholo miinda mya bo, bayende mu kweebwaana mulumi.

Musamu wamubwete watina Matayi 25:14

«Mukwongo, sa dyaba bunu muutu wuri kabaanaa wukweende ku budyeengi, nde wateele bisari byaandi na wabayakisa lubaku lwaandi.

Musamu wamubwete watina Matayi 3:2

[na] kweleele ti: «Yiingee madyeele, bukuri Kimfumu kya mayulu kikokisiri.»

Musamu wamubwete watina Matayi 7:24

«Mpisi muutu wuyuka maampu ma me mamama, na wumasariri, lo sa bamufwanikisa na muutu walubuka, watuunga nzo yaandi ha yulu tari.

Mukaanda kuri bari Loma 14:12

Hango-nkuumbu, mpisi muutu mu beetu sa katambikisa mabuungu ma nde-meene [kuri Nzaambi].

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.