Musamu wamubwete watina Matayi 18:15 - Musamu Wamubwete 2013

¹⁵ «Mbuti mbaasi yaaku, wukuyirikiri mamabi [kuri ye] yende, lo museembe ha beenu boolo. Mbuti nde wukuywiiriri, lo ye bangusini mpaangi yaaku.

Musamu wamubwete watina Matayi 18:15 ပူးပေါင်းရင်းမြစ်များ

Musamu wamubwete watina Matayi 18:14

Bunubwo se buri kutya kwa Taayi dyeenu diri mu mayulu kuri ko ti mosi mu bilesi bimabi, kidziimbila.»

Musamu wamubwete watina Matayi 18:21

Hango, Petelo bu kakokosolo kuri Yesu, wamuleele ti: «Mfumu, mbala kwe me nyelemini kuhemesene mpaangi yaami, mbuti wanyirikila mamabi? Buri natee mbala nsaamu?»

Musamu wamubwete watina Matayi 18:35

Bunubwo se: «Taayi dyaami dya mu mayulu kasa, mbuti heki muutu-muutu mu beenu wahele kwehemesene mbaasi yaandi mu mutima ndemunso.»

Mukaanda kuri bari Loma 12:21

Yaa tala ko ti mamabi makubwiisa, ngo ye bwiisa mamabi mu mamabwe.

1 Kol 8:12

Mu didyo, lubaanaa lukweyirika masumu kuri bampaangi, na kwebumisa makya kuri nsimunu bo yiri na buyonsi, lo luyirika masumu kuri Kiristo.

2 Kol 7:12

Ngo mbuti me nyalutinini, lo kari mu ntoono muyiriki-mamabi, bunu pe mu ntoono wunde wu bari bayirikila mamabi ko, ngo mu kusoongo ha busu bwa Nzaambi, kuheme ku luri na kyo mu beetu.

Mukaanda kuri bari Ngalatya 6:1

Bampaangi, mbuti muutu bamutangusini wuyirika mamabi, lo beenu bakimpeeve suungukeenu wa bubwo, mu mpeeve ya bundeembu, ngo ye-meene se, sa madyeele mpisi hele kubwa mu nsindukulu.

Mukaanda kuri bari Kolosayi 3:13

Yendeenu lwekuunda bambaasi beenu na beenu, na kwehemesene beenu na beenu. Mbuti mosi mu beenu wuri na mwaa munyoongi mu mbaasi, lo bunu bwaluhemesene Mfumu, beenu se seenee bubwo.

1 Tes 4:6

Mu dyaambu di, yaa kuba wuyirika ma lumvuki kuri mpaangi yaandi, bunu pe kumuwuna ko, bukuri beetu twatekesele ku luyaabisa na kusiingisa dyo ti: Mfumu wubvutulaana mamabi kuri bayirikaana ma bubwo.

2 Tes 3:15

Ya lumuhololo bunu mutaatu ko, ngo museembeenu bunu mpaangi.

Mukaanda kuri Tito 3:10

Muutu wukwekotoso nkabunu, wumanaa kumulubula lwatete na lwadzoolo, wumuwuungiri.

1 Pet 3:1

Bwobumosi beenu bakasi, tumumeenu kuri balumi beenu, mpisi heki ti hayuku babamosi babisa kusiila kanyi mu maampu, baba babakama kwahele maampu, ngo mu ndyaatulu ya bakasi baaku,